Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

· Marsa, 2019

Tantara mikasika ny Iràna tamin'ny Marsa, 2019

Iran: Natambatra ny sivana 

Nanambara ny manampahefana Iraniana fa ho atambatra ny politikan'ny sivana ao amin'ny firenena. Araka ny filazan'ny manampahefanan'ny Repoblika Islamika,  nahazo ny fifanarahana mba ho tompon'andraikitra amin'ny fanivanana ao amin'ny firenena ny orinasa Iraniana iray, izay tsy nambara ny anarany.

Vaovao farany momba an'i Hoder

Nisy tranonkala sy bilaogy nanoratra tao anatin'ny andro vitsivitsy fa nosamborina i Hossein Derakhshan, Hoder. Nilaza zavatra roa hanaporofoana izany tamin'ny filazana toy izao izy rehetra ireo: ny tatitra avy amin'ny tranokalam-baovao Iraniana Jahan News sy ny zava-misy fa tsy nanavao ny bilaoginy nandritra ny 2 herinandro i Hoder.

Nahoana ny Repoblika Islamika no matahotra an'i Nasrin Sotoudeh?

"Manafintohina", "tsy rariny", "devoly" sy "henatra mitabataba" no anisan'ireo teny nolazain'ireo mpiaro ny zon'olombelona sy Iraniana maro ao amin'ny media sosialy momba ny fandrenesena ny vaovao manafintohina fa voasazy higadra 38 taona an-tranomaizina sy kapoka karavasy in-148 i Nasrin Sotoudeh, Iraniana malaza mpiaro ny zon'olombelona.

Iran: Bilaogera iray hafa nosamborina

Nosamborina i Nama Jafari, bilaogera sady mpanao gazety. Toniandahatsoratra tao amin'ny tranonkala ara-kolotsaina iray izy. Nanoratra boky iray ihany koa izy izay mitondra ny lohateny hoe "fivoriana tao amin'ny toeram-pigadrana mitoka-monina".

Iran: nosamborina indray i Khazali

Nitatitra i Shoorezar fa nosamborina indray tamin'ny herinandro lasa teo i Mehdi Khazali, bilaogera, mpamoaka lahatsoratra sady zanaka lahin'ilay mpitondra fivavahana malaza mpandala ny fivavahana sady mpikambana teo aloha tao amin'ny Vaomieran'ny Mpiambina, Ayatollah Khazali.

Polisy antserasera, Jeografia ao Iran

Nitatitra ny radiom-pirenena fa mikasa hanaparitaka "polisy antserasera" manerana ny firenena i Iran, nilaza ny Jeneraly Ahmadi Moghaddam fa "tsy misy fotoana hiandrasana" amin'ny fametrahana ny fiarovana farany an'ny Repoblika Islamika amin'ireo fahavalony tena izy sy fantany.

Iran: Bilaogera voadaroka tany am-ponja

Nilaza [fa] ireo mpikatroka ny zon'olombelona fa nodarohan'ny mpiambina tany am-ponja i Hossein Maleki Ronaghi, bilaogera nogadraina, rehefa avy nanoratra taratasy tany amin'ny manampahefan'ny fitsarana ao Iran ka nentina tany amin'ny hopitaly. Voasazy higadra 15 taona an-tranomaizina ity bilaogera ity.

Iran: Bilaogera voasazy higadra 17 volana

Voasazy higadra 17 volana an-tranomaizina i Peyman Roshan Zamir, bilaogera sady mpikatroka ara-politika avy ao an-tanàna atsimon'i Ahwaz. Voampanga ho nanevateva ny mpitarika ny repoblika Islamika sy nanao fampielezan-kevitra manohitra ny fitondrana izy.

Iran: Atahorana ny ain'ilay bilaogera

Nilaza ny rain'i Hossein Rongahi fa atahorana ny ain'ny zanany lahy. Bilaogera nogadraina mila fitsaboana ara-pahasalamana maika i Hossein. Voasazy higadra 15 taona an-tranomaizina izy.

Iran: Nosamborina i Mehdi Khazali, bilaogera sady mpamoaka lahatsoratra

Nosamborina i Mehdi Khazali, mpamoaka lahatsoratra sady bilaogera. Zanakalhin'ilay mpitondra fivavahana elatra havanana sady mpikambana teo aloha tao amin'ny Filan-kevitry ny Mpiambina, Ayatollah Khazali izy.