Tantara mikasika ny Ejipta tamin'ny Febroary, 2011
Iran: “Al Jazeera, Miangavy mba hotaterina ny eto Iran Tahaka Izay Nataonareo Tany Ejipta”
Raha nameno ny tontolo virtoaly mba handrisika ilay hetsika nosakanana tamin'ny fomba ofisialy tokony hisy ny 14 Febroary (25 Bahman) amin'ny anaran''ny vahoaka Ejiptiana sy Toniziana ireo Iraniana mafàna fo amin'ny aterinetoin, dia pejy Facebook iray no natsangana handrisihana ny Al Jazeera mba handrakotra ilay hetsika.
Ejipta: Mifaly izao tontolo izao satria niala i Mubarak
Tamin'ny andro faha-18 tamin'ireo fanoherana marobe nanozongozona an'i Ejipta, niala i Hosni Mubarak. Hafaliana eran-tany, miravoravo hono ireo vaovao.
Sodana: Hiakatra an'i Nile anie ny rivotry ny fanovàna
Manaraka ny fandresen'ny vahoaka Ejiptianina, mikoriana mankany Ejipta ireo tweetin'i Sodane izay milaza hafatra mazava, "Hiakatra any amin'ny lohasaha ambonin'ny Nile anie ny rivotry ny fanovàna.”
Ejipta: Novain'i Mubarak ho “manahirana” ny toetoetry ny fifandraisany amin'ny Facebook
Mafana fo Ejiptiana sy teratany Tandrefana hafa koa no nampiasa ny fitenin'ny media sosialy hanaovana hatsikana mba hitantarana ny zava-nisy araka ny nitrangàny. Mitosatosaka koa ireo kaonty hosoka ho an'i Mubarak, ary nitazona ny moraly ho ambony ireo hosoka ireo tamin'ny tenifototra #jan25 Twitter, na tamin'ireo fotoana maizina nisian'ireo fifandonana tamin'ny Alakamisy sy Zoma aza. Mandinika izany akaiky i Carmel L Vaisman.
Arabia Saodita: Fifalian'ireo Ejiptianina rahalahintsika!
Ao anatin'ny fihetsehim-pon'izy ireo tamin'ny fandrenesana fa hoe nametra-pialàna i Hosni Mubarak, niarahaba ireo tanora Ejiptianina ny Saodiana tamin'ny fandreseny, indrindra ireo tao an-kianjan'i Tahrir.
Ejipta:Fanadiovana ny Tahrir
Nandritra ireo herinandro vitsy lasa, satria "nanadio" ny fireneny tamin'ny Fahefana jadona ireo Ejiptianina, feno vahoaka ny Kianjan'ny Tahrir, feno hafaliana, ary vokatr'izany, feno zavatra tokony ho diovina. Na dia nikarakara ny trano vonjimaika nitoerany aza ireo mahery fo tao afovoan'ny Kianja, maro ireo zavatra tokony natao satria mihamanify ny sarababem-bahoaka. Androany, nizara ny vaovao ireo Ejiptianina fa madio tanteraka ny Kianja, ary mbola tsara noho ny nahitan'izy ireo azy.
Ejipta: Ny fotoanan'ny Fandresena
Rehefa niala teo amin'ny Fitondrana an'i Ejipta i Mubarak dia nanomboka niseho iIreo horonantsary tahirin'ny vahoaka tamin'ny fampisehoana ireo fotoana manan-tantarasy ny fomba nandraisan'ireo vahoaka tao amin'ny Kianja Tahrir.
Ejipta: Afaka i Kareem Amer
Ilay Ejiptiana mpitoraka bilaogy malaza Kareem Amer, fantatra amin'ny anarana hoe Abdulkareem Nabeel Sulaiman, dia nafahana, bitsika voamarina androany ireo. Kareem, izay niaraka tamin'ilay mpamokatra sarimihetsika mahaleotena Samir Eshra, dia 'nalaina an-keriny' andian-jiolajimboto rehefa nandao ny kianjan'i Tahrir ny 7 Febroary teo, natolotra ny mpitandro filaòinana avy eo ary nalefa tany aminà fonja miaramila tany " anivon'ny tany efitra."
Ejipta: Mitohy ny firavoravoana noho ny fametraham-pialàn'i Mubarak
Mitohy ny firavoravoana manerana izao tontolo izao taorian'ny vaovao nilaza fa nandao ny tanàna i Hosni Mubarak. Ilay mpanao jadona, izay nifehy an'i Ejipta nandritra ny taompolo telo, ary nandà ny hametra-pialàna tao anatin'ny 18 andro nisian'ny hetsi-bahoaka tsy nitsahatra nanehoan'ireo Ejiptiana ny fangatahan-dry zareo ny hialàny amin'ny fitondràna amin'ny fomba faran'izay milamina, dia niala ihany nony farany.
Ejipta: “Maniry ny hialàn'i Mubarak izahay!”
Nanao lahateny fanindroany nanoloana ny vahoaka Ejipsiana ilay mpanambony tena Hosni Mubarak taorian'ny antso fanoherana sy fikatsahana ny fiafaran'ny fitondram-panjakany izay nanomboka tamin'ny valo andro lasa izay (23 jan 2011) Ny lahateniny voalohany dia nianjera tany aminy, ary vao maika nitarika hatezerana bebe kokoa avy amin'ireo vahoaka izay maniry ny hialany izany, rehefa nitondra ny firenen'izy ireo nandritra ny 30 taona izy. Ary ny lahateniny faharoa dia tsy nahafa-po ihany koa. Androany, dia nilaza tamin'ny vahoaka Ejipsianina izy fa tsy hilatsaka ho anisan'ireo hofidiana amin'ny fifidianana filoham-pirenena amin'ny volana Novambra, izay nampamory ireo vahoaka tsy manam-paharetana tao Tahrir Square sy ny maro hafa koa.
