Tantara mikasika ny Media sy Fanoratan-gazety tamin'ny Febroary, 2011
Libya: Tahotra sy korontana ao an-tseranam-piaramanidin'i Tripoli
Tahotra, korontana, tebiteby ary hakivina - nampiasaina hitantarana ny zava-manjaka ao an-tseranam-piaramanidin'ny renivohitra Libyana nandritra ny andro faramparany avokoa ireo voambolana ireo. Tafiditra anatin'ny tsy fahafantarana izay ho avy i Libya hatramin'ny nisian'ny fitroarana hikomy amin'ny mpitondra ity firenena iray ity, dia ny fikomiana amin'ny Kolonely Muammar Al Gaddafi ny alin'ny 16 Febroary 2011 (#Feb17) .
Malezia: Mitombo ny famonoan-tena
Voahazon'ny olana sosialy mampanahy i Malezia tato ho ato: ny famonoan-tena. Voavinavina fa eo amin'ny 60 eo ireo famonoan-tena isam-bolana mitranga any Malezia. Nisy mihitsy aza tanora Maleziana iray namoaka naotina famonoan-tena tao amin'ny Facebook.
Côte d’Ivoire: Fanentanana ao amin'ny Twitter mba hisarihana ny sain'Anderson Cooper
Nitana ny anjara asany ny mpanoratra ao amin'ny Global Voices Anna Gueye tao anatina fanentanana vao hainagana handresena lahatra ny mpitatitra mora resen-dahatry ny CNN Anderson Cooper mba tena hijery ireo mpanohitra any amin'ireo firenena Afrikanina tahaka an'i Gabon sy Côte d’Ivoire, tahaka ny nataony tamin'ireo fikomiana tany Tonisia, Ejipta sy ny tontolo Arabo hafa.
Libya: Manainga Ireo Mpitsoa-Ponenana Raha Toa ka Tonga Tsikelikely Kosa Ny Fanampiana Amin'ny Maha-Olona sy Ireo Mpanao Gazety
Raha mbola mitohy miraikitra amin'ny fitondrana ilay jadon-dahy Libiana Muammer Al Gaddafi, mamono ireo mpanao fihetsiketsehana mijoro manohitra azy amin'ny fomba faran'izay henjana sy feno habibiana tsy fahitra hatrizay, ny laharan'ireo olona mitsoa-ponenana miala an'i Libia kosa mitombo hatrany. Ary raha mitohy miakatra hatrany ny salan'isam-pahafatesana, tonga mitsitaitaika ao amin'ny firenena kosa ny fitondràna fanampiana amin'ny maha-olona sy ireo mpanao gazety
Vehivavy Saodiana Mangataka ny Zon'Izy Ireo, any anaty Twitter
Vanim-potoanan'ny fiovàna izao any Afovoany Atsinanana sy ny Tontolo Arabo ary tsy te-ho tara amin'izany ireo vehivavy Saodiana. Mandefa ny fangatahana fitoviana izao ry zareo any anaty aterineto any - ao amin'ny Twitter, Facebook, anaty sehatra fifanakalozan-dresaka sy bilaogy samihafa.
Serbia: Fihetseham-po noho ny Tantaran'ireo Serba Mpikarama an'ady Any Libya
Raha ny azo avy amin'ny loharanom-baovao sasany, dia nandray anjara tamin'ny fandarohana baomba ny mpanao fihetsiketsehana Libiana ny mpanamory fiaramanidina Serba. Nadikan'i Sasa Milosevic ny fihetseham-po vitsivitsin'ireo Serba mponina amin'ny aterineto momba ity tsaho ity
Macedonia: Global Voices Nasongadina tamin'ny Fandaharan'ny Fahitalavitra
Filip Stojanovski, mpanoratra ao amin'ny Global Voices dia noraisim-peo [amin'ny teny makedoniana] ho an'ilay fandaharan'ny fahitalavitra Nie (”Isika”) momba ny lohahevitra : “Kale, Aterineto, Antoko politika, Facebook !? An'iza ny...
Thailand: Mpitantana Tranonkala Miatrika Fitsarana
Tonian-dahatsoratry ny fampahalalam-baovao iray tsy miankina no miatrika fitsarana any Thailand fa hoe nanitsakitsaka ny Lalàna momba ny Heloka Bevava Atao amin'ny alalan'ny Solosaina. Manara-maso akaiky mihitsy ny fitsaràna an'i Jiew ireo mponin'ny aterineto, ny mpanao gazety ary ireo mpiaro ny zon'olombelona. izay tohina mahita ny toerana misy ny fahalalahan'ny aterineto any Thailand
Bahrain: Kaonty Mampivarahontsana Avy Amin'Ireo Nanatri-Maso ny ‘Vono olona’ Tao Pearl
Mitohy mipoitra ireo fitantarana mampihoron-koditra momba ilay fanafihana niharo halozàna talohan'ny andro miposaka tao amin'ny renivohitra Barhaini, ahitàna ireo mpanao fihetsiketsehana naparitaky ny mpitandro filaminana avy tao amin'ny rond-point Pearl, toerana nofinidin-dry zareo hitobiana mba hanindriana ny fitakiany, raha samy mbola miezaka hanakatra ny tena nahazo azy ireo ny vahoaka Barhaini sy izao tontolo izao.
Iran: “Al Jazeera, Miangavy mba hotaterina ny eto Iran Tahaka Izay Nataonareo Tany Ejipta”
Raha nameno ny tontolo virtoaly mba handrisika ilay hetsika nosakanana tamin'ny fomba ofisialy tokony hisy ny 14 Febroary (25 Bahman) amin'ny anaran''ny vahoaka Ejiptiana sy Toniziana ireo Iraniana mafàna fo amin'ny aterinetoin, dia pejy Facebook iray no natsangana handrisihana ny Al Jazeera mba handrakotra ilay hetsika.
