Tantara mikasika ny Zon'olombelona tamin'ny Febroary, 2011
Iran: Tandindonin-doza i Hossein Ronaghi, mpitoraka bilaogy voafonja
Ilay mpitoraka blaogy Iraniana Hossein Ronaghi Malki dia manefa sazy 15 taona an-tranomaizina any amin'ny trano tsara aron'ny Fonjan'ny Evin, tsy mahazo mifandray amin'ny fianakaviany na ny mpisolo vava azy. Mojtaba Samienejad, mafana fo mpiaro ny zon'olombelona sady sekreteran'ny Trano Misahana ny Zon'olombelona any Iran, dia nilaza tamin'ny BBC Persiana fa mila fandidiana maika i Ronaghi ary efa ahiana mafy ny toe-pahasalamany.
Tontolo Arabo: Mitohy ny fitroàrana
Fotoan'ny revolusiona izao manerana ny tontolo Arabo, miaraka amin'ny vahoaka mijoro sy miantso fiovàna ara-politika, ekonomika sy ara-tsosialy. Fifanatonana, fanaovana fihetsiketsehana sy fanoherana manerana ny faritra no mameno ny fandaharam-potoanantsika, miaraka amin'ny vaovao mahavaky fo amin'ny fomba ataon'ny governemanta Arabo iray aorian'ny fampiasan'ny iray ny paikady mitovy hamdravàna ny fanoherana sy ny hampanginana ny feon'ny mpanohitra. Ireto misy fihetseham-po avy amin'izao tontolo izao manaraka ny fandehan'ny revolisiona eo amin'ny faritra
Koety: Mitaky ny zony ny ‘Bedoun’ tsy manan-tanindrazana
Miditra amin'ny andro fahatelo ny fihetsiketseham-panoherana ataon'ny mponina koesiana tsy manan-tanindrazana, fantatra ihany koa ho 'bedoun' (tsy manana zom-pirenena), mitady ny fampitovian-jo sy fizakana zom-pirenena izay nahaterahan'ny maro sady heveriny ho fonenany tokana. Ny fitondrana moa milaza fa tsy mponina ara-dalàna izy ireo - ary tsy ara-dalàna ihany koa ny fihetsiketsehany.
Nobodoina nymasoivoho Libyana ao Dubai ary nesorina ny saina!
Ho valin'ny famonoana izay nitranga tany Libya sy ny tsy fahafahan'ny mpanao gazety manao ny asany, ny mpanao fihetsiketsehana ao Dubai, UAE, dia nankeny amin'ny masoivoho Libiana ny talata mba hitaky ny fanajanona ny fandatsahan-drà ary hanongana ny Kolonely Muammar Gaddafi.
Yemen: Bala, Hiakan-taraina ary Anjomara (Lahatsary)
Tatitra vao tonga avy any Sanaa renivohitr'i Yemen no milaza fa raha kely indrindra dia mpianatra iray avy amin'ny anjerimanontolo no maty ary marobe no naratra tamin'ny fifandonana halina tamin'ny hery manohana ny governemanta.
Bahrain: Niteraka Haromontana sy Tsy Fitokisana ny Vaovao Mikasika Ilay Fanafihana Tamin'ny Vao Mangiran-dratsy
Raha nifoha maraina handeha hamonjy ny toeram-piasana ny vahoaka rehetra manerana an'i Bahrain androany (Alakamisy faha 17 Febroary, 2011) dia taitra raha naheno vaovao mikasika ny fanafihana nataon'ny mpitandron'ny filaminana tamin'ny andro vao mangiran-dratsy an'ireo mpanohitra ny governemanta izay nilasy tao Fihodinan'i Lulu renivohitr'i Manama. Nitobaka ny fanehoana haromontana, tahotra sy tsy finoana ny zava-nitranga tao amin'ny vohikalan'ireo tambazotra sosialy Facebook sy Twitter.
Bahrain: Fankatoavana ireo Maritiora
Hatramin'ny Asabotsy, nanao fihetsiketsehana tamim-pilaminana sy tamin-kalalahana ireo mpanohitra ny fanjakana tany amin'ny Rondpoint Pearl (Lulu). Manamarika ny andro fahavalon'ny Andron'ny hetsi-panoherana mifono hatezeran'i Bahrain androany, satria dia nanao diabe avy any amin'ny tranobe fivarotana any Bahrain ka hatrany amin'ny Roindpoint Pearl (Lulu) ho mariky ny fankatoavana ireo maritoira valo niamboho nandritra io hetsi-panoherana io.
Yemen: Manohy ny Dia, Mpanao Fihetsiketsehana Iray Indray Latsak'aina (Lahatsary)
Tanora iray no voatifitra sy maty tao Aden, Yemen tamin'ny Alatsinainy 21 Febroary raha nifamotoana taminà tanàna efatra samihafa ireo mpanao fihetsiketsehana analiny tamin'ny andro faha-11 nanaovana hetsika ho fandravàna ny telopolo taona mahery nanjakan'ny Filoha Ali Abdullah Saleh.
Libya: Fahafatesana mialoha ny Fahafahana (Lahatsary)
Ity lahatsoratra ity dia anisan'ny fitantarana manokana ataonay momba ny Fitroarana 2011 any Libya. Ao anatin'ny toe-draharaha mampidi-doza sady miova haingana dia haingana ao an-toerana – sy amin'ny alalan'ny serasera nomerika tsy dia tsara loatra – no anombohan'ny mponina any Libya mamoaka saripika sy lahatsarin'ny fitroarana manohitra an'i Muammar Al...
Bahrain: Feno maratran'ny rondpoint Lulu ny hopitalibe
Taorian'ny famelezana vao mangiran-dratsy tany amin'ny rondpoint Lulu, ivotoeran'ny hetsi-panoherana manohitra ny governemanta nanomboka ny 14 Febroary 2011, maro ireo naratra nalefa maika tany amin'ny hopitalin'i Salmaniya. Olona telo no maty tamin'io andro io.
