Tantara mikasika ny Azia Atsinanana tamin'ny Aogositra, 2011
Indonezia: Manavao Ny Tetika Hifehezana Ireo Media Sosialy Ny Minisitra
Tifatul Sembiring, Ministry ny IT sy ny Fifandraisana any Indonezia, izay tsy dia ankasitrahan'ny olona loatra, dia nilaza fa tokony ho matotra ny fifehezana ny vohikala media sosialy tahaka ny Twitter sy Facebook satria azo ampiasaina hanakorontanam-panjakàna. Niteraka resa-be ny fanambaràny, indrindra teo anivon'ireo mpampiasa aterineto.
Shina:Notazonina Ny Pasipaoron'ny Mpianatra Soedoa Iray Noho Ny Antso Hanao Flash Mob (Hetsika Tselatra)
Soedoa iray mpianatra, Sven Englund mianatra ao amin'ny Anjerimanontolo Fudan ao Shanghai no nantsoina tany amin'ny paositry ny polisy fa nanoratra taratasy ho an'ny Filoha Sinoa, Hu Jintao, tao amin'ny bilaoginy. Raha vao vita ny famotopotorana dia notazonina ny pasipaorony.
Korea Atsimo : 41 No Maty Tao Anatin'ny Tondra-drano Mahery Vaika Sy Fihotsahan'ny Tany
Oram-batravatra be no namely an'i Korea Atsimo nandritra ny andro maro nifanesy, nahatonga firotsahana tany, tondra-drano ary fahatapahan-jiro. Farafahakeliny 41 ny olona maty ary 12 no mbola tsy hita hatramin'izao. Nandritra ilay loza voajanahary, Koreana Tatsimo maro no nizara fanavaozam-baovao, sary maro ary toro-hevitra mahasoa ho an'ireo tra-doza tamin'ny alalan'ny Twitter.
Taratasy Iray Avy Ao Shina Ho An'ilay Norveziana Mpamono Olona
Maro ireo mponina ao Shina no tsy mahazo ny zava-doza nataon'i Anders Behring Breivik tao Norvezy. Saingy kosa tsy dia miraharaha ny antony nanosika azy sy ny foto-kevitra nijoroan'i Breivik. Eo imason'izy ireo, Norvezy dia paradisa, any ny olona no miaina amin'ny fahafaha-mividy ambony ary tsy mila ny hiatrika ny fahasahiranana ara-pivelomana. Ahoana no mahatonga izany?
Korea Atsimo : Adihevitra Ny Amin'ny Fiverenan'ireo Boky Momba Ny Mpanjaka
Ny volana May 2011, nankalaza ny fiverenan'ny andianà boky momba ny mpanjaka izay norobain'ny tafika Frantsay nandritra ny fanafihana ny Nosy Koreana Kanghwa, ny taona 1866 ny Koreana Tatsimo. izay hita taty aoriana fa manana endrika ‘fampanofàna' ny harem-pirenena fa tsy famerenana tanteraka. Olona maro no namoaka ny hatezerany amin'ny Frantsay sy ny governemanta Koreana tamin'ny tsy fahantaterahan'ny fampanantenana hatrizay;
