Tantara mikasika ny Afrika Avaratra sy Afovoany Atsinanana tamin'ny Avrily, 2012
Tonizia: Eny An-dalambe Ny Mpamaky Boky!
Taorian'ny herinandro vitsivitsy nisian'ny fihetsiketsehana tao Tunis, nambara indray ny fisiana hetsika vaovao, antsoina hoe "L'avenue ta9ra", na "Mamaky [boky] ny Lalambe". Antsoina amin'izany ny Toniziana hitondra ny bokiny ho eny amin'ny Lalambe Habib Bourguiba, toerana ahafantarana indrindra ny renivohitra, sy handraisana anjara amin'ny fiarahana mamaky boky.
Tonizia: Nofoanana Ny Fandraràna Tsy Hanao Fihetsiketsehana
Nisento ny mpiserasera rehefa nofoanana ny fandraràna tsy hahazo hanao fihetsiketsehana eo amin'ny Lalambe Habib Bourguiba. Fa mbola tsy vita ny raharaha
Soeda: Mitsidika An'i Rinkeby, Ambany Tanàna Be Mpiavy Ao Stockholm
Malaza noho ny fahamaroan'ny mpifindra monina ao aminy ny fokontanin'i Rinkeby ao Stockholm, Soeda. Mitantara ny fitsidihany io faritra io izay mba te-hijerijery izany faritra izany. Monina any Stockholm ny mpanao gazety sy bilaogera Yemenita Afrah Nasser. Nanoratra momba ny nitsidihany voalohany an'i Rinkeby izy tao amin'ny hafatra bilaogy tamin'ny 6 Avrily 2012....
Matin'ny Bala Iray i Ahmed Ismael, Tsy Toy Izany Kosa Ireo Lahatsariny
Rehefa miresaka mikasika ireo olo-malazan'ny tolona ho amin'ny fahalalahana, dia mahatsiao foana an'ireo olon-tsotra mpitati-baovao aho. Ireny tanora lahy sy vavy izay mampakatra lahatsary sy fanavaozam-baovao anaty aterineto ireny mba ho hitan'izao tontolo izao no tena mahery fo marina tokoa. Tsy zavatra mora akory izany hoe eny anivon'ny famoretana ataon'ny polisy izany sady mandrakitra anaty lahatsary sy saripika. Ireny mpiady tsy mitonona anarana ireny no mahery fo manan-daza ho ahy.
Tonizia : Maro Ny Naratra Tamin'ny Fifandonana Nandritra Ny Andron'ny Maritiora
Ireo mponina anaty aterineto ao Tonizia sy ireo vondron'olona mafana fo dia tena nalahelo tokoa ny 6 Aprily 2012,tamin'ny nanakanan'ny polisy ilay hetsi-panoherana nokasaina atao ho fahatsiarovana ireo Maritiora. Nitranga izany andro vitsy monja taorian'ny fidinana an-dalambenireo tanora tsy an'asa izay noravan'ireo polisy an-kerisetra.
Alzeria: Fanaovam-beloma Farany Ho An'ny Filoham-pirenena Algeriana Ahmed Ben Bella
Taorian'ny fahafatesan'i Ahmed Ben Bella, nahatsiaro ity lehilahy ity ny mpiserasera Arabo amin'ny maha filoham-pirenena Alzeriana azy voalohany.
Jordania : Lasa Ny Herintaona, Mitohy ny Fifandroritana
Ny faha 24 Ny faha 24 Marsa, 2012 - herintaona ilay Faran'ny herinandro izay nanohina ny Jordania iray manontolo, ka nampisondrotra ny finiavana ho amin'ny fanovana. Io no tsingerintaonan'ilay faran'ny herinandro nanaovan'ny andiam-bondrona isankarazany avy ao Jordania hidina an-dalàmbe tao amin'ny lalàmben'i Amman nanaovana hetsika am-pilaminana ary nifanandrina tamin'ny vondrona mifanohitra aminy izay manao azy ireo ho 'Home Calling' na 'Miantso ny Tanindrazana' (Nidaa Watan)
Tonizia: Entona Mandatsa-dranomaso Sy Kobay Hanaparitahana Ireo Mpanao Fihetsiketsehana Tsy An'Asa
Nikarakara hetsi-panoherana any amin'ny vohitri' Tunis ny Fiombonan'ireo Manana Diplôma Tsy an'asa ny 7 Aprily 2012. Nampiasa entona mandatsa-dranomaso sy kobay ny mpitandro filaminana hanaparitahana ireo mpanohitra rehefa nikasa ny handika ny fandraràna hanao fihetsiketsehana tao amin'ny Kianjan'ny Habib Bourguiba, kianja lehiben'ny renivohitra, izy ireo.
Mali: Tombouctou, Tandindonin-Doza Ny Haren-Kolontsaina
Mampahatsiahy zavatra malaza sy toetr'andriana izany anarana Tombouctou izany ho an'izao tontolo izao. Nefa mahatandindonin-doza an'i Tombouctou ny ady any avaratr'i Mali sy ny fisian'ireo henja-pihetsika vitsy dia vitsy an'isa ao. Maro ireo mampaneno lakolosy fanairana.
Tonizia: Fihetseham-po Samihafa Tamin'ny Fisovohana Ny Mailaky Ny Praiminisitra
Niditra an-tsokosoko tamin'ny mailaky ny praiminisitra Toniziana Hamadi Jebali tamin'ny 8 Aprily teo ny Anonymous Tonizia (izay milaza fa sampan'ny vondrona mpisovoka (hackers) Anonymous). Hetsika tafiditra amin'ilay hetsika goavana ” Operation Tunisia Back” (Miverina i Tonizia) io Hetsika Avelao i Toniziako “Operation Touche pas à ma Tunisie” io. Ny ampitson'ny revolisiona taona 2011, mpikambana ao...