Tantara mikasika ny Fitantanam-pitondrana tamin'ny Febroary, 2011
Iran: Fanantenana, Hafaliana, Faniriana satria nahazo fahafahana i Ejipta
Niarahaba ny fandehanan'ny filoha Ejiptiana Hosni Mubarak androany ny mpitoraka bilaogy Ejiptiana miaraka amin'ny hafaliana sy ny faniriana. Tena fifandrifian-javatra mahazendana mihitsy hoe ny andron'ny faha 32 taonan'ny revolisiona 1979 naharava ny Shah no niala i Mubarak.
Ukraine: Manampy Amin'ny Fampanarahana Fitsipika ny Polisy An-Dalambe ny YouTube
Tetyana Bohdanova mitatitra ny fomba fampiasàn'ny Okrainiana ny Aterineto mba hamakiana bantsilana ny fandikan-dalàna ataon'ireo polisy mpandrindra fifamoivoizana.
Alzeria: Mpanao Fihetsiketsehana Voasambotra, Voadaroka tamin'ny Diaben'ny #Feb12
Efa nahafaka mpanao jadona roa sahady ireo mpanao fihetsiketsehana tao Tonizia sy Ejipta saingy ny manampahefana Alzeriana kosa mbola nahita fahombiazana hatrany amin'ny fanakanana ireo hetsi-panoherana izay nanomboka avy hatrany taorian'ny hetsiky ny Toniziana tany am-piandohan'ny volana Janoary 2011. Ireo saripika sy lahatsary eo anivon'ny aterineto dia mampiseho ny fisamborana sy ny herisetra ara-batana natao an'ireo mpanao fihetsiketsehana.
Ejipta:Fanadiovana ny Tahrir
Nandritra ireo herinandro vitsy lasa, satria "nanadio" ny fireneny tamin'ny Fahefana jadona ireo Ejiptianina, feno vahoaka ny Kianjan'ny Tahrir, feno hafaliana, ary vokatr'izany, feno zavatra tokony ho diovina. Na dia nikarakara ny trano vonjimaika nitoerany aza ireo mahery fo tao afovoan'ny Kianja, maro ireo zavatra tokony natao satria mihamanify ny sarababem-bahoaka. Androany, nizara ny vaovao ireo Ejiptianina fa madio tanteraka ny Kianja, ary mbola tsara noho ny nahitan'izy ireo azy.
Iran: Manohitra amin'ny anaran'ny Ejipta sy Tonizia
Ireo mpitarika ny fanoherana Iraniana, Mir Hussein Mousavi sy Mehdi Karubi, dia nangataka alàlana hanao famoriam-bahoaka ho fanohanana ny hetsi-panoherana any Ejipta sy Tonizia, amin'ny 14 Febroary (25 Bahman) raha ny voalazan'ny tranonkalan-dry zareo. Nanosika mafàna fo maro hametraka ny 'dian-tànana maitsony' eo anivon'ny aterineto ireo vaovao.
Ejipta: Ny mahery fonay, Wael Ghonim
Nandritra ny andro maro ny Ejiptiana, nikaroka teny rehetra teny an'i Wael Ghonim, mpitantana ny Google izay tsy hita nanomboka tamin'ny 27 Janoary. Androany, taorian'ny sahoan-dresaka maro, navotsotra i Ghonim.
Ejipta: Tena azo ekena ho safidy anoloana an'i Mubarak ve i Amr Moussa?
Niteraka fanehoan-kevitra samihafa ny eritreritr'i Amr Moussa, sekretera jeneralin'ny Ligy Arabo, sady mpanohana tsy misy fepetra an'i Mubarak teo aloha, ho lasa filohan'i Ejipta atsy ho atsy, raha mbola manohy miantsoantso ny fialàn'i Hosni Mubarak ny Ejiptiana efa ho 12 andro misesy izao. Ireto manaraka ireto ny sasany tamin'nyfanehoan-kevitra tao amin'ny Twitter
Ejipta: Nametra-Pialàna Tsy ho Mpitarika ny NDP eo amin'ny fitondràna ve i Mubarak?
Vaovao vao nilatsaka ny hoe nametra-pialana amin'ny maha filohan'ny antoko NDP mitondra amin'izao fotoana azy ny filoha Ejiptian Hosni Mubarak. Andro faha-12 amin'ny hetsi-bahoaka goavana manerana an'i Ejipta itakiana ny fialàny no nisian'izany. Fanavaozam-baovao: niova ny vaovao ankehitriny: mety tsy niala tamin'ny toerany i Mubarak. Indreto fanehoan-kevitra avy ao amin'ny Twitter mikasika ireo vaovao mifanipaka ireo.
Iran: “Ing. ElBaradei namanay” ao Ejipta
Manohy mizara ny fomba fijeriny mikasika ny fitroarana any amin'ny tontolo Arabo ireo Iraniana mpitoraka bilaogy avy amin'ny firehana politika samihafa. Masih, Islamista iray tena fatra-mpandàla ny nentin-drazana no mahita fa vintana iray ho an'ny mpitondra Iraniana raha toa ka tafiditra ao anaty fitondrana any Ejipta i Mohamed ElBaradei.
Sodana: “Revolisiona Facebook” miaraka amin'ny Fanampian'ny Twitter avy eo an-damosiny
Firehana vaovao no atrehintsika androany eto Sodana. Nitombo niaraka tamin'ny niomerika ny tanora Sodane, ary tsapan'izy ireo tsara ny fivoaran'ny tontolo manodidina azy ireo. Mampiasa ny fitaovana tambajotra sosialy mba hanaovana izay handrenesana ny feony sy hiantsiana ny fitondrana ireo tanora Sodane. Ao anatin'ity lahatsoratra ity, hojerentsika ny fomba ampiasàna ny fitaovana media sosialy ho fanampiana handrindràna, handraketana ary hitaterana ny hetsi-panoherana tamin'ny 30 Janoary.
