· Avrily, 2018

Tantara mikasika ny Bangladesh tamin'ny Avrily, 2018

Nari Jibon: Ireo Vehivavy Blaogera sy ny Olan'ny Fanomezana Vodiondry Ao Bangladesh

Tamin'ity herinandro ity dia nijery ireo lahatsoratra mahaliana avy tao amin'ny vehivavy mpitoraka blaogy ao amin'ny Nari Jibon izahay. Niresaka mikasika ny fandrahonana amin'ny vodiondrim-panambadiana izy ireo, izay manasarotra ny fiainan'ireo fianakaviana mahantra, amin'ny fanerena ny ray aman-dreny hihevitra ireo zanaka vaviny ho toy ny enta-mavesatra. Ary koa, ny nofinofin'ny mpandray anjara iray tao amin'ny NJ ny ho lasa filoha sy hanova ny fiarahamonina ankehitriny ho mazava kokoa, hanam-pahaizana ary tsy hisy vodiondry haneren'ny fiarahamonina.

27 Avrily 2018

Rising Voices Any Sierra Leone Sy Bangladesh

Tamin'ity herinandro ity, dia nasongadinay ny fivoaran'ny roa amin'ireo tohanan'ny Rising Voices any Azia sy Afrika. Mpianatra asa ao amin'ny Think Build Change Salone any Siera Leone no manomboka manoratra ireo traikefany raha toa ka mifantoka amin'ny fanampiana lahatsary sy sary ao amin'ny kitapon'ny fahaizamanaony kosa ireo vehivavy ao amin'ny Nari Jibon.

26 Avrily 2018

Anatin'ny Mason'ny Tafiodrivotra: Miteny Ireo Bilaogera Ao Bangladesh

Namoaka ny fihetseham-pony manoloana ilay rivodoza Sidr, izay nandravarava ireo morontsiraka atsimon'i Bangladesh, ireo bilaogeran'ny Nari Jibon. Vakio ny tantaran-dry zareo momba io loza io, ny faharetany ary ny ezaka fanarenana nataony. Vakio ihany koa ny fiofanana farany nataon'izy ireo momba ny Lahatsary sy ny kamerà dizitaly.

23 Avrily 2018

Tondradrano Tao Mumbai

Niaina orana mikija (156mm tanatin'ny 24 ora) i Dhaka tamin'ny voalohan'ity volana ity. Nandrakotra ny ampahefan'ilay tanàna ny ora-nikija ka nampitsahatra ny fiainan'ny olompirenena 10 tapitrisa. Saingy tsy misy manakaiky ilay niainan'i Mumbai tanatin'izay roa andro izay, miaraka amin'ny orana tsy tapaka voarakitra ho 896mm tanatin'ny 24 ora.

18 Avrily 2018

Manoratra Bilaogy momba ny Andro Iraisam-pirenena Hiadiana amin'ny SIDA

Nanamarika ny Andro Iraisam-pirenena Hiadiana amin'ny SIDA tamin'ny fitenenana ampahibemaso sy mafy mikasika ny VIH SIDA ireo bilaogera manerana izao tontolo izao ny voalohan’ny volana Desambra. Fanomezam-boninahitra ny ady amin'ilay valanaretina, izay mihamatanjaka noho ny fahanginana sy ny fampahalalàna diso, ny lahatsoratra rehetra navoaka tamin’izany.

16 Avrily 2018