Tantara mikasika ny Fitantanam-pitondrana tamin'ny Jona, 2013
Fampanantenana Rariny Ara-Piarahamonina ho an'ireo Tsy Manan-tany ao India
Nankatoavina nandritra ny fivoriana niarahana tamin'i Jairam Ramesh, minisitry ny fampandrosoana ny faritra ambanivohitra tamin'ny 15 aprily 2013, ny asa maharitra notontosain'ny Ekta Parishad, ( “diniky ny Firaisan-kina” [hi]) teny amin'ny...
Voasakana Tany Etazonia dia Nipoitra Tao Rosia Indray Ilay Lalàna SOPA
Niverina ny lalàna Amerikana "Stop Online Piracy Act" (Ajanony ny Fijirihana Anaty Aterneto) - ary efa hihatra afaka herinandro eo ho eo. Tsy ao Etazonia anefa ny SOPA no hivoaka, toerana izay nahitàna fihetsiketseham-bahoaka notontosain'ny fikambanan'ireo orinasa misahana ny aterineto, fikambanana Mpiaro ny Zon'olombelona, ary ireo mpampiasa aterneto mba hitsipahana ny lalàna tamin'ny volana Janoary 2012. Lalàna iray mamolavola sazy henjana ho an'ireo izay manitsakitsaka anaty Aterneto ny zon'ny mpamorona no eo an-dalam-panantanterahana ao Rosia.
Iray No Maty Tamin'ny Fisian'Ilay Hetsi-panoherana Nanerana An'I Brezila
Tovolahy iray no maty voadonan'ny fiara tao Ribeirao Preto ary ampolony maro no naratra tamin'ilay fifandonana tamin'ny polisy tao Brezila, Rio de Janeiro, ary tao Salvador satria efa maherin'ny iray tapitrisa ireo olona nidina an-dalàmbe teny amin'ireo tanàn-dehibe sy kely rehetra manerana an'i Brezila, io no hetsi-panoherana lehibe indrindra hita teo amin'ny firenena tao anatin'ny roampolo taona.
Ravan'ny Safodrano Sy Ny Fihotsahan'ny Tany Ny Faritra Avaratr'I India
Namono olona maherin'ny 500 sy nampihitsoka olona eo ho eo amin'ny 70.000 zara raha manana vatsy sy fitaovam-pialofana noho ny fahasimbana na fahatapahan'ny làlana ilay safodrano sy fihotsahan'ny tany tany avaratr'i India.
Kandidà Ho Filoham-pirenena Iraniana Mampiasa Ny Media Sosialy Ho Fiadiana
Mifaninana amin'ny fampiasàna ny media sosialy ireo Iraniana mpifaninana ho filoham-pirenena, toy ny Facebook sy Twitter na dia voasivana aza ireo tranonkala ireo ary amin'ny ankapobeny dia tsy afaka idiran'ireo mpisera anaty aterineto loatra.
Nolanian'i Ekoatora Ilay Lalàna Mahabe Resaka Mifehy Ny Serasera
Taorian'ny adihevitra ela efa ho efa-taona izay, dia neken'ny Antenimieram-pirenena tao Akoatora ihany, tamin'ny isam-bato 108 mankasitraka ary 26 mitsipaka, ilay lalàna mahabe resaka hifehy ny serasera, natolotry ny Filoha Rafael Correa, Raha toa ny tompon'andraikitra ao amin'ny governemanta ka mankalaza [es] ny fahalanian'ilay lalàna, ireo fikambanan'ny mpanao gazety sy ireo mpanohitra kosa dia nandray izany [es] ho toy ny "famehezana" ny fahalalahana haneho hevitra ao amin'ny firenena .
Mitokona Mitaky Fisondrotan-Karama Ny Oniversiten'I Venezoela
Namoaka filàzana ny Oniversite ao Venezoela fa manao fitokonana tsy mitsahatra ho fitakiana fampiakaran-karama. Araka izany, eo an-dalàm-panoratana azy ny tohin'ilay fifandirana ela, noho ilay tsy fitovian-kevitra nisy teo amin'ireo mpikambana ao amin'ny governemanta sy ny Oniversitem-panjakana taty anatin'ny volana vitsy.
Voaroaka Ny Ministra Ao Kazakh Nohon'ny Fanakianan'ny Mponina Anaty Aterineto Ilay Drafitra Fisotroan-dronono
Nahatonga fanehoan-kevitra tsy fahita firy teo amin'ireo olona efa eo an-dalàn'ny taonan'ny fisotroan-dronono ao Kazakhstan ilay fanentanana haneho hevitra tao amin'ny Facebook, niompana tamin'ilay fikasan'ny governemanta hanova ny lalàna mikasika ny fisotroan-dronono izay tsy nakany ny hevitry ny mponina akory. Niongana ilay Minisitry ny Raharaha Sosialy ao amin'ny Repoblika taorian'ilay hadisoana nataony imasom-bahoaka izay naha-afa-baraka azy tokoa, raha toa ilay lehilahy matanjak'i Kazakhstan, ny filoha Nursultan Nazarbayev, ka efa nanao sonia maro ho fanitsiana ilay tolo-dalàna.
Hakaton'i Inde Ny Tolotra Fandefasana Telegrama Nandritra Ny 160 Taona
Nanambara ny orinasam-pifandraisana miankina amin'ny fanjakana ao Inde, Bharat Sanchar Nigam Limited (BSNL) fa hanapaka ny tolotra fandefasany telegrama nandritra ny 160 taona manomboka ny 15 Jolay 2013 noho ny fitotonganan'ny fampiasana io tolotra io sy ny fatiantoka goavana eo aminy.
Bénin : Tsy Ny Rehetra no Manaiky ny Bemidina Djakpata
Hatramin'ny nanokafan'ny minisitry ny filaminam-bahoaka sy ny fivavahana ny Bemidina Djakpata no mikendry ny hanenjika ny jiolahy rehetra, izay mandika lalàna mety hanohintohina ny filaminan'ny vahoaka beninoà. Nefa betsaka ny tsy manaiky ity tetikasa ity tao anatin'ny andro vitsivitsy izay.
