Tantara mikasika ny Zon'olombelona tamin'ny Jona, 2011
Bilaogera Asongadina: Sabrina Sultana – Amin'ny Fony no Anoratany Bilaogy
Avy any Bangladesh i Sabrina Sultana no manoratra bilaogy ary tena tia manoratra tokoa. Iray amin'ireo bilaogera an-tapitrisany maneran-tany maneho ny heviny amin'ny fampiasàna ny aterineto izy. Nefa tsy tahaka ny rehetra akory i Sabrina; amin'ny fony tokoa no anoratany bilaogy.
Ejipta: V na hoe Virijiny sa tsia?
Taorian'ny fanamarinana ilay vaovao manafintohina momba ny fitsirihana ny maha-virijiny na tsia an'ireo vehivavy nanao hetsi-panoherana izay voatàna nandritra ny revolisiona Ejiptiana, hatezerana moa izany, tsy ireo vehivavy Ejiptiana ihany, fa hatramin'ny lehilahy izay tsy nety nino mihitsy fa hoe ireo niady ho an'ny fahamendrehana sy ny fahalalahana no hisetrasetrana amin'ny fomba mahamenatra tahaka izany.
Moldavia: Liga Islamica sy ny Fandeferana ara-Pinoana (misy fetra)
Ny fanoratana ho ara-dalàna ny Ligy Islamika tany am-piandohan'ity lohataona ity tao Moldavia dia niteraka fanehoan-kevitra miiba sy hetsi-panoherana teo amin'ireo mpanao politika avy ao an-toerana, ny mpitondra fiangonana Ortodoksa sy ny olon-tsotra. Diana Lungu mandika ny sasantsasany avy amin'ny valintenin'ireo bilaogera Moldavy.
Siria: Manao Hetsi-Panoherana ho an'ny Hoavin'ny Ankizy
Miteny anatinà andian-dahatsary mahavaky fo ao amin'ny Youtube ireo tanora tra-doza tao Siria, milaza amin'ny antsipirihany ny zava-doza niainan'izy ireo sy ny fianakaviany andro aman'alina nandritra ireo fotoanan'ny revolisiona tao amin'ny fireneny nanoherana ny fitondran'i Bashar Al Assad. Ny hetsi-panoheran'ny androany Zoma dia natolotra ho an'ireo ankizy Siriana sy ny ho avin'izy ireny.
Siria: Manomana Fanambaràna Any Antalya ny Mpanohitra
Andro iray monja taorian'ny nanambaran'ny filoha Bashar Assad ny famotsoran-keloka ho an'ireo gadra politika, mivory ny vondrona Siriana ahitàna ireo mpanohitra mba hanao ilay antsoin'ny tatitra iray hoe sori-dalàna ho an'ny tetezamita milamina sy demokratika ao Siria.
Shina: Fiampangana voalohany ‘Jasmin’
Nivoaka androany ny didim-pitsarana voalohany ilay mpikatroka miaro ny zon'ny sarambambe ao Chengdu, Li Shuangde, 47 taona, taorian'ny fisamborana sy fitazonana azy matetika nandritra ity lohataona ity. Taorian'ny fitazomana azy nanomboka tamin'ny 23 martsa, nohelohina ho nanao hosoka “carte de crédit” i M. Li tamin'ny Alarobia teo ary voasazy higadra mandritra ny...
Iran: Maty Nandritra ny Fandevenana ny Rainy ilay Vehivavy Mafàna Fo Amin'ny Fiarovana ny Zon'ny Vehivavy
Haleh Sahabi, maty omaly maraina ny vehivary iraniana iray mafana fo amin'ny fiarovana ny zon'ny vehivavy noho ny herisetra nataon'ireo mpitandro filaminana nandritra ny fandevenana an-drainy, Ezatollah Sahabi, tia tanindrazana sady mpitarika politika ela nihetezana.