Tantara mikasika ny Fivavahana tamin'ny Oktobra, 2010
Isiraely: Korian'ny fianianana ho mahatokin'ny Firenena ny demaokrasia
Nolanian'ny filankevitry ny governemanta Isiraeliana tamin'ny 22-8 ny volavolam-panitsiana ny lalàna fizakana ny zo Isiraeliana, izay mitaky amin'ireo rehetra mangataka zom-pirenena ny fanekena an'Isiraely ho "fanjakana Jiosy ny demaokratika." Niteraka adihevitra an-tserasera izany.
Arabia Saodita: Génie any amin'ny fitsaràna
"Teo ambany herin'ny génie (fanahy araka ny famaritana arabo) aho", izany no fialàn-tsiny farany indrindra ho an'ny kolikoly ara-panjakana any Arabie Saoudite. Araka ny gazety Saodiana Okaz [Ar], voampanga ho nanao kolikoly ny mpitsara iray tao Al Madina, nandray tsolotra sy naka mihoatra izay tokony ho izy.
Brunei sy ny hiran'i Maher Zain
Manamafy ny fivantanan'ny hirany ho an'ny ankapoben'olona ny nitsidihan'ilay mpihira Maher Zain , izay fantatra fa mifototra amin'ny amin'ny aingam-panahin-kira Islamika, an'i Brunei. Mbola manako any amin'ny tontolom-bolongana sy tontolon-tsioka an-tserasera (twittersphere) ihany hatramin'izao ny nitsidihan'i Zain tany Brunei vao tsy ela akory izay.
Iran: Sary andavanandron'ny zavakanto sy ny tantara Persiana
Tsy resaka politika sy fanoherana ihany tsy akory no ataon'ny olo-tsotra tia mampita hafatra, fa miresaka momba ny fiainana, ny zavakanto ary ny tantara ihany koa. I Vahid Rahmanian dia mpamaham-bolonga-tsary tia mamorona ka mamoaka ny sarin'ny toerana manantantara any Iran.
Shina sy Tibet: Demaokrasia an-tsesintany
Misy fahabangana amin'ny endrika maro izany hoe Tibetana an-tsesitany izany: very tanindrazana sy very zo koa ao anatin'izany. Amin'ny lafiny sasany ihany koa anefa dia toy ny fitahiana miova tava ihany izany fahabangana izany. Nihamafy ny fiavaham-pirenena, ny fahalalaham-pitenenana sy ny fampielezana ny fivavahany tsy misy tahotra fanenjehana ary ny fahafaha-mifidy ho an'ny Tibetana mialokaloka any Dharamshala. Tsy mba mizaka ireo rehetra ireo kosa anefa ny Tibetana mbola mitoetra any Tibet entin'ny Shinoa (foko) Han.
Indonezia: Hatezerana an-tserasera noho ny fanafihana ny mpitondra fiangonana
Nisy nanatsatoka antsy tao Indonezia ny mpitondra fiangonana Kristiana miisa roa indray alahady izay nandritry ny fotoana nanatanterahan'izy ireo ny asa fanompoana, izany dia nahatezitra mafy ireo mponina teto amin'ny aterineto. Ho fanehoana ny tsy fankasitrahana izany dia namporisihana ireo mpikambana ao amin'ny facebook mba "tsy hanisy sary" eo amin'ny takelaka misy ny mombamomba azy ireo.
Faritr'i Sahel: Momba ny fandoavana tamby hanavotana ireo takalonaina
Ny fakàna takalon'aina nataona vondrona Islamika iray antsoina hoe Al-Qaeda in The Islamic Maghreb (AQIM) izao no malaza any amin'ny Faritr'i Sahel izay nipariaka nanerana ny firenena maro any avaratr'i Afrika. Ho fanafahana ireo takalon'aina, manao tsindry ara-politika amin'ireo firenena Afrikana voakasika amin'izany ireo governemanta sy orinasa, na hizotra amin'ny fandoavana tamby mivantana. Na izany aza, ny tetikasa hoe handoa tamby dia mazàna no dradraina ho tsy mahomby sy mampidi-doza ao anatin'ny fotoana maharitra.
Kaoety: Mihinàna, Mijere dia Mivavàha
Orinasa goavana mpamokatra sarimihetsika ao Kaoety no nanambara fa mikasa ny hametraka 10 mn ho fakàna aina amin'ny ora fiasany efa voafaritra isanandro mba hanomezana fotoana ireo mpino marobe hanaovan'izy ireny ny maghreb izay fotoam-bavaky ry zareo. Nifangaro be ihany ny fanehoan-kevitra tao amin'ny Twitter naterak'ilay fanambarana
Manandratra ny resadresaka amin'ny Amerikana ny mpitoraka bilaogy Jordaniana
Nilaza ny mpitoraka bilaogy Jordaniana fa manohana ny resadresaka sy ny fandaminana, toy izay ny fanoherana tanteraka amin'ny famaliana ny tsy fahazoan'ny Amerikana tsara ny tena hevitry ny Silamo .