Tantara mikasika ny Arabia Saodita tamin'ny Jolay, 2013
Mandoro Trano sy Fiara ao Awwamiya Ny Mpitandro ny Filaminana Saodiana
Nosamborina tao Awwamiya androany i Abbas Al-Mazraa sy ny rahalahiny enina. Niafara tamin'ny fandoroana ny trano sy ny fiaran'ny fianakaviana [nosamborina] ny fisamborana.
Saodiana Mpanangana Tranonkala Migadra sy Kapohina
Olona manana foto-kevitra tsy mitovy amin'ny mpitondra ao amin'ny fireneny sady gadraina no karavasiana in-600 ary didiana akatona ny tranonkalany. Henjana rehefa miaro ny rambony tsy ho tapaka ny mpitondra.
Voarara Ny Fanatrehan'Ireo Vehivavy Saodiana Ny Fitsarana Azon'ny Rehetra Atrehina
Na dia ny vadiny sy ny Renin'ilay mpitarika ny fikambanana mpiaro ny zon'olombelona Umar Al-Saeed aza dia tsy navela hanatrika ny fitsarana azy.
Nampiditra Am-Ponja Mpisera Facebook Fito i Arabia Saodita Noho Ny Antsom-Panoherana Nataon'Izy Ireo
Tsy azo ekena ny fananana hevitra politika manohitra ao Arabia Saodita, fitondram-panjaka tokana. Voafonja ankehitriny ny lehilahy fito noho ny fiampangana azy ireo ho manohintohina ny filaminam-bahoaka sy miantso fanoherana ao amin'ny Facebook.
Famoretan'ny Saodiana Ireo Mpanohana ny Mpirahalahy Miozolomana
Mpitondra fivavahana ambony Islamika roa Mussen al-Awaji sy Mohamad al-Arefi no voalaza fa notànana ao Arabia Saodita noho ilay antsoiny maro hoe famaizana ireo izay manana fifandraisana amin'ny mpirahalahy Miozolomana, izay vao avy nihongana ny fitondrany ao Ejypta.
Saodiana Mafana Fo Taitra Tamin'ny Fandraràna Tampoka Ny Diany Teny An-tseranam-piaramanidina
Tsy navela hivoaka an'i Arabia Saodita ilay mafana fo sady mpanao gazety, Iman Al-Qahtani, ho fanasaziana azy tamin'ny fanentanany sy ny fanohanany ireo reformista mpitaky fiovàna.
Manamarika ny ‘Telo Andron'ireo Voafonja’ ireo Saodiana fianakavian'ireo Voafonja
Nanamarika ny Andro Fahatelo ho an'ireo Voafonja ny fianakavian'ireo Saodiana voatàna am-ponja, mba ho fanoherana ny fitazonana tsy ara-drariny ireo havany. Iray amin'ireo firenena mbola mandàla ny fitondrana mpanjaka tsy refesi-mandidy eran'izao tontolo izao i Arabia Saodita sady manana ny isa tsy azo anoharana amin'ny fanitsakitsahana ny zon'olombelona, izay misy olona mihoatra ny 30.000 voatàna tsy an-drariny.