Tantara mikasika ny Fanarahamaso
Shina: Mampiahiahy ny mpisera an-tserasera ny fikasan'ny governemanta hanitatra ny fanaraha-maso amin'ny Aterineto
Nampiahiahy ny mpisera Shinoa amin'ny fanombohan'ny onjam-panentanana vaovao hanenjehana ny mpanohitra an-tserasera ny andian-dahatsoratra maromaro navoakan'ny zoro fampahalalam-baovaom-panjakana izay manamarina ny fisoratana ny tena anarana an-tserasera sy ny famoretana ny heloka an-tserasera.
Venezoela: Mpisera Twitter notanana noho ny fampielezana vaovao ” manakorontana”
Ny 14 Martsa 2013, notanan'ny manampahefana Venezoeliana i Lourdes Alicia Ortega Pérez satria voalaza fa "nisandoka ny mari-panondroan'ilay manampahefana tao amin'ny Sampan-draharaha Mahaleontena amin'ny Fisoratana Anarana sy ny Nôtera " ary nandefa hafatra tao amin'ny Twitter izay noheverina fa "manakorontana ny firenena".
Fanenjehana Manoloana ny Tribonalim-Pitantanana: Atsaharo Ny Fanarahamaso Media Sosialy Ao Ejipta
Nitory teny amin'ny fitsaràna ireo vondrona mpiaro zon'olombelona ao Ejipta mba hampitsaharana an'ireo tetikasa an'ny ministeran'ny atitany mikendry ny hividy rindrambaiko iray hanaraha-maso ny fanehoankevitry ny daholobe sy ny fiainana manokana ety anaty media sosialy.
Fampiharana Walkie-Talkie, Zello voasakana ao Venezoela
Androany alakamisy maraina, nanomboka nitatitra ny Venezoeliana mponin'ny aterineto fa tsy nandeha intsony tamin'ny finday ny Zello, ilay tsindrio raha hiresaka "walkie-talkie". Venezoeliana maro no nampiasa ity fampiharana ity mba handaminana sy hifanakalozana vaovao momba ireo hetsi-panoherana nihamitombo haingana nandritra ny valo ambin'ny folo andro farany teo.
Mety hampiditra anao am-ponja ny ‘J'aime’ Facebook any Thailandy
Manara-maso ireo mpisera amin'ny teny lehibe toy ny "fanonganam-panjakana", "fanjakana", "zava-mahadomelina", "fivarotan-tena" sy ireo teny hafa izay heverina ho manan-danja amin'ny fiarovam-pirenena ao amin'ny sehatra fifanakalozan-dresaka lehibe sy ny tambajotra sosialy ny manampahefan'ny polisy.
The Public Voice: Fanamby manerantany ny zon'ny fiainana manokana
Andro manan-danja ho an'ny fiarahamonim-pirenena manerantany miaro ny tsiambaratelon'ny fiainana manokana sy ny fahalalaham-pitenenana ny 22 Oktobra 2012 . Nampiantrano fihaonambe iraisam-pirenena tao Punta del Este, Orogoay, ny fiaraha-mientan'ny The Public Voice (Feon'ny Vahoaka) ary nisy ny fanasana tamin'ny fandraisana anjara tamin'ny resadresaka sy ny fifaneraserana tamin'ireo mpanentana.
Julian Assange mikasika ny Fiandrianana sy Fanarahamaso Niomerika, Tao amin'ny #NETmundial2014
Nandritra ny fivoriana niarahana tamin'i Jacob Appelbaum, Sérgio Amadeu sy ireo mpitarika maro hafa ao amin'ny sehatry ny fandriampahalemana sy fiarovana ny fiainana manokana niomerika, nieritreritra ''fitsinjaram-pahefana'' tarihan'olontsotra i Assange.
Aterineto ao Iran: Ranomody sy ny tahotra
Raha miezaka manalalaka ny aterineto izao tontolo izao, dia manakatsakana kokoa ny Sampana Iraniana Mpiambina Revolisionera Islamika (IRGC). Natsangana vao haingana ny tranonkala iray antsoina hoe Gerdab Gerdab (ranomody) mba hanaraha-maso ny aterineto Iraniana araka ny foto-kevitra sy paikady inoan'ny IRGC.
Zambia: Fihainoana Ny Fifandraisana Findain'Ilay Minisitry ny Raharaham-Bahiny
Voan'ny tsindry avy amin'ny antokon'ny fitondràna Patriotic Front (PF) ny amin'ny tokony hametrahany fialàna ilay Minisitry ny Raharaham-bahiny Zambiana, Given Lubinda. Nampangain'ny komitin'ny fitsipi-pitondrantenan'ilay antoko ho nanaporitsaka vaovao taminà filazambaovao anaty aterneto izy. Nifototra tamin'ireo porofo izay voalaza fa nangonina tamin'ny alalan'ny fihainoana ny resaka nifanaovan'ilay minisitra tanaty findainy izany fiampangana izany
Tsy Fitoviana Manerantany Ao Am-paosinao : Ny Fomba Amelàn'ny Finday Avolenta Mora Vidy Sy Ny Politika Baranahiny Antsika Harefo Eo Anatrehan'Ny Fijirihana
Ireo olona izay mahantra, alikiliky ny fiarahamonina, ary tsy havanana amin'ny teknolojia no mizàka ny olana lehibe indrindra amin'izay mety ho fanafihana amin'ny alalan'ny finday.