Tantara mikasika ny Fanabeazana tamin'ny Jolay, 2010
Global: Teny Grika mankany amin'ny teny Anglisy, teny Sinoa mankany amin'ny teny Rosiana, ary teny Espaniola mankany amin'ny teny Masedoniana
Samy efa nandre ireo zava-mahatsikaiky mitranga isika rehefa lasa mampihomehy ny fandikana ireo fomba fitenin'ny teny iray avadika amin'ny teny hafa. Ny fandikana ireo teny sarotra ireo dia anisan'ireo fifaninanana lehibe indrindra ao anatin'ny fandikan-teny, na ho an'ny olombelona izany na ho an'ireo solosaina.Ny Wikidioms dia loharano amin'ny aterineto vaovao manampy ireo mpandika teny handresy izany olana izany. Niresaka tamin'ny mpamorona ity vohikala ity, Pavel Kats, sy tamin'ny iray amin'ireo mpanampy azy, Yasna Trandafilovska.
Slovakia: Ireo fitsangatsanganan-tsekoly Hongroazy
Mampifandray ny fihetsik'ireo Slovaky mponin'ny aterineto amin'ny lalàna Hongroa vaovao izay mety hitondra ireo ankizy mpianatra Hongroa any amin'ireo firenena mpiray vody rindrina any Hongrie teo aloha i Tibor Blazko .
Maraoka: Zazakely iray mpitoraka blaogy miarahaba an'izao tontolo izao
Nanomboka nanana blaogy i Salma teo amin'ny fahaenin-taonany mba ahafahany mifandray amin'ny namany sy ny fianakaviany.Tia manoratra tantara fohy sy mizara ny olana mahazo azy isan'andro any an-tsekoly amin'izao tontolo izao ity zaza Maraokana mpitoraka blaogy ity saingy eo imason'ny raiamandreniny avokoa izany.
Togo: Manararaotra ny fivoaran'ny teknolojia ireo vehivavy sy ireo tanora
Tamin'ny faha-17 Jona, nisokatra tany Ouagadougou, Burkina-Faso[fr] nyfihaonam-be panafrikana fahatelo mikasika ny fomba fampiasa tsara indrindra ny ICT [TIC amin'ny teny Frantsay; Teknolojian'ny Fampitambaovao sy ny Fifandraisana] any amin'ny tany miteny frantsay ao Afrika . Raha miompana kokoa amin'ireo ftetika hifehezana ny heloka bevava anaty Aterineto ny fihaonam-be, ireo tontolon'ny blaogy Togolezy kosa dia manararaotra sy miresaka ny tanjaky ny teknolojian'ny fampitam-baovao ho amin'ny fampandrosoana, indrindra fa ny vehivavy sy ny tanora
Kambodza: Mitotongana ve ny toe-tsain'ireo moanina
Tena niteraka resaka nanahirana mihitsy ny fandrenesana tao ho ao ny fitontongan'ny toe-tsain'ny moanina, hatramin'ny niantohan'ny Lalampanorenana ny Bodisma ho fivavaham-panjakana ary ny fahitana fa saika Bodista daholo ny ankamaroan'ny...
Philippines: Ny hevitry ny mpitoraka blaogy momba ny fanabeazana mikasika ny firaisana ara-nofo
Eo am-pampiharana ny fandaharam-pianaran'i Etazonia taloha izay naverina indray momba ny fanabeazana ara-pananahana ho an'ny ankizy sy ny tanora, eny amin'ny sekolim-panjakàna, ny Governemanta Filipiana amin'ity taom-pianarana ity na dia naneho fanoherana goavana an'io fandaharam-pianarana io aza ny Fiangonana Katôlika. Nanadihady mikasika izany ny mpitoraka blaogy.
Chili: Manomboka any Californie hatrany Chili eny ambony “biodiesel”
Niara-nitety tany nandritra ny enim-bolana i Maria Jose Calderon sy Carlos Herrera manombok any California, any Etazonia ka hatrany Chili, amin'ny fiara "biodiesel". Nitety an'i Amerika Atsimo izy ireo hijery ireo epetra raisin'ireo mponina hanampiana ny tontolo iainana, ary nandrakitra ireo zavatra hitany sy ny diany tamin'ny alalana horonantsary, saripika ary lahatsoratra blaogy.
Jordania: Vita avy any Israely
Ny fahitana ireo entana vita avy any Israely dia mbola miteraka hatairana manerana ireo firenena Arabo. Osama Al Romoh avy any Jordania dia mampiseho ny hatairany (Ar) rehefa nahalala fa manome akanjo famoahana voafono kitapo vita avy any Israely an'ireo mpianany ny Anjerimanotolo lehibe iray.
Malezia: Mihevitra ny hanafoana fanadinana roa ny Ministeran'ny Fanabeazana
Ny minisitry ny Fanabeazam-pirenena Maleziana, Muhyiddin Yassin, dia nilaza tsy ela akory izay ny mety hanafoanana andiam-panadianana roa voarakitra ao anatin'ny rafi-pampianarana amin'izao fotoana. Miady hevitra momba izay mety ho tombontsoan'ny mpianatra amin'ity fanavaozana ity ireo mpitoraka blaogy
