Tantara mikasika ny Toekarena sy Fandraharahàna tamin'ny Jona, 2013
Voasakana Tany Etazonia dia Nipoitra Tao Rosia Indray Ilay Lalàna SOPA
Niverina ny lalàna Amerikana "Stop Online Piracy Act" (Ajanony ny Fijirihana Anaty Aterneto) - ary efa hihatra afaka herinandro eo ho eo. Tsy ao Etazonia anefa ny SOPA no hivoaka, toerana izay nahitàna fihetsiketseham-bahoaka notontosain'ny fikambanan'ireo orinasa misahana ny aterineto, fikambanana Mpiaro ny Zon'olombelona, ary ireo mpampiasa aterneto mba hitsipahana ny lalàna tamin'ny volana Janoary 2012. Lalàna iray mamolavola sazy henjana ho an'ireo izay manitsakitsaka anaty Aterneto ny zon'ny mpamorona no eo an-dalam-panantanterahana ao Rosia.
Mandroso Ny Fahalalahan'ny Fanaovan-gazety Rosiana ny Lakozian'ny Kremlin
Novaya Gazeta, iray amin'ireo gazety mpanohitra antitra indrindra ao Rosia, dia nampiditra ny tompon'ilay trano fisakafoanana tena ankafizin'i Vladimir Putin, tanatina raharaha hafahafa mba handisoana ireo sehom-baovao maro mavesa-danja indrindra any amin'ny firenena. Araka ny nolazain'i Novaya, ny "Concord" an'i Prigozhin, orinasa mpikarakara sakafo mifandraika amin'ny Kremlin [ru] dia tafiditra anatina firaisana tsikombakomba avo lenta mba hanaparitahana vaovao tsy marina any amin'ireo gazety maro ao Rosia, miendrika dokambarotra, mba handresena lahatra ny vahoaka fa ahofa ilay vaovao.
Grenady Breziliana Hamelezana Tiorka
Ity lahatsoratra nosoratan'i Bruno Fonseca sy Natalia Viana, avy amin'i Agência Pública, ity dia nivoaka tamin'ny voalohany tamin'ny lohateny hoe “Bomba brasileira na pele turca” (grenady breziliana hamelezana ny Tiorka) , izy ity...
‘China Open Mic': Mijery Ny Fitombon'ny Dian-Tongotry Ny Fandrosoan'i Shina Ao Afrika
Ireo fisamborana sy famotsorana mpitrandraka volamena no zary lasa foto-dresaka voalohany ho an'ilay fifaneraserana ao amin'ny Google an'ny China Open Mic izay nokarakarain'ny China Open Mic ny Alahady 16 Jona 2013.China Open Mic (@ChinaOpenMic) dia vohikala misokatra malalaka mikendry ny hampahafantatra sy hanova ny fomba fisain'ny Shinoa rehetra eo anatrehan'ny fivoarana niomerikaao Shina.
Fitaovana Breziliana Hamoretana Ny Mpanao Fihetsiketsehana Any Amin'ny Firenena Arabo
Brezila sy Etazonia no tena mpanondrana fitaovam-piadiana mankany Torkia. Ao anaty lisitry firenena arabo ny mpanjifan'ny orinasa breziliana eo amin'ny fampitaovana ifehezana ny rotaka i Emirà Arabo Mitambatra. Milaza ny orinasa fa tsy nivarotra tamin'i Bahraïn.
Kroasia: Mampiasa Facebook Ny Filoha Josipovic Hanasana Ny Vondron'ny Mpamatsy Vola Ara-Teknolojia Informatika
Nampiasa ny Facebook ny Filoha Ivo Josipović mba hanasana ny vondrona mpamatsy vola amin'ny Teknolojia Informatika ho any Kroasia sy Eoropa Atsimo Atsinanana, hanehoana ihany koa hoe vonona ho amin'ny fihavaozana sy ny fampiroboroboana ny faritra. Tatitr'i Danica Radisic.
Brezila, Goavana Vaovao Eo Amin'ny Sehatry Ny Fiadiana Tsy Mahafaty
Mampanontany tena ny Fitsarana Breziliana ny fampiasana fitaovam-piadiana tondroina ho tsy mahafaty raha miezaka ny mampiroborobo ny fanondranana azy ireny ho any amin'ny firenena tahaka an'i Torkia na ny Emirà Arabo ny Firenena.
Fitadiavan-Daza Iraisampirenenan'i Rosia: Hitsifotra (Elefanta Fotsy) ?
Raha manohy ny politikany amin'ny fampiasana ny hetsika iraisampirenena i Putin hanehoana fa mendrika hanaovana fampiasam-bola i Rosia, ny mpandoa hetran'ny firenena kosa efa manomboka mahatsapa fa ry zareo ihany no handoa ny faktiora.
Fanampiana An-davitrisany Taorian'ny Horohorontany Tao Japana No Tsy Tonga Tany Amin'Ireo Tra-boina
Gazety lehibe iray ao Japana no namoaka fa yen an-davitrisany natokana ho amin'ny fanampiana ireo olona tra-boina tamin'ilay horohoron-tany mahery vaika izay nitarika ilay tsunami nahazo ny faritra Avatra atsinanan'i Japana ny taona 2011 no nampiasaina taminà tetikasa izay tsy nahazoan'ireo tra-boina ireo tombontsoa mihitsy. Nahatonga resabe teo amin'ireo mpampiasa tambajotra sosialy izany familiana làlana ny vola tokony ho an'ny fanarenana izany.
Raha Toa Ka Mizotra Mankany Amin'ny Vondrona Eoropeana i Kroasia, Miatrika Fisalasalana Kosa Ny Fientanam-po Any Amin'ny Balkana
Raha toa i Kroasia ka miomana ny hiditra amin'ny fomba ofisialy ao amin'ny Vondrona Eoropeana ny 01 Jolay ho avy izao, ary Serbia miandry ny hamoahana farany ny daty hanombohana ny resaka hidirany ao amin'ny Vondrona Eoropeana, dia toa mifanipaka be ihany ny hevitr'ireo mponina ao amin'ireo firenena roa ireo mikasika ny fidirana ao amin'ny Vondrona Eropeana.. Fanadihadihan'i Danica Radisic
