Tantara mikasika ny Fahalalahàna miteny tamin'ny Desambra, 2012
Maoritania: Fahatsiarovana Ny Famonoana Ny Miaramila Mainty tao Inal
Tokony ho androm-pifaliana ho an'ny Maoritaniana ny andron'ny 28 Novambra satria io no manamarika ny fahaleovantenany nisintaka tamin'i Frantsa. Saingy, mampitamberina tsiaro mampalahelo nandatsahan-drà [en] ihany koa io andro io rehefa mampahatsiahy azy ireo fa tamin'io andro io tamin'ny taona 1990, dia nisy fanadiovana ara-poko natao tao anatin'ny tafika maoritaniana.
Iran: Nofaranan'Ilay Mpisolovava Nogadraina Nasrin Sotoudeh ny Fitokonana Tsy Hihinan-kanina 49 Andro Taty aoriana
Feno hafaliana ny tontolom-bilaogy Iraniana rehefa voatatitra fa namarana ny fitokonana tsy hihinan-kanina ilay mpisolovava sady migadra noho ny fanehoan-kevitra Nasrin Sotoudeh [mg] 49 andro taty aoriana.
Lavin'ireo Mpikatroka Mafàna Fo Ilay Fanambarana Momba ny Zon'Olombelona Any Azia Atsimo Atsinanana
Fikambanana mpiaro zon'olombelona maherin'ny 50 avy any Azia Atsimo Atsinanana no namoaka fanambaràna iray manakiana ny fanabaribariana ilay Fanambaràna momba ny Zon'Olombelona novolavolain'ireo firenena folo ao anatin'ny Fikambanan'ireo Firenena Any Azia Atsimo Atsinanana. Nony navoaka ho fanta-bahoaka ilay fanambaràna tamin'ity volana ity, dia nolavin'ireo fikambanana mpiaro zon'olombelona any amin'ny faritra avy hatrany noho izy nambara ho miaty andàlana mandiso ny zo iraisana erantany amin'ny resaka fiarovana zon'olombelona
Mampiray An'i Hongria Ny Fanoherana Ny Fankahalàna Jiosy
Hongroà an'arivony no nijoro niray hina hanohitra ny fankahalàna Jiosy tamin'ny hetsika iray natao tao Budapest. Teny koa ireo mpanao politika avy amin'ny antoko eo aminy fitondràna sy ny mpanohitra. Nisokatra indray ny fifanakalozan-dresaky ny olona mikasika ny fiakaran'ny fanohanana azon'ny antoko farany havanana any Hongria - ary, raha hitarina, nampitambatra ny firenena Hongroà io
Kiobà: Votsotra i Rodiles Mpisolovava Ny Demaokrasia; Mbola Voatàna ilay Bilaogera Diversent
Antonio Rodiles, kaomisera avy amin'ny seha-pifanakalozan-kevitr'ireo manampahaizana miasa tena Estado de SATS [es], dia nafàhana tao Havana tamin'ny Alarobia teo taoran'ny niaretany famonjana nandritra ny telo herinandro. Ny 7 Novembre i Rodiles no navotsotra, niaraka taminà bilaogera maro hafa sy mpisolovava sivily tao amin'ilay nosy, ahitàna an'i Laritza Diversent, bilaogera fanta-bahoaka sy mpisolovava, mpanoratra ny bilaogy Jurisconsulto de Cuba [es] (Mpanolotsaina Momba ny Lalàna Kiobana). Tsy nisy vaovao mihitsy mikasika ny famotsorana an'i Diversent hatramin'ny 3 Desambra 2012.
Mexico: Tanaty Hetsi-panoherana Sy Korontana No Nianianan'i Enrique Peña Nieto Ho Filoham-Pirenena
Tamin'ny 1 Desambra 2012, tao anaty hetsi-panoherana sy korontana i Enrique Peña Nieto no nanao fianianana ho filohan'i Meksika. Nampiasa ny media sosilay ireo mpisera amin'ny aterineto mba hampahafantarana ny mikasika ireo fifandonana tamin'ny polisy.
Nampalemy Ireo Reformista Ve Ny Vaovao Momba Ny Harenan'ny Praiminisitra Sinoa?
Ny andro faran'ny Praiminisitra Sinoa Wen Jiabo tao am-pitondràna dia rakotra tsaho fa nampiasa ny heriny sy ireo fifandraisany akaiky ny fianakaviany mba hanangonan-karena ho azy manokana. Nahatonga ireo Sinoa mpampiasa aterineto hiresaka momba ny korontana anatiny misy ao amin'ny Antoko Kaominista koa izany tranga izany.
India: Fanolanana Ao Haryana Niteraka Diabe Ho Fanoherana Ny Herisetra
Tao anatin'ny volana vitsivitsy izay dia nanjary toy ny mahazatra ny naheno resaka fanolanana tao amin'ny fanjakana Indiana ao Haryana. Natao ny diabe naharitra sivy andro hanavatsavana tanàna sy tanandehibe any Haryana antsoina hoe Dalit Mahila Garima Yatra (Diabe ho amin'ny hambom-pom-behivavy Dalit) hihaonana amin'ny niharan'ny fanolanana, manampahefana ary ny fokonolona
Niverina Nandeha Indray ny Aterineto ao Siria
Niverina nandeha indray ny aterineto ao Siria - na farafaharatsiny amin'ny toerana sasatsasany, araka ny voalazan'ireo Siriana any ivelany, izay niezaka fatratra te-hifandray amin'ireo hava-tsy foy nandritra izay telo andro tsy nisian'ny fifandraisana sy aterineto izay.
Polisy Toniziana Nampiasa Basim-borona Nitifirana Mpanao Fihetsiketsehana
Manodidina ny 265 ireo olona naratra tamin'ny Alarobia nandritra ny andro faharoa nifandonan'ireo mpitandro ny filaminana sy ny mpanao fihetsiketsehana tao Siliana, Avaratra-Andrefan'i Tonizia. Nanomboka tamin'ny 27 Novambra ny fifandonana, raha nikarakara fitokonana faobe teny an-dalambe ireo mponina ao Siliana, faritra mahantra fadiranovana, mba hitaky ny fialan'ny governora ao an-toerana,...