Tahaka ny tsara kosoka indray ny fisainana revolisionera ao Ejipta, noho ny fandrobaham-pahefana [1] nataon'ny filoha Mohammed Morsy – ilay fanapaha-keviny vao haingana manitatra ny fahefany. Niteraka hetsi-panoherana nanerana ny firenena ny fanapaha-kevitra, ary ny nalaza indrindra dia ny sit-in natao manodidina ny Lapam-Panjakana.
Ny mpaka sary Jonathan Rashad [2], izay navitrika tamin'ny fampiasana ny fakan-tsariny hanangonam-baovao tamin'ny hetsika lehibe hatry ny fanombohan'ny revolisiona ejipsiana, no nizare ireo sarina graffiti manaraka ireto izany milaza ny tantara ao amin'ny kaonty Flickr [3].
Indreto nofantenana:
[4]Graffiti mampiseho ny filoha Morsi ho orita milomanao anaty ranomasin-drà. (CC BY-NC-SA 2.0)
‘miala, ondry’ manondro ny Filoha Morsi, milaza an-kolaka ny rebik'ondry fihetsiky ny Mpirahalahy Miozolomana. (CC BY-NC-SA 2.0)
[5]‘Mialà ry adala’
‘Tsy ara-drariny’ (CC BY-NC-SA 2.0)
[6]Famotsipotserana ny polisy miaramila, voampanga ho manao fandikana goavana ny zon'olombelona tamin'ny fidarohana ny mpanao fihetsiketsehana nandritra ny vanim-potoanan'ny tetezamita ao Ejipta (CC BY-NC-SA 2.0)
Nisy nanafika ny sit-in teo anoloan'ny lapam-panjakana tamin'ny 5 desambra, izay niafara tamin'ny fahafatesana 6 sy ireo maro maratra. Nivoaka taty aoriana ny fijoroana vavolombelona nataon'ny mpanao fihetsiketsehana anti-Morsi nampijaliana [7] teo am-pelatanan'ny mpanohana an'i Morsi. Maro ny tamboho natsangana manodidiina ny lapam-panjakana hisorohana ny fanatonan'ny mpanao fihetsiketsehana. Tratran'ny graffiti an'ny artista koa ireny mazava ho azy.
[8]‘Tsy maharo anao amin'ny revolisionera ny rindrinao’ (CC BY-NC-SA 2.0)