Tantara mikasika ny Tonizia tamin'ny Janoary, 2011
Tontolo Arabo: Mifety ny fidarabohan'i Ben Ali
Rehefa mijery ny Twitterfeed-ko, dia toa ny tsirairay no hihevitra fa efa ela ny tontolo Arabo no niandry ity andro ity. Niteraka koronana teo anivon'ny aterineto ireo Tweets nankalaza ny lositry ny filoha Toniziana Zine El Abidine Ben Ali avy tao Tonizia.
Arabia Saodita: Fandosirana, ny Filoha Tonisiana Teo Aloha Ben Ali Niantsona any Arabia Saodita
Raha miparitaka be ny vaovao mikasika ny fandosiran'ny filoha Toniziana, dia tonga soa any Arabia Saodita i Zine El Abidine Ben Ali , ireo Saodiana mpampiasa twitter dia naka ity sehatra ity hanehoan-kevitra mikasika io raharaha io.
Naato ve ny sivam-panjakana amin'ny aterineto Toniziana?
Nanaraka an'ireo fnoherana midongizina ao Tonizia tato anatin'ny andro vitsivitsy sy ny fitokonana faobe mananontanona ny ampitso, nikabary tao amin'ny fahitalavi-panjakana Tunisie7 , ny Filoha Toniziana Ben Ali io hariva io ary feno fileferana betsaka tsy toy ny mahazatra. Isan'ireo teboka maro hafa ny filazàny fa tsy mikatsaka ny ho...
Jordania: Mety Hitarika amin'ny fialàn'ain'ny Governemanta Arabo maro Hafa ny Fanoherana Toniziana
Arakaraky ny itohizan'ny herisetra, dia toy izany koa ny valin-kafatra sy ny fanehoan-kevitra ao Jordana. Maro ireo Jordaniana mpampiasa twitter no nifantoka tamin'ny fanakianana ny Filohan'i Tonizia , Zine El Abidine Ben Ali. Ny hafa mihevitra fa ny korontana mitranga any Tonizia dia hanome hevitra ny vahoaka any amin'ny firenena Arabo hafa hangataka fanavaozana ara-toekarena sy ara-politika.
Tonizia: Resaka fanonganam-panjakana, tsaho fotsiny
Vao maraina be ny Alarobia 12 Janoary, niparitaka toy ny vanja nipoaka tao amin'ny Twiiter ny vaovao hoe nisy fanonganam-panjakana tany Tonizia. Voamarina ankehitriny fa tsaho ilay tatitra - naelin'ny eritreritr'ireo Toniziana izay nitsangana nanohitra ny fitondran'i Ben Ali nanomboka tamin'ny tapaky ny volana Desambra.
Tonizia: Fitanisàn'ny nanatri-maso avy ao Tala
Khayl wa Layl (Soavaly sy Alina) bilaogy Toniziana, dia namoaka taratasy iray (Ar) avy amina vehivavy iray ao Tala, manome antsipirihany mikasika ireo zava-doza natrehin'izy ireo maso tato anatin'ny andro vitsy lasa.
Tonizia: “Azafady mba ambarao an'izao tontolo izao fa miala aina i Kasserine!”
Miasa andro aman'alina ireo Toniziana mponin'ny aterineto mba hampiseho amin'izao tontolo izao ny vonomoka mitranga ao amin'ny firenen-dry zareo. Ny zavatra izay nanonboka tamin'ny endrika fanoherana ny tsy fisian'asa raha nandoro ny tenany ny Toniziana iray vao 26 taona tao Sidi Bouzid tamin'ny volana lasa dia nandrehitra sy nampihanaka onjam-panoherana nanerana ny firenena iray manontolo. Ireto manaraka ireo ny fanehon-kevitra sasantsasany vao maraina be androany.
Tonizia : Voasambotra androany i Slim Amamou, mpitoraka bilaogy, mpiara-miasa amin'ny Global Voices
Voasambotra androany 6 Janoary teo amin'ny manodidina ny 1 ora tolakandro teo ilay mafàna fo sy mpitoraka bilaogy Slim Amamou. Amin'izao fotoana izao, tsy naharay vaovao mikasika azy ny namany sy mpiara-miasa aminy, ary mbola tsy fantatra ny tohin'ity fisamborana azy ity. Tokony nandeha niasa izy taorian'ny namitàny ny fijerena ara-teknika ny fiarany. Ny vaovao farany avy amin'i Slim dia tweet iray teo amin'ny manodidina ny 1 ora tolakandro teo.
Tonizia : “tsy matahotra intsony izahay!”
Mihamanatona ny faran' ny taona fa any Tonizia kosa dia mikorontana noho ny firohotana ara-tsosialy izay heverin'ny mpitoraka bilaogy maro fa hitondra fiovana lehibe eo amin'ny firenena. Noho ny fanivanana ny aterineto sy ny haino aman-jery Toniziana, dia fahazarana ny mampahafantatra sy mikarakara ny fanoherana mandritra ny 13 andro amin'izao fotoana izao amin'ny fampiasana ny tenifototra #SidiBouzid. Fanontaniana iray anefa no mipetraka: Fa maninona ny fanoherana any Tonizia no tsy manako toy ny fanoherana tany Iran? Fanampian'izany, fa maninona no resahina foana ny fanivanana any Sina ankehitriny nefa ny daroka ataon'ny polisim-panjakana any Tonizia tsy mba lazaina?
Tonisia: Manako eran-tany ny antsoantson'ireo mpanohitra
Ny kiak''ireo Tonisiana, manohitra ny kolikoly sy ny tsy fisian'asa nandritra ireo roa herinandro lasa, dia mihamalalaka kokoa ao amin'ny Aterineto. Mihetsika manaraka azy ireo sy manely ny antsony ireo mpampiasa aterineto maneran-tany.