Tantara mikasika ny Amerika Latina tamin'ny Avrily, 2011
Kolombia, Faratampon'ny Fampitandremana Taorian'ny Oram-baventy
Anatin'ny mena faratampon'ny fampitandremana i Kolombia noho ny oram-baventy. Mponina aminà departemanta 28 no voadona mafy tokoa: tondradrano, tany mihotsaka ary fiakarana tampoky ny renirano sy ireo riandrano kely izay namela tra-boina maherin'ny telo tapitrisa sy sasany.
Pôrtô Rikô: Mitohy ny Adihevitra Momba ny Herisetra ao An-tokantrano
Ao Portô Rikô, nangotraka ny adihevitra mikasika ny herisetra ao an-tokantrano. Bilaogy roa no nanaraka ny didy navoakan'ny Fitsarana an-tampony fa ireo iharan'ny herisetra ao anatin'ny fiarahana tsy ara-dalàna dia tsy voaaron'ny Lalàna 54 manohitra ny herisetra ao an-tokantrano. Ary vao haingana, ny fitsarana ambony ao San Juan (renivohitry ny firenena) no nanapa-kevitra fa tsy voaaron'ny Lalàna 54 ny vehivavy hafa niharan'ny herisetra tao an-tokantrano satria tsy ara-dalàna ny fiarahany tamin'ny olona nanao herisetra azy fa filàna ara-nofo fotsiny.
Chile: Nanafaingana Ny Fitaterana Taova Ny Mpitsabo Mpanampy iray Tamin'ny Alalan'ny Twitter
Cristina Bizama (@cristi_enf), mpitsabo mpanampy ao amin'ny tobim-pitsaboana Talca any Chili, dia nahavita nanafaingana ny fitaomana ny taova hafindra avy any Talca mankany Santiago renivohitra, any amin'ny 260 kilometratra miala avy ao. Tweet iray no nanombohan'ny zava-drehetra: "Tsy mampino! Tsy misy fomba hitaterana taova 5 mankany [Santiago]." Avy hatrany dia nandray andraikitra ny vondrom-piarahamonin'ny Twitter.
Arzantina: Miresaka Sondro-bidim-Piainana ireo Mpitoraka Bilaogy
Lohahevitra efa resabe hatry ny ela ta Arzantina ny sondro-bidim-piainana, ary lasa lohahevitra miverimberina eo amin'ireo mpitoraka bilaogy.Satria olana ara-politika manan-danja lehibe tokoa, dia andrasana ny handraisana azy ho lohahevitra lehibe hifandresen-dahatra mandritra ny hazakazaka hofidiana ho filoham-pirenena amin'ny Oktobra ho avy io.
Goatemalà: Maximón sy ny fombafomban'ny herinandro masina (paska) hafa
Singa ara-pivavahana isan-karazany any Goatemalà no mametraka ny Herinandron'ny Paska (herinandro masina amin'ny teny espaniola na 'Semana Santa') ho maningana, fa tafiditra ao amin'ity fety Katolika ity ny fomban'ny teratany.
Brezila: Momba ny Fanokafana Ny Tahirim-Bakoky Ny Fitondrana Jadona
Napetraka ny fitorahana bilaogy ifarimbonana mba hangatahana ny fanokafana ny tahirim-bakoky ny fitondrana jadona miaramila Breziliana (1964-1985), tompon'antoka tamin'ny fampijaliana olona an'arivony sy famonoana Breziliana efa ho 380. ka tamin'ireo dia 147 no tsy mbola hita popoka ary tsy misy zavatra fantatra ny amin'izay niafaran'ny nofo mangatsiak'izy ireny. Mandrak'ankehitriny ny fianakavian'izy ireny dia mbola mangirifiry tsy mahalala ny tantaran-dry zareo.
Brezila: Fanalam-baraka nahazo ilay vehivavy Breziliana nampodiana avy any Espaina
Namoha indray ny resaka mikasika ny fifindramonina eo amin'ny firenena roa tonta ny fampodiana ilay mpandeha fialan-tsasatra Breziliana Denise Severo 34 taona ary mpanao fikarohana eny amin'ny anjerimanontolo, tamin'ny voalohandohan'ity...
Costa Rica: Lalao Video miankina Amin'ny Twitter Mitady Famatsiam-bola.
Mitady fandraisana anjaran'ny rehetra hamatsy vola ho amin'ny fananganana ny TweetLand , lalao an-tserasera misy fiantraikany eo noho eo avy amin'izay voasoratra ao amin'ny Twitter, ny tanora mpahaikanto enina avy...
Arzantina: 29 Aty Aoriana, Mahatsiaro Ireo Maherifony Lavo an'Ady Tao Falklands i Arzantina
2 Aprily, 29 taona aty aoriana, nanamarika ny fiantombohan'ilay ady teo amin'ny Arzantina sy ny Royaume-Uni (Angletera). Nanome voninahitra ireo maherifony lavo an'ady ny teratany ao Arzantina.
Chile: Toeram-Pandiovana (Refinery) Misokatra Indray Na Teo Aza Ny Fahampoizinana Tany An-Tsekoly
Nanapa-kevitra nanakatona sekoly iray ny Ministeran'ny Fahasalamana tany Chile tamin'ny 23 Martsa 2011, taorian'ny fanamarinana fisianà tranga 40 [es] olontsotra sy mpianatra voapoizin'ny solifara, varahina sy akora hafa miaty solifara. Fitsarana iray no nandidy ny hanakatonana ilay orinasa, navela iìhisokatra indray izy io 24 ora latsaka taty aoriana rehefa nanao fampakarana ny didy navoaka ny Codelco, ilay orinasa tompon'ilay fandiovana. Nahazo alalana hiverina an-tsekoly ny mpianatra tamin'ny 4 Aprily teo.
