Tantara mikasika ny Ady & Fifandirana tamin'ny Novambra, 2011
Ejipta: Miteraka Fanontaniana Momba An'i Etazonia Ny Entona Mandatsa-dranomaso Tonga Tamin'ny Sambo
Nampisavoritaka ny mpiondana aterineto ny fahatongavana entana miaty baomba mandatsa-dranomaso tao Ejipta avy any Etazonia. Naman'ny Revolisiona Arabo vei Etazonia sa mpanohana ireo Arabo mpanao jadona?
Yemen : Hanao Sonia Ny Fifanarahana GCC Izay Lavin'ny Tanora Ve I Saleh ?
Efa niandry am-paharetana 10 volana be izao ny Yemenita mba handraisan'ny filoha Ali Abdullah Saleh fanapahan-kevitra hiala. Ankehitriny, nilaza izy fa hanao sonia ilay fianarahana GCC izay mamindra ny fahefana any amin'ny lefiny. Naneho ny heviny momba ilay vaovao ireo mponina tao ambany tenifototra #No2GCCdeal tao amin'ny Twitter.
Ejipta: Fitsaram-bahoaka Ho Fiatrehana Ny Habibian'ny Polisy
Navoakan'ireo mpampiasa ny media sosialy ao Ejipta ny mombamomba ilay manampahefana ao amin'ny polisy voampanga ho nanao ny mason'ireo mpano hetsi-panoherana ho lasibatra. Mitatitra ny fipongaran'ny fitsaram-bahoaka maro samihafa ao amin'ny firenena i Tarek Amr.
Ejipta: Miverina Indray Ny Revolisiona!
Maherin'ny 100.000 ireo olona voalaza fa ao amin'ny Kianja Tahrir amin'izao fotoana, ary ny polisy sy ny tafika dia mitohy midaroka ny mpanao fihetsiketsehana mangataka ny fitsaharan'ny fitondràna miaramila ao Ejipta. Anaty ady tsy mitsahatra manenjika ireo olona mitam-piadiana miasa ho an'ny governemanta Ejiptiana ireo mpanao fihetsikesehana hatramin'ny Zoma ary ankehitriny dia mitoetra ho tsy azo hozongozonina ao an-kianja mandra-pivalin'ny fangatahan-dry zareo.
Yemen: Ampangain'ireo Mpiondana Aterineto Ho manao Tatitra Mitongilana Ny Reuters
Marobe ny olona no tohina nahita fa ilay loharanom-baovao malaza sy mba nitokisany, Reuters, dia manaràma an'i Mohammed Sudam, mpandika teny manokan'ny Filoha Ali Abdullah Saleh, sady sekreterany hatramin'ny 2009, ho toy ny solotenany mivantana sy iraka manokany ao Yemen. Nandefa siokantsera ireo Yemenita, izay nanomboka nampiasa ny tenifototra #ShameonReuters tao amin'ny Twitter, no tohina tamin'ny zavatra hitany, manontany ny amin'ny mbola fahamendrehan'ny Reuters sady mangataka fanazavàna.
Shina: Fahavalo An'eritreritr'i Japana
Tatitra vao haingana avy amin'ireo mpampita vaovao Japone izay manondro an'i Shina ho ny fahavalo ao anatin'ilay fanazarantena an-dranomasina iarahan'i Japana sy Etazonia izay voalaza fa nokarakaraina hatao amin'ity herinandro ity no nitondra hatramin'ny fihenjanana amin'ny resaka ady sisintany eo amin'ireto firenena aziatika roa ireto. John Kennedy no mitatitra.
Mitombo Hatrany Ny Fanentanana Faobe Ho Fiaraha-Mientana Amin'i Syria
Nisy fanehoana fironana faobe tsy tambo isaina ho firaisankina amin'ny mponina ao Syria. Ny filazam-baovao ara-tsosialy sy ny teknolojia tranainy, toy ny antso an-tariby, dia nampiasaina mba hampahafantarana ny Syriana fa tsy adino akory izy ireo, indrinda indrindra fa tamin'ny fetin'ny Eid Al-Adha.
Syria: Naaton'ny Ligy Arabo Ny Maha-mpikambana An'i Syria
Nosazian'ny Ligy Arabo i Siria androany noho ny famonoany ny olom-pirenena efa ho maherin'ny 3.000 ka naato ny maha-mpikambana azy ao amin'ity vondrona iraisan'ny Arabo ity, manomboka amin'ny Alarobia. Ireo mpiondana aterineto dia maneho hevitra momba ilay fanapahan-kevitry ny Ligy, nambara taorian'ny fihaonana maika natao tao amin'ny foibeny tao Kairo. Nambara koa fa ny Ligy Arabo dia eritreretina hamoaka sazy ho an'ilay lehilahy matanjak'i Siria, Bashar Al Assad.
Kolombia : Maty Ilay Mpitarika Ara-Poto-kevitra Ngeza Lahy Tao Amin'ny FARC, “Alfonso Cano”
Alfonso Cano, ilay mpitarika ngeza lahy amin'ny "Revolutionary Armed Forces of Colombia" (FARC) na ny Hery Revolisionera Mitam-piadiana ao Kolombia, dia lavo ny 4 Novambra tao amin'ny departemantan'i Cauca nandritra ny ady nifanaovana tamin'ny miaramila. Ny Kolombiana dia naneho hevitra mikasika ny nahafatesany tao amin'ny bilaogy, ary naneho koa ny fijeriny tao amin'ny Twitter tamin'ny fampiasany ny tenifototra #AlfonsoCano.
Iran: Maneho Hevitra Momba Ny Honohono Hisian'ny Fepetra Ara-Tafika Ireo
Lasa lohateny lehibe eny amin'ny pejy voalohany ny honohono amin'ny mety hisian'ny fanafihana ara-miaramila ataon'ny Amerikana na Israeliana amin'ireo toby nokleary Iraniana, na izany ho an'ireo mpampahalala vaovao efa nahazatra, na ho an'ireo Iraniana mpampiasa aterineto.
