Tantara mikasika ny Amerika Avaratra tamin'ny Septambra, 2012
Sodàna: Noràrana ny YouTube Taorian'Ny Fandoroana Ny Ambasady Alemana
Nanafika ny Ambasady Alemana sy Amerikana tao Khartoum ireo mpanao fihetsiketsehana voton-katezerana Sodàney tamin’ny Zoma 14 Septambra 2012 lasa teo, hetsi-panoherana ilay horonantsary novokarina tao Etazonia, izay manevateva ny Mpaminany Mohammad....
Video: Tafatafan-Tsingerintaona Miaraka Amin'ny Mpitarika Hetsika “Occupy Wall Street”
David DeGraw, mpiara-manorina ny hetsika 99% no manazava ny fahaterahana sy ny fitomboan'ny hetsika Occupy Wall Street (Bodoy Wall Street) tao anatin'ny herintaonany. Tafatafa niarahana tamin'i Cenk Uygur nandritra ny fandaharana fahitalavitra The Young Turks, noresahiny tamin'izany ny fisandratan'ny hetsika sy ny vato misakan'ny fikambanana.
Tontolo Arabo: Tohina Tamin'ny Famonoana Ny Ambasadaoro Amerikana Tao Benghazi
Nanameloka ilay fanafihana tsy am-piheverana nahazo ny Kaonsilin'i Etazonia tao Benghazi, Libya tamin'ny alin'ny Talata 11 Septambra 2012 ireo mpikirakira aterineto nanerana ny tontolo Arabo. Amerkana efatra, ka isan'izany ny Ambasadaoro Christopher Stevens, no maty raha nitifitra balafomanga tany aminy ireo mpitolona, nandritra ny fotoana nitondràna azy ho amin'ny toerana azo antoka, taorian'ny fotoana naha-fahirano ny tranoben'ny kaonsily.
Mujeres Mundi, Tafatafa Amin'ny Vehivavy Tsy Fahita Mahazatra
Ny bilaogera Peroviana Xaviera Medina de Albrand no atidoha sy nandany ron-doha tmin'ny bilaogy Mujeres Mundi, tahaka iray amoahany ny tafatafa ifanaovana amin'ny vehivavy avy amin'izao tontolo izao. Miresaka momba ny fiainany sy ny bilaoginy i Xaviera amin'ny fizarana voalohany amin'ity tafatafa ity.
Yemen: Hatezerana Noho Ireo Sivily 13 Matin'ny Fanafihana ‘Drone’ Amerikana
Fanafihan'ny 'drone' Amerikana iray hafa indray no niantraika tamin'i Yemen tamin'ny Alahady, tao Al-Baydha, nikendrena ireo mpitolona efa "noahiahiana" toy ny mahazatra. Ao anatin'izay efa lasa fahazarana ankehitriny, tsy voa izay nokinendry ary araka ny tatitra avy any an-toerana dia sivily 13, ahitàna vehivavy telo no maty.. Mitodika amin'ny Twitter ireo Yemenita mpikirakira aterineto maneho ny hatezeran-dry zareo
Hong Kong: Bahàno Ny Afovoany – Mialoha Ny Fanesorana An-kery
Ny 'Bahàno Ny Afovoany' dia naharitra maherin'ny folo volana ary isan'ny iray lava indrindra tamin'ireo hetsika fibahànana manerantany. Vao haingana ny HSBC no nahazo taratasy tamin'ny fitsarana hanesorana ireo mpibahana - mafàna fo, mpilanja sakaosy mandehandeha sy tsy manan-kialofana ka ny 27 Aogositra amin'ny 9 ora alina no fetra farany
