Tantara mikasika ny Azia Atsinanana tamin'ny Jolay, 2013
Hetsi-panoherana Nampandamoaka Tetikasa Fananganana Foibe Nokleary Tao Atsimon'i Shina
Taorian'ny telo andro nisesy nanaovana hetsi-panoherana, dia hita fa nandao ny tetikasany hanangana foibe nokleary ny governemanta monisipalin'i Heshan ao an-drenivohitr'i Jiangmen. Manahy izy ireo fa mety hafindra any an-toeran-kafa fotsiny ilay tetikasa, any amin'ny farihin'i Pear River Delta Atsimon'i Shina, izay tanàna isan'ny be mponina indrindra.
Riau, Indonezia : Zavon'ny ‘Ground Zero’ Ao Azia Atsimo
Ilay setroka mahafaty nandrakotra an'i Singapore sy ireo faritra sasantsasany tao Malayzia hita tamin'ity taona ity dia vokatry ny doro ala tao Riau, izay ao amin'ny faritra Andrefan'i Indonezia. Mazava ho azy fa nisarika ny sain'ireo filazam-baovao goavana rehetra izany, kanefa, vitsy ny tatitra mahakasika ny manjo ireo mponina ao Riau izay tena nijaly tokoa ary mbola mijaly ihany hatramin'izao noho ny vokatra naterak'ilay setroka sy ireo doro ala maro.
Mibaiko Ireo Ankizy Lehibe Hitsidika Ny Ray Aman-drenin'izy ireo I Shina
Namoaka lalàna iray vaovao nanan-kery nanomboka ny herinandron'ny 6 jolay iny i Shina izay manery ireo ankizy lehibe hitsidika "matetika" ny ray aman-drenin'izy ireo, izay nitarika fanarabiana teo anivon'ireo mpampiasa ny vohikala fitorahana bilaogy bitika malaza indrindra ao Shina, ny Sina Weibo.
Manamafy Ny Fifandraisany Amin'i Shina Ny Fitsidihana Ataon'ny Filoha Nizeriana
Misy milaza fa noho ny tsy nitsidihan'ny filoha Obama ny tany Nizeria no nitsidihan'ny filohan'i Nizeria ny tany Shina nandritra ny herinandro maninjitra. Nandà izany kosa ny tao amin'ny seraserany tamin'ny filazana fa efa herintaona no nanomanana ity fitsidihana ofisialy ity;
Saron'ireo Teny vahiny Maro Ny teny Nentim-paharazan'i Japana
Lehilahy lehibe iray 71 taona no nametraka fitoriana tamin'ilay Haino aman-jery NHK any Japana noho ny fahasahiranan-tsainy nateraky ny fampiasàn-dry zareo teny vahiny diso tafahoatra. Tena very tanteraka izy raha resaka fandikan-teny, nefa dia ao amin'ny tanindrazany ihany.
Borian'i Tailandy ny Fanampiana mikasika ny Vidim-bary
Nanambara ny governemanta any Tailandy fa mihena ny famatsiam-bola ho an'ny vary izay nomeny ireo mpamboly efatra tapitrisa. Natao hampitombo ny tahirin'ireo mpamboly izany. Manameloka ilay tetikasa fitsinjovana ny voka-bary ho niteraka ireo fatiantoka goavana ara-bola teo amin'ny sehatry ny fambolem-bary ireo mpitsikera.
Mponin'i Jiangmen ao Shina Manohitra Tobim-Panodinana Uranium
Mponina an-jatony maro ao Jiangmen, tanàna iray manakaiky an'i Guangzhou any atsimon'i Shina, no nidina an-dalambe hanohitra ny fanorenana ny tobim-panodinana uranium tamin'ny 12 Jolay 2013.
Fifidianana Ao Kambodza: Latsa-Bato Ao Amin'ny Facebook
Mampiasa Facebook am-pahavitrihana ireo mpiserasera Kambojiana mba hiresahana, hiadian-kevitra sy hizara vaovao momba ny fifidianana solombavambahoaka atao amin'ny 28 Jolay. Mandritra izany, mampitombo ny fisiany ao amin'ny tambajotra sosialy malaza...
Hala Tahaka ‘Gangnam Style’ Mampisongadina Ny Zanaky Ny Mahantra An-Tanandehibe ao Kambodza
Mbola mahoraka ato amin'ny aterineto hatramin'izao ny ‘Gangnam Style’ saingy amin'ity indray mitoraka ity dia lalaovin' ankizy 160 avy any ambany tanàna ao Kambodza ilay izy. Nahazo mpijery mihoatra ny 200.000 tao amin'ny YouTube sahady ilay halatahaky ny lahatsarin-kira nataon'ilay mpanakato Koreana Tatsimo Psy malaza dia malaza andro vitsy monja taorian'ny namoahana azy.
Ny Mpiseraseran'ny Tambajotra Shinoa Faly Mitsaho sy Iva Fari-Pahaizana Hoy ny Tatitra
Tati-baovao avy amin'ny Akademia Shinoa Misahana ny Siansa Sosialy izay tantanin'ny fanjakana ka manome marika ny tambajotra sosialy ao Shina ho milina mpandefa tsaho sy ny mpisera amin'ny tambajotra sosialy ao Shina ho iva fari-pahaizana sy fidiram-bola no nanaitaitra indray ny ao amin'ny mpiserasera.
