Etiopia/Libanona : Hatezerana Noho Ny Fahafatesanà Mpanampy An-trano iray Nivadika Ho Fientanana

Namono tena i Alem Dechasa, ilay vehivavy hita tanaty lahatsary nalaina tamin'ny finday niparitaka tety anaty aterineto, nodarohana sy notaritarihana amin-kery hiditra anaty fiara iray teo anatrehan'ireo mpitazam-potsiny teo ivelan'ny Kaonsily Etiopiana ao Beirut, Libanona.. Niteraka hatezerana mafy teo amin'ireo Etiopiana mpiondana aterineto ilay lahatsary. Taorian'ny nahafatesany, ireo mpiondana aterineto dia nikarakara antso iray tety anaty aterineto mba hisian'ny rariny sy hisarihana ny saina amin'ny zava-manjo ireo vahivavy Etiopiana mpanampy an-trano iharan'ny fanaovana tsinontsinona any Afovoany Atsinanana..