Tantara mikasika ny Azia Atsinanana tamin'ny Mey, 2011
Shina: Pehana Koa Izao Ny Fitaovana Fandinganana
Maromaro ireo Sinoa mpiondana aerineto no nitatitra fa nanomboka tamin'ny 6 May 2011 dia najary tena sarotra tokoa ny mitsidika ireo vohikala vahiny avy amin'ny alalan'ny tolotry ny China Telecom sy China Unicom. Tamin'ity indray mitoraka ity ny fahatapahana dia nahazo indrindra indrindra ny fifandraisan'ireo vondron'orinasa, tafiditra anatin'izany ny anjerimanontolo, raha toa kosa ka nandeha tsara ny ADSL tany amin'ny isan-tokantrano.
Filipina: ‘Veloma Friendster’
Hivadika ho vohikala 'fialamboly an-tserasera' ny valan-tserasera Friendster ka hamafa ny mombamomba ny mpisera ao aminy amin'ny faran'ny volana. Maro ny Filipiana no naneho ny alahelony noho ny fiheverany fa i Filipina no tsena lehibe voalohany indrindra ho an'ny Friendster nandritra ny taona maro
Tratry Ny Tazo Bieber i Brunei
Hanao fampisehoana goavana any amin'ny firenena maro ao atsimon'i Azia i Justin Bieber saingy toa adinony kosa i Brunei. Ary izany dia nanosika ireo mpankafy an'i Bieber ao Brunei hampiasa ny aterineto amin'ny alalan'ny twitter, bilaogy, sy youtube mba handresena lahatra ity mpihira ity hitsidika an'i Brunei.
Fifaninanana Erantany Fitorahana Bilaogy Momba Ny Olan'ny Rano
Ny European Journalism Centre (Ivontoerana Eraopeana ho an'ny Fanaovan-gazety) dia mampanao fifaninana mitoraka bilaogy ato anatin'ny 3 volana miompana amin'ny olan'ny rano, nomena ny anarana hoe TH!NK5. Mpitoraka bilaogy avy amin'ny firenena 40 samihafa no nirotsaka hifaninana, samy te-hahazo ny loka amin'ny famaranana: fandehana any Lisbon, Portugal. Indreto ny sasany amin'ireo lahatsoratra be mpahalala indrindra sy avy any ifotony nosoratan'ny sasany tamin'ireo nivoaka ho mpandresy:
Sina: Mamelabelatra ny Fanaraha-maso ny Aterineto any Ivelany
Tsy nahita ny marimaritra iraisana tena mivaingana ny fifampiresahana mikasika ny zon'olombelona teo amin'i Etazonia sy Sina tamin'ny herinandro lasa. Raha nanontanian'ny governemanta Amerikana mikasika ny famoretana ny mpanohitra ny governemata Sinoa, ny famoretana ny ara-pinoana sy ny fahalalahana maneho hevitra, dia nohelohin'ny mpitondra sinoa ny fihetsika feno fihatsarambelatsihin'i Washington, indrindra indrindra fa ny famonoana olon-tsotra any Iraka sy Afganistana.
Malaizia: Toby fanazarana “hanampiana” ny zazalahy manao toetram-bavy
Noho ny fahazarany somary manao fombam-behivavy, nalefa tany amin'ny toby fanazarana ny tovolahy mpianatra 66 avy amin'ny fanjakan'i Terengganu mba "hanampiana azy ireo hitondra tena amin'ny fomba mety". Nozarazarain'izany olana izany ny tontolon'ny blaogy any Malaizia.
