Tantara mikasika ny Fitantanam-pitondrana tamin'ny Jolay, 2014
Nanambara Ny Fampahalalam-baovam-panjakana Ao Shina Fa Tsy Nandalo Fizahana Ireo Vary Novaina Zenetika Eny An-tsena
Nahita vary novaina zenetika namidy tao amin'ireo faritany atsimo roa ny CCTV, haino aman-jerim-panjakana ao Shina. Nilaza ny governemanta fa mbola tsy vita fizahana izany ary tsy ara-dalàna ny famarotana azy ireny eny an-tsena.
Nakaton'ny Manampahefana Ao Bangladesh Ny Trano Iasan'ny Mpivaro-tena Nijoro Efa Ho 200 Taona Izao, Mpivaro-tena An-jatony No Voaraoka Tamin'izany
Fanerena avy amin'ireo mpitarika fivavahana sy mpanao politika kaonservativa no antony ilazana fa mahatonga ny fanakatonana ny tranon'ny mpivaro-tena ao Bangladesh. Saingy niampanga ireo manampahefana ao an-toerana ho maka tany an-keriny kosa ny fikambanana nasionalin'ny mpivaro-tena ao Bangladesh.
Niverenana Nodinihana Tampoka Ilay Didy Manome 4 Tapitrisa Robla Natao Hamahàna Ny Tor Ao Rosia
Naverin'ny Ministeran'ny Atitany ao Rosia nodinihana ny fomba fiteny ao anatin'ny didy iray manolotra 3,9 tapitrisa robla (manodidina ny 100.000 dolara amerikana) ho an'ny famokarana fomba hamakiana ny angon-drakitry ny mpampiasa aterineto ao anatn'ilay tambajotra tsy fitononana anarana Tor
Filipina: Filohan'ny ‘Ady Amin'ny Kolikoly’ Miatrika Antso Fitsipaham-Pitokisana Noho Ny Fiahiahiana Azy Ho Manao Kolikoly
Taorian'ny nilazàny Fitsarana Antampony ny maha-tsy araka ny Lalàm-panorenana ny famatsiambola ny fandaharanasa iray tantaniny, ampangaina ho manao kolikoly ny filohan'i Filipina Benigno Aquino III, izay nandresy taminà fiaraha-mientana manohitra ny kolikoly.
Mbola Bahanan'i Tajikistan Hatrany ilay Tambajotra Sosialy Rosiana Malaza
Mandray ny andraikitra feno sy tanteraka amin'ny maha-mpiaro ny ara-moralin'ny daholobe azy governemanta ao Tajikistan - ary mpiaro manoloana ireo fanaratsiana ny governemanta. Nanampy isa ny Youtube ao anatin'ny lisitr'ireo tranonkala voabahanan ny tambajotra Rosiana Odnoklassniki, tamin'ny 18 Jolay.
Manome 4 Tapitrisa Robla Ho An'izay Mahavaha Ny Tor i Rosia
Na dia toa tsy dia hotanteraka loatra aza, raha tafita io tetikasa famahàna kasain'i Rosia hatao io, dia ho tandindonin-doza ireo olona an-tapitrisa mpisera amin'ny aterineto izay tsy ratsy velively ny safidiny hiditra amin'ny tsy fitononana anarana ety anaty aterineto.
Jokowi No Filoha Fahatelon'i Indonezia Voafidy Tamin'ny Fomba Mivantana
Ny Governoran'i Jakarta Joko Widodo (Jokowi), politisiana malaza avy any an-tanànan'i Solo, no nahazo ny ampaham-bato 53,15 isanjato tamin'ny vato manankery manakaiky ny 130 tapitrisa.
Hena Lany Andro Aroson'ny McDonald, KFC Sy Ireo Sakafo Tselatra Ao Shina
Ity no tantara ratsy farany indrindra namely an'i Shina, izay nolalovanà andian'olana tato anatin'ny taona vitsy, isan'izany ny resaka ronono nisy poizina tamin'ny 2008 izay nahafaty zaza menavava enina.
Eto Ny “Sokajim-Pampitandremana” Hilaza Aminao Ny Famoretan'ny Polisin'i Hong Kong Amin'ireo Mpanohana Ny Demaokrasia
Nanangana ny "Sokajim-Pampitandremana" HongKongey, fampisehoana fihetsiketsehana izay mitsikera ny famoretana mahery vaika ataon'ny polisy amin'ireo mpanao fihetsiketsehana milamina ilay mpanakanto ao an-toerana, Kasey Wong.
Antontan-taratasy Tafaporitsaka Mamafy Aloka Momba Ny Hoavin'ny Fitrandrahana Entona Fandrehitra Ao Tanzania
Tafaporitsaka ho hitan'ny besinimaro, fifanarahana iray fifampizaràna famokarana entona governemanta Tanzaniana sy ny "Statoil" orinasa maro rantsana avy any Norvezy, no manasongadina ny hoe lasa resaka manohintohina ny resaka fidiram-bola avy amin'ny toeram-pitrandrahana entona ao Tanzania—sy ny hoe iza no mahazo tombontsoa amin'izy ireny.
