Tantara mikasika ny Azia Atsinanana tamin'ny Jolay, 2012
Venezoela, Japana: Mpitendry Japoney Roa Mahafehy Ny “Harpe” Venezoeliana
Amin'ireo mpanao mozika Japoney liana amin'ny mozika Venezoeliana, Yoko Yoshizawa sy Mika no miavaka amin'ny fitendrena ny "harpe" Venezoeliana.
Seho Youtube Mitondra Ny Haino Aman-jery Sosialy Ho An'ireo Mpijery Miteny Anglisy
Te-hahalala ny zava-miseho ao amin'ny haino aman-jery sosialy any Shina nefa tsy mahay miteny Shinoa ve ianao ? Tohizo ary ny vakiteny. Efa efa-bolana izay no nanokafan'i Elle Lee (@ElleIconLee) sy Casey Lau (@hypercasey) Youtube mba hanaparitahana ny Weibo Today izay fandaharana isan-kerinandro ao anaty aterineto manasongadina ireo lohateny malaza avy amin'ireo tambajotra sosialy any Shina amin'ny teny Anglisy.
Angola, Sina: Miresaka Momba Ny Fampandrosoana Vaovao “Tanàna Maty” Ireo Mpampiasa Aterineto
Nampiditra orinasa Shinoa ny governemanta ao Angola mba hanangana tranobe lafo dia lafo miisa 750 ao Kalimba, eo ho eo amin'ny 30 kilometatra ivelan'i Luanda. Na dia eo aza ny fananana harena an-kibon'ny tany, dia olona maro ao Angola no miaina ao anaty fahantrana tanteraka ary tsy mahatakatra ny vidin'ireo tranobe. Ho lasa tanàna lehibe indrindra ao Afrika ve Kalimba?
Lahatsary: Internet Society Miresaka Ny Fahalalahana Miteny Sy Ny Sivana Iraisam-pirenena Eny Anivon'ny Aterineto
Handresy manoloana ireo fitaovana fanaraha-maso vaovao ve ny teknolojian'ny tsy fitononana anarana? Ary hampiroborobo ny demaokrasia va re ny teknolojia finday - sa hitarika bebe kokoa ho any amin'ny fihazàna sy fanaraha-maso misimisy kokoa? Resadresaka iray teo Washington, DC ny 25 Jona 2012 niarahana taminà mafàna fo 6 avy any Syria, India, Burkina Faso, Kambodza, Venezoela sy Azerbaijan no niezaka hamaly ireo fanontaniana ireo.
Zava-Nahagaga Kely tamin'ny Fifidianana Parlemantera tany Timor Atsinanana
Nanatontosa ny fifidianana parlemanterany tamin'ny 7 Jolay ny tany Timor Atsinanana. Ambany ny taha-pandraisan'anjara tamin'ity taona ity fa mba tsy nisy kosa aloha na izany aza ny tranga goavana nahitana herisetra sy hosoka amin'ny hala-bato. Nampiasa ny tenifototra #eleisaun2012 sy #timorelections ny mponina amin'ny aterineto hizarana ny vaovao mikasika ny fifidianana.
Korea Atsimo: Nakatona Ny Raharaha Taratasy Hosoka, Fiarovana Ny Filoha?
Manjaka ao Korea Atsimo indray ny fanambarana politika sy ny ahiahy, taoriana ny fahafahana nomen'ny mpampanoa lalàna ireo olona voarohirohy tamin'ilay raharaha “taratasy Hosoka” nahabe adihevitra tamin'ity herinandro ity, mandeha ny resaka fiampangana fa miaro ny filoha izy ireo. Marobe ireo fanambarana miantefa any amin'ny filoha Korea Atsimo Lee Myung-bak, hatramin'izay nilatsahany...
Shina: Miparitaka Ny Adihevitra ‘Tsy Fahafahana Ny Fanaovana Sesitany’
Namerina nanokatra adihevitra momba ireo mpomba sy mpanohitra ny fanaovana sesitany i Chen Guangcheng. Ho very ve ny fanohanana an'i Chen sy ny fahefany raha mandao an'i Shina izy? Ary hamela azy hiverina an-tanindrazana ve ny governemanta Shinoa taorian'ny fifampikasohany tamin'i Etazonia?
Hong Kong: Nosavaina Ny Tranon'ny Mafana Fo Iray Noho Ny Fanendrikendrehana Ho Nisotasota Tamin'ny Aterineto
Tamin'ny 13 Jolay 2012, nisy vondrona mpitandro filaminana nanafika an'i Yang Yang (solon'anarana) tany an-tranony, mafana fo any Hong Kong ka naka an-keriny ny solosaina, ny lohamilina ary ny findainy...nolavin'i Yang izany fanendrikendrehana izany: "amin'ny maha-manampahaizana momba ny aterineto ahy, tsy hanao fanimbàna adaladala tahaka izaony aho. Ny solosaiko ao an-trano ihany ve no ho ampiasaiko? Mampihomehy izany. Na ohatra aza ka tena nanao izany fanimbàna izany aho, tsy ho fantatr'izy ireo mihitsy."
Shina: Tolon'ireo ONG Manoloana Ny ‘Governemanta Lehibe’
Nivadika ho adihevitra be teo amin'ny firenena ny fanehoan-kevitra nataon'ny vahiny iray tao amin'ny fahitalavitra momba ny tsy fiaraha-miasan'ireo tomponandraikitry ny fanabeazana any Hunan manoloana ny fandaharanasa ho fanofanana ireo mpampianatra any ambanivohitra, amin'ny hoe tokony sa tsy tokony hanana ny fahaleovantenany ny ONG Shinoa miohatra amin'ny fanjakana.
Oganda: Mahatsiaro Ny Fipoahana Baomba Tamin'ny 2010
Naka ny Facebook sy Twitter ho sehatra hanehoany ny fahatsiarovana ny tra-doza tamin'ny fanapoahana baomba tamin'ny 2010 tao amin'ny Rugby Club Kyaddondo sy trano fisotroana tao aminà tanàna Etiopiana ao Kampala ry zareo Ogande. Nitranga ilay fanafihana raha iny teo am-pijerena ny lalao famaranana ny fiadiana izay ho Tompondaka Erantany nihaonan'i Pays-Bas sy Espaina tao Afrika Atsimo iny indrindra ireo mpankafy baolina fandàka.