Tantara mikasika ny Fitantanam-pitondrana tamin'ny Novambra, 2012
Espaina: Tsy Ampy Taona Nodarohan'ny Polisin'ny Katalonia, Antso Hialàn'ny Minisitra
Ny fampiasana hery nataon'ny vondron-kery polisin'i Katalonia antsoina hoe Els Mossos d’Esquadra [ca], nandritra ny fitokonambe [ca] tamin'ny 14 Novambra 2012 (#14N [ca]) no niteraka onjam-panamelohana an-tserasera. Niteraka fametrahana fanangona-tsonia [ca] ho fialan'ny minisitry ny atitanin'i Katalonia, Felip Puig, avy amin'ny antoko politika rezionaly efatra ity toe-draharaha nitranga tao antenantenan'ny fampielezan-kevitra manantantara ity.
Espaina: Fifidianana Katalana – “Garcia Avokoa Izahay Rehetra”
Mitodi-doha mankany amin'ny biraom-pifidianana indray androany alahady, 25 Novambra 2012 ny any Katalonia izay ao raha mitokozihitra ny eo amin'ny toekarena ary mavaivay ny adihevitra momba ny fisintahana amin'i Espaina. Nanomboka tamin'ny alalan'ny lahatsary mampiady hevitra nivoaka tao amin'ny fantsona Youtube an'ny Antokom-Bahoakan'ny Katalana [es] (Partit Popular de Catalunya na PPC) izay mpitàna ny firaisampirenena ny fampielezan-kevitra, izay nifantoka indrindra tamin'ny adihevitra momba ny fahaleovantena [fr] tamin'ny herinandro lasa teo.
Trinidad & Tobago: Mpitokona Tsy Hihinankanina Niomana Handeha Lavitra Hanohitra Ny Fanaovana Lalambe Migodàna
Niditra tamin'ny fitokonana tsy hihinan-kanina i Dr. Wayne Kublalsingh, mpikatroka mafàna fo amin'ny fiarovana tontolo iainana sady profesora mpampianatra literatiora, mba hanoherany ny fanorenana ilay ampahana-dalan'ilay lalambe migodana antsoina hoe Debe to Mon Desir miainga avy ao San Fernando mankany Point Fortin any atsimo atsinanan'i Trinidad. Mifanakalo resaka ireo bilaogera raha toa tokoa ka mendrika ny hamoizany ny ainy ny tolona atrehany.
Nahoana No Tsy Tokony Avela Tsy Hisazy Ny Hala-bato Ao Okraina
Rakotry ny ahiahy mikasika ny mety ho fisian'ny hala-bato sy endrika kolikoly hafa koa ny fifidianana parlemantera farany teo tao Okraina. Veronica Khokhlova no mampibaribary ny sasany amin'ireo kiana nakarin'ny fiarahamonina sivily Okrainiana manohitra ilay fifidianana, sady milaza fa fotoana izao tokony hiraisan'ny mpanohitra hina manodidina tolona iray iombonana.
Vahoaka Maleziana Manohitra Ny Fanadiovana ‘Terre Rare’ / Vovo-tany Tsy Fahita Firy
Voalaza fa hanangana ny toeram-panadiovana lehibe indrindra manerantany amin'ny resaka Vovo-tany Tsy Fahita Firy i Malezia taorian'ny nandàvan'ny fitsarana ireo fanangonan-sonia hanafoanana ny fahazoan-dàlana nomen'ny governemanta ho an'io tetikasa voalaza io. Setrin'izay, vondrana maro samihafa mpiahy ny tontolo iainana, mponina sy olom-pirenena velon'ahiahy no nanao dingana niroso tamin'ny hetsi-panoherana ilay fotodrafitrasa. Ireo mankasitraka dia milaza fa hitondra tombontsoa ho an'ny toekarena ao Malezia ilay tetikasa saingy marobe ireo vondrona miasa loha amin'ny lafy ratsy entin'izy io ho an'ny tontolo iainana sy ny fahasalamana.
Noesorin'i Putin Ny Minisitry Ny Fiarovana Mba Hisondrotan'ny Mpandova azy?
Tamin'ny fiandohan'ny volana Novambra, vonona hifidy indray an'i Barack Obama ho filoham-pirenena ny Amerikana, nanapaka ny finamanany efa ela tamin'i Anatoly Serdyukov i Vladimir Putin, minisitry ny Fiarovana tao Rosia nanomboka tamin'ny taona 2007 i Anatoly Serdyukov. Sergei Shoigu, Governoran'i Moskoa sy lehiben'ny Minisitera Misahana ny Toe-draharaha Maika (MChS) no notendrena hisolo...
Mihozongozona Ny Fitondrana Ao Iran Mialoha Ny Fifidianana Ho Filoham-pirenena
Vao haingana izao dia nolavin'ny fitsarana ao Iran ny fahafahan'ny Filoha Mahmoud Ahmadinejad mitsidika ny iray amin'ireo fonja malaza indrindra ao amin'ny firenena. Midika ve io fanapahan-kevitra io fa efa mihen-danja ny fahefan'ilay Filoha an-dalam-panaperana ny fotoam-piasany, volana vitsy aty alohan'ny fifidianana amin'ny taona ho avy?
Bolivia, Manana Aterineto Ve Ianareo?
Taorian'ny efa ho folo taona mahery, hatao ny 21 Novambra 2012 izao ny Fanisòm-bahoaka Nasionaly sy ny Trano fonenana ao Bolivia. Ny hany fanontaniana tokana momba ny aterineto dia manadihady fotsiny mikasika ny tolotra, tsy mijery izay karazana fitaovana ampiasaina, ny kalitao, ny fampiasàna azy, ny fivakisana niomerika, sy ny maro hafa, ka very ny fotoana tokony ho fanararaotra hanaovana fandalinana lalina mikasika ity resaka ity.
Brezila : Mangataka Fivoaran'ny Fanadiovana Ny Mponina Ao Rio
Ny tetikasa 'Filàna fototra ny Fahadiovana' nosokafan'ny Fikambanana Meu Rio, dia nijoro ho modely amin'ny fampitomboana isa an' ireo fanentanana fanerem-bahoaka an-tserasera natsangan'ireo olom-pirenena sy ireo hetsi-piaraha-monina cariocas. Araka ny hevitry ny Fikambanana, 'Ny antsasaky ny mponina ao Rio de Janiero hatramin'izao dia tsy mbola manana rano sy famoahan-drano maloto".
Takon'ny Fifandonana Ny Alina Ny Fitokonana Faobe Am-pilaminana Tao Portiogaly
Nitondra indray mandeha indray ny vahoaka ho eny an-dalambe nanerana ny firenena ilay fitokonana faobe tao Portiogaly ny 14 Novambra 2012, hijoroany hanohitra ny fisongan'ny politikam-pitsitsiana. Ny tena hery manosika ny vahoaka hanao fihetsiketsehana na izany aza, dia tsy takatr'ireo fampahalalam-baovao mahazatra loatra noho ny fisian'ireo hetsika mahonena "mahasarika kokoa ny maso": tamin'ny fiafaràn'ny andro iray nafotaka nanaovana hetsika am-pilaminana sy fitorevahana, ny fifanandrinana nivadika ho herisetra teo amin'ny polisy sy ireo mpanao hetsi-panoherana no zary lasa lohatenim-baovao mirantiranty.
