Tantara mikasika ny Fitantanam-pitondrana tamin'ny Desambra, 2012
Lasan'i Afganistana Ny Amboaran'ny Firenena Mpanao Kolikoly Indrindra
Afghanistan no heverina ho ny firenena faran'izay mpanao kolikoly indrindra eto an-tany tao anatin'ny fanadihadiana isan-taona nataon'ny mpanaramaso ny kolikoly eran-tany. Niteraka andianà famoriam-bahoaka hanoherana ny kolikoly nanerana ity firenena rotiky ny ady ity ny famoahana ilay fanadihadiana. Tao Bamyan, ireo mpikatroka mafàna fo avy amin'ny fiarahamonina sivily ao amin'ny faritanin'i Bamyan (aka Bamiyan) dia nanolotra sary famantarana iray maneho ny filoha Afgana Hamid Karzai miaraka amin'ny 'Amboaran'ny Firenena Mpanao Kolikoly Indrindra'.
Thailand: Nahoana No Nandamoaka Ny Hetsi-panoheran'ny Pitak Siam
Ny Pitak Siam (Arovy i Thailand), vondrona manohitra ny governemanta, dia nivoady ny hanetsika olona iray tapitrisa ho eny an-dalamben'i Bangkok tamin'ny 24 Novambra teo, saingy tsy nahavita namory afa-tsy 20.000. Samy nanoratra momba ilay tsy fahombiazan'ny Pitak Siam daholo ireo bilaogera, mpanao gazety sy ny eny amin'ny anjerimanontolo, ary ny fiantraka ara-politikan'ilay hetsi-panoherana.
Mitatra Any Amin'ny Fanorenana Tranobe Raitra Ho An'ny Governemanta Ny ‘Aretin'ny Figalabonana’ Ao Shina
Tsy zava-baovao ao Shina ny tranobe mirentirentin'ny governemanta, kanefa kosa, tsy misy azo ampitahaina amin'ny tranobe vaovaon'ny governemanta ao Jinan, renivohitry ny fairtany atsinanan'i Shina, Shandong. Araka ireo tatitry ny mpilaza vaovao [zh], ny "Long Ao building" dia mitentina 4 lavitrisa RMB (640 tapitrisa dola amerikana), ary ny lehibe indrindra sy lafovidy indrindra amin'ireo tranon'ny governemant any Shina, faharoa amin'ny habeny erantany, faharoa manaraka ny Pentagon amin'ny habe
Madagasikara: fanaovana ampihy mamba velarantany nohon'ny BioFuel
Ny fikambanana “collectif TANY” izay mitolona hoan'ny fiarovana ny zon'ireo tantsaha Malagasy ahafahany manohy hamokatra ny taniny, sady soloin'Atoa Mamy Rakotondrainibe tena, no nandikateny frantsay sy nanapariaka ny lahantsoratra navoaky ny gazety Inona ny Vaovao laharana 1031 [fr] izay mitatitra ny fitarainan'ireo tantsaha nohon'ny vokadratsy ateraky ny fambolena ny voly jatropha karakarain'ny orinasa Tozzi Green group...
Tsy Handray Anjara Amin'ny Fitsapa-kevi-bahoaka Ny Mpanohitra Ao Ejypta
Nilaza ny Firaisankinan'ny mpanohitra, Mandan'ny Famonjena ny firenena ao Ejypta tamin'ny alina (9 Desambra 2012) fa tsy handray anjara amin'ny fitsapa-kevi-bahoaka handaniana ny lalàmpanorenana vaovao, izay hotontosaina amin'ny Asabotsy (15 Desambra 2012). Noho ny fanoherana ny filoha vaovao voafidy Mohamed Morsi izay voampanga fa mangoro-pahefana mihoampampana sy mamehy ireo fahalalahana...
Fahazoana Vaovaom-Panjakana: Zonao izany!
Tsy hoe mora lalandava ny mahazo ny vaovao, angon-drakitra ary antontan-taratasy any amin'ireo sampan-draharaham-panjakana, na dia marina aza fa an'ny olom-pirenena ihany ireo vaovao sy angona eny an-tanan-dry zareo. Izany no antony anankiray nandrisika ireo fikambanan'ny sosaity sivily sasany, izay manokan-tena ho amin'ny fikatrohana hisian'ny mangarahara, nanangana karazana vovonana an-tserasera hahafahan'ny olona mangataka ireo karazam-baovao avy amin'ny sampan-draharaham-panjakana.
Kôngô (RDC) : Ady efa Nanana Fototra Niaviany, Gidragidra 50 Taona
Tsy azo manontolo ny fandehan'ny ady misy ankehitriny eo amin'ny mpiokon'ny M23 sy ny tafika kôngôley raha tsy misy ny fampahatsiahivana ny tantara niandohan'ny ady isan-karazany eo amin'ny renim-paritra manodidina ireo farihy lehibe.
Lavin'ireo Mpikatroka Mafàna Fo Ilay Fanambarana Momba ny Zon'Olombelona Any Azia Atsimo Atsinanana
Fikambanana mpiaro zon'olombelona maherin'ny 50 avy any Azia Atsimo Atsinanana no namoaka fanambaràna iray manakiana ny fanabaribariana ilay Fanambaràna momba ny Zon'Olombelona novolavolain'ireo firenena folo ao anatin'ny Fikambanan'ireo Firenena Any Azia Atsimo Atsinanana. Nony navoaka ho fanta-bahoaka ilay fanambaràna tamin'ity volana ity, dia nolavin'ireo fikambanana mpiaro zon'olombelona any amin'ny faritra avy hatrany noho izy nambara ho miaty andàlana mandiso ny zo iraisana erantany amin'ny resaka fiarovana zon'olombelona
Mampiray An'i Hongria Ny Fanoherana Ny Fankahalàna Jiosy
Hongroà an'arivony no nijoro niray hina hanohitra ny fankahalàna Jiosy tamin'ny hetsika iray natao tao Budapest. Teny koa ireo mpanao politika avy amin'ny antoko eo aminy fitondràna sy ny mpanohitra. Nisokatra indray ny fifanakalozan-dresaky ny olona mikasika ny fiakaran'ny fanohanana azon'ny antoko farany havanana any Hongria - ary, raha hitarina, nampitambatra ny firenena Hongroà io
Mitohy Manakoako Manerana An'i Paragoay Ilay Fifandonana Nahafaty Olona Tao Curuguaty
Mitohy manao atsimo sy avaratra ny fijerin'ny rehetra mikasika ilay bemidina nataon'ny polisy tao Curuguaty izay niafara tamin'ny fahafatesanà pilisy enina sy tantsaha iraika ambinifolo. Ny fanadihadiana momba ilay bemidina, izay nikendrena hanalàna ireo mponina tsy ara-dalàna ao amin'ny tahirin'ala iray, dia mbola mitohy sy iandrasana porofo matanjaka mikasika ny hoe iza no diso.
