Tantara mikasika ny Fanoherana tamin'ny Jolay, 2012
Shily: Mananontanona ny lalàna manohitra ny fihetsiketsehana
Niantso ny Kongresy hanaiky ny lalàna izay mitady sazy henjana kokoa ho an'ny mpanao fihetsiketsehana ny minisitry atitany Shiliana Rodrigo Hinzpeter, fanavaozana ny fadihevitra tamin'ny herintaona tao an-toerana ihany izany. Nanomboka norafetina ilay lalàna taorian'ny diabe nataon'ireo mpianatra tao Santiago ny 28 Jona 2011, fihetsiketsehana izay niafara tamin'ny fifandonana mahery vaika...
Shina: Miparitaka Ny Adihevitra ‘Tsy Fahafahana Ny Fanaovana Sesitany’
Namerina nanokatra adihevitra momba ireo mpomba sy mpanohitra ny fanaovana sesitany i Chen Guangcheng. Ho very ve ny fanohanana an'i Chen sy ny fahefany raha mandao an'i Shina izy? Ary hamela azy hiverina an-tanindrazana ve ny governemanta Shinoa taorian'ny fifampikasohany tamin'i Etazonia?
India: Miparitaka Ny Lahatsary Mampiseho Herisetra Sy Vetaveta, Mampieritreritra Ny Fitsipiky Ny Fampielezam-baovao
Raha tokony nanampy ny zazavavy Indiana iray notafihan'ny lehilahy 20 ivelan'ny toeram-pisotroan-toaka any Guwahati ny "caméraman" iray avy amin'ny fahitalavitra any an-toerana, naleony kosa nandrakitra lahatsary 30 minitra avy amin'izany tranga izany. Niparitaka be izany lahatsary izany, ka be ny fanontaniana mipetraka momba ny fitsipiky ny fampielezam-baovao, ary mampanontany tena hoe lasa firenen'olona mpitazam-potsiny ve India.
Siria: Mahatonga Hatezerana Sy Alahelo Ny Famonoana olona Tany Traymseh
Tamin'ny herintaona, nialohan'ny volana masin'ny Ramadany, ireo mpitandro filaminana Siriana izay tokam-po amin'ny fitondràn'i Bashar al-Assad dia namono olom-pirenena manodidina ny 45 tany amin'ny renivohitr'i Hama. Tamin'ity taona ity, tany amin'ny tanàna kely tsy lavitr'i Hama no niraraka ny rà, Traymseh, nefa inoana fa maro lavitra noho iny ny isan'ny maty
Ethiopia: Mahazo Vahana Ny Fanoheran'ny Miozolomana
Miha-mipoitra tsikelikely ny fahazotoan'ny miozolomana Ethiopiana manohitra ny fitsabahan'ny fitondrana mihamivandravandra amin'ny raharaham-pivavahany rehefa nanao fanentanana an-tserasera ry zareo tamin'ny volana Mey. Ary rehefa tafidina an-dalambe ny fahazotoan-dry zareo an-tserasera dia nanomboka nampiasa hery tamin'ny mpanao fihetsiketsehana ny mpitandro ny filaminana federaly Ethiopiana. Araka ny nolazain'ireo mpikatroka ao an-toerana manoratra ao...
Mali : Mitokona Manohitra Ny Fakàna An-keriny Mpanao Gazety Iray Ireo Mpampahalala Vaovao
El Hadj Saouti Labass Haïdara, 62 taona, talen'ny gazety L’Indépendant ary ela nihetezana teo amin'ny gazety an-tsoratra ao Bamako, dia nalain'olona misaron-tava an-keriny, nodarohana ary avy eo navela teny amoron-dàlana. Ireo gazety sy onjam-peo tsy miankina dia nanokana 24 ora ho fitokonana amin'ny Talata ho avy izao mba hanoherana ny herisetra nahazo ny naman'izy ireo.
Ejipta: Iharan'ny herisetra ny Vehivavy Ao Amin'ny Kianja Tahrir
Vantany nambara ho Filoham-pirenena vaovao ao Ejipta i Mohamed Morsi dia nirohotra tao amin'ny kianja Tahrir ny vahoaka hankalaza izany. heniky ny firavoravoana sy ny hiaka ity toerana, izay foiben'ny revolisiona ejipsiana, ity. Nanazava tambonin'ny lanitra ny afomanga, saingy nisy zavatra mampalahelo nitranga nandritra izany lanonana izany. Nitantara ny fijaliany i Natasha Smith Mpanao gazety fa...
Koety: Manohy Fikomiana Ny Vondrom-piarahamonin'ireo Tsy Manana Zom-pirenena
Ny vondrom-piarahamonin'ireo tsy manana zom-pirenena any Koety (Bedoon) dia niady ho an'ny zony hanana taratasy sy ho olom-pirenena hatramin'ny volana Febroary 2011 ary ny mpampiasa aterineto dia nitodika tany amin'ny haino aman-jery sosialy mba handrenesana ny feony. Ny hetsi-panoheran'ny Zoma dia navadika ho Sabotsy ary ny andro fitakiana ny zo dia nivadika ho fifandonana tamin'ny polisy.
Kenya : Antso Firaisankina Taorian'ny Fanapoahana Baomba
Andro vitsivitsy monja taorian'ny nanokafana ny Vovonana GV2012 tao Nairobi, nahitana fanapoahana baomba mahafaty sy fakana an-keriny tao an-tanànan'i Mombassa sy Garissa tao Kenya. Ny voalohany volana jolay, tao an-tanàndehibe kenyana ao Garissa, ny andian'olona misarontava namono olona 17 sy nandratra olona 45 tamin'ny alalan'ny fanafihana mita-piadiana sy grenady tamin'ny fiangonana anankiroa.
Brezila: Adihevitra Momba Ny Fiterahana Natoraly
Ho an'ny Fikambanana Iraisampirenena ho an'ny Fahasalamana dia 15% ny fiterahana ihany no tokony handalo fandidiana. Na izany aza, eo amin'ny sehatra tsy miankina Breziliana, maherin'ny 85% amin'ny fiterahana no mandalo fandidiana (sezarienina). Tsy ela kory izay, ny hantsana goavana misy eo anelanelan'ilay isan-jato natolotra sy ny tena zava-misy dia niteraka adihevitra iray sy hetsi-panoherana tao Brezila. Tao amin'ilay hetsi-panoherana, nokiahan'ireo mafàna fo ny hoe: "Dokotera, aza manadala ahy ianao. Natao [mba] hampanankarena anao ny fandidiana " Caesarians"
