Tantara mikasika ny Fitantanam-pitondrana tamin'ny Jona, 2012
Tiorkemenistana: Mamarana Ny Fanaovan'ny Fanjakana Ampihimamba Ny Fiverenan'Ilay Tambajotranà Finday Rosiana
Taoriana fikatonana tsy nisy fanazavana nataon'ny governemanta tamin'ny 2010, hamerina ny asany any amin'ny firenena ilay tambajotra mpandraharaha finday Rosiana malaza MTS, izay nanana mpanjifa sahabo eo amin'ny antsasaky ny mponina Tiorkemenistana eo. Faly ireo mponina ao Tiorkemenistana mpampiasa aterineto amin'ireo vaovao ireo, manome sosokevitra ny amin'ny hanomezan'ny tambajotra tolotranà finday tsara kalitao sy fidirana amin'ny aterineto tsy voasivana, mamarana ny fanaovan'ny fanjakana ampihimamba io sehatra io.
Indonezia: Fitaovana Fandraketana An-tsarintany Ny Fahasimban'ny Ala Ao Sumatra
Misy fitaovana iray vaovao fandraketana ho anaty saritany izay manome tahirin-kevitra mikasika ny fahasimbana mahavalalanina mahazo ny ala mandrakotra ny Nosy Sumatra ao Indonezia. Sumatra, nosy iray isan'ny lehibe indrindra eran'izao tontolo izao, dia toerana iray hany fantatra fa misy elefanta, rhinos, tigra sy 'orangutans' miara-monina. Ilay sarintany ety anaty aterineto dia manome torohay manan-danja koa mikasika ny harena ananan'ilay nosy raha resaka fifangaroan'ny zavamiaina ao.
Shina: Li Wangyang Gadra Politika Noho Ny Raharaha Tiananmen, Hita Maty Nihantona
Li Wangyang, Shinoa iray gadra politika izay nandany betsaka tamin'ny androm-piainany tany am-pigadrana, dia hita maty ny marainan'ny Alarobia 6 Jona 2012, taorian'ny resadreska nataony ho an'ireo mpampahalala vaovao avy any ivelany mikasika ny vonomokan'ny 4 Jona (Kianja Tiananmen) tamin'ny 1989 sy ny fiainan'ireo gadra politika ao Shina. Ny fahafatesany dia niteraka ahiahy mikasika fitaka.
Kamerona: Vinavina Fampandrosoana Ny Herinaratra Amin'ny Taona 2035
Fitantarana manokana ataonay momba ny Fifandraisana Iraisam-pirenena sy ny Fiarovana ity lahatsoratra ity. Taorian'ny nahavoafidy azy indray tamin'ny Novambra 2011, nanambara ny filoham-pirenena Kameroney Paul Biya fa ho lasa “toeran'ny fanaovazana goavana” ny firenena atsy ho atsy. Ny tanjony amin'izao fe-potoa-piasany vaovao izao dia ny hahatonga an'i Kamerona ho firenena miroborobo amin'ny taona 2035...
Ny Fivoaran'ny Fiahiana Ara-tsosialy Aty Afrika
Mbola an-dàlana tanteraka ny fametrahana rafitra fiahiana ara-tsosialy ho an'ny ankamaroan'ny firenena aty Afrika. Samy nifidy rafitra iray manokana mifanaraka amin'ny kolotsainy ny governemanta afrikana tsirairay, izay azo lazaina ho nahomby amin'ny ampahany ihany, saingy ny rehetra dia miara-mahatsapa ny filàna ny fiarovana, na faran'izay kely aza, ho an'ireo tena mponina marefo ao aminy. Resahan'ireo manampahaizana manokana amin'izany ny vokatra azon'ireo rafitra efa napetrakaho fiahiana ny ara-tsosialy ao Afrika :
Ejipta: Tsia, Tsy Mbola Vita ny Revolisiona
Nitodika tany amin'ny Ejipta indray ny mason'izao tontolo izao tamin'ny 23 sy 24 May, noho ity firenena ity hanao ny fifidianana filoham-pirenena voalohany taorian'ny firohotam-bahoaka izay nanàla an'i Hosni Mubarak herintaona sy tapany lasa izay.
Nanomboka Ny Fitokonany “Maina” Tsy Hihinan-kanina Ilay Bilaogera Iraniana Voafonja
Manana endrika vaovao indray ny tantara mampalahelon'ireo bilaogera Iraniana tato ho ato : Hossein Ronaghi Maleki,ilay bilaogera nanefa sazy 15-taona an-tranomaizina. Tao anaty fitokonana tsy hisakafo nanomboka ny volana May i Hossein, ary ankehitriny nijanona tsy misotro rano koa izy.
Meksika, Etazonia: Iza No Hanefa Be Amin'ny Kolikoly Nataon'ny Wal-Mart?
Nidiran'angano ny iray isan'ny vondron'orinasa lehibe indrindra eran-tany taorian'ny nivoahan'ny porofo nilaza fa nanome kolikoly 24 tapitrisa dolara Amerikana ho an'ny manampahefana Meksikana ny zana-tsampany Wal-Mart ao Meksika teo anelanelan'ny 2002-2005.
Manome Solika 5 Tapitrisa Litatra Ho An'i Malaoi i Zambia
Tsy ela akory izay dia tonga tamin'ny fetra ambony tsy nampoizina sy nahatalanjona ny olana ara-diplaomatika nisy teo amin'i Malaoi sy Zambia efa ho an-taonany maro, tamin'ny nanoloran'i Zambia solika 5 tapitrisa litatra ho an'i Malaoi. Nambara fa ny antony nanosika ilay fanomezana dia ny fandevenana ny filoha teo aloha Bingu wa Mutharika, izay maty tamin'ny 5 Aprily 2012, taorian'ny fijanonan'ny fony. Kanefa, ny fifandirana ara-politika nahatongavana tamin'ity fihetsika ity dia tantara manana endrika saro-bahana.
