Tantara mikasika ny Politika tamin'ny Jona, 2011
Syria: Sainam-pirenena mirefy 2.3km Tamin'ny Fihetsiketsehan'ireo Mpomba Ny Fitondràna Tao Damaskaosy
Nanao fifamoriana ho fanohànana ny filoha Bashar Al Assad ireo Siriana mpanohana azy ny 15 Jona, nitondra sainam-pirenena mirefy 2.3 km tao Mezzeh, renivohitr'i Damaskaosy, sady niventy ny hoe "Mila an'i Al Assad ny Vahoaka.” Eto ny fanehoan-kevitra avy amin'ireo tambajotra sosialy.
Belarosia: Famoretan'ny Mpitandro Filaminana Ny Androm-Panoherana Tao Minsk
Ny famoriam-bahoaka am-pahatoniana tao Minsk, izay nokarakaraina tamin'ny alalan'ny tambajotra sosialy, niafara tamin'ny fisamborana olona mihoatra ny 450. Ireo fisamborana, fampiakarana fitsarana sy fihazonana am-ponja faobe, na izany aza, dia toa tsy manakivy ireo mpanao fihetsiketsehana akory.
Slovakia, Polonina: (Tsy) Fahafantarana ny Traikefa Mikasika ny Euro
Araka ny fitsapan-kevitra vao haingana navoaka tao amin'ny Gazeta Wyborcza, dia manohitra ny fidirana ao amin'ny fari-bola euro ny ankamaroan'ny Poloney. Ny tsy fahazoany ny traikefa Slovaky ny mety antony iray mety mahatonga izany. Jakub Loginow, Poloney monina ao an-drenivohitra Slovaky, ao Bratislava, no nanoritsoritra tamin'ireo Slovaky mpamaky ny bilaoginy ny fomba fahitan'ny...
Senegaly : Hetsika fanoherana ny volavolan-dalàna
Nanolotra volavolam-panitsiana Lalampanorenana faha-17 ny filoha Senegaly Abdoulaye Wade hatramin'ny nifidianana azy tamin'ny 2000 ho fiatrehana ny fifidianana filoham-pirenena amin'ny 2012, ary nahatezitra Senegaly maro izany. Anisan'ny volavolan-kevitra ny ametrahana lisitra araka ny fomba Amerikana ka ny filoha sy ny filoha lefitra no fidiana.
Syria: ” Tahaka ny hoe firenena roa i Syria – amin'ny zavamisy roa samihafa”
Nahazo alalana tamin'ny fomba ofisialy hiditra eto syria ny CNN ary misiokantsera mivantana avy ao Damasy i Arwa Damon, telo volana hatramin'ny nisian'ny fihetsiketsehana hanongana ny fitondran'i Assad. Nanakatom-baravarana tamin'ny fampitam-baovao Arabo sy Iraisampirenena i Syria. Toy izao ny tsikaritr'i Arwa Damon voalohany.
Syria: Nandao Ny Orinasany Ny Rahalahin'i Al Assad Fa Hanao Asa Soa.
Ny 16 Jona, ankatoky ny Zomam-pihetsiketsehana vaovao tao Syria, nanambara ny fahitalavi-panjakana Syriana fa handao ny orinasany ilay mpandraharaha Rami Makhlouf, 41 taona, ka hiditra amin’ny asa fanasoavana. Nasser H. Al-Shaikh no voalohany nitatitra ny vaovao milazalaza izany tao amin'ny Twitter izay nanatsongany ny voalazan'ny fahitalavi-baovao Arabiya: AlArabiya: lehilahy mpandraharaha...
Ejipta: Miroborobo Hatrany Ireo Lova Navelan'i Khaled Said
Khaled Said dia tanora Ejiptiana izay maty teo am-pelatanan'ny polisy tamin'ny taona lasa, niteraka fanehoan-kevitra sy nitondra tamin'ny fionganan'ny filoha Hosni Mubarak. An'aliny ireo nanao fihetsiketsehana nanerana an'i Ejipta tsy hoe ho fankalazana fotsiny ny fitsingerenan'ny taona nahafatesany, fa hikiaka koa ny hatezeran-dry zareo momba izay lazain'izy ireo fa herisetra sy fampijaliana tsy miato ataon'ny polisy.
Koety: Hetsi-panoherana Enti-manohitra Ny Praiminisitra
Nanao fihetsiketsehana ireo Koetiana ny Zoma teo ka nitaky ny fialàn'ny Praiminisitra Sheikh Nasser Al-Mohammed Al-Sabah eo amin'ny governemanta. Mamintina ny fihetseham-pon'ireo Koetiana mpampiasa aterineto amin'ny fanohizana ny hetsi-panoheran'ny Zoman'ny Hatezerana any amin'ny fireneny i Mona Kareem.
Iran: Hetsika Tselatra tao Paris Manamarika ny Roa Taonan'ny Fifidianana
Tamin'ny 12 Jona 2011 no nanamarika ny faha-2 taona nisian'ny fifidianana nampifanolana tao Iran, Nandrindra hetsika tselatra tao amina gara metro iray tao Paris ny United4Iran sy Move4Iran ho fanairana ny fisian'ny fanitsakitsahana ny zon'olombelona ao Iran.
Rosia: Mampiseho ny ratra lalina navelan'ny adin'i Tsetsenia ny namonoana an'i Yuri Budanov
Namerina indray ny fifampihenjanana ara-poko na an-tserasera na ivelan'ny serasera ny namonoan'ny sasany an'i Yuri Budanov kolonely taloha tamin'ny tafika Rosiana izay noampangaina ho namona vehivavy Tsetsenina 18 taona nandritra ny Ady Tsetsenina Faharoa tamin'ny 10 jona 2011, ary nanamafy ny fahadisoam-panantenana satria mbola manjaka ny tsy fanarahan-dalàna ao amin'ny firenena