Tantara mikasika ny Hafanàm-po nomerika tamin'ny Jolay, 2012
Ekoatera: #LoxaEsMas, Tolo-kevitra Mitondra Fiovàna
#LoxaEsMas ("Ambony kokoa i Loja") dia hetsika iray izay mety hamorona làlana vaovao hitaterana ny olana any Loja, Ekoatera amin'ny fampiasana ny teknolojia ho toy ny fitaovana fototra. Io hetsika io ihany koa no mandrisika amin'ny fikaroham-bahaolana tsotra ho fanatsarana ny tanàna.
Afrika: Fankalazana Ny Maha-Olombelona Amin'ny Alalan'ny Sary Sy Lahatsary
Nanjary lasa niparitaka be ny lahatsoratra manazava sary 21 izay mamerina indray ny maha-olombelona. Indrisy anefa, tsy tao anatin'izy ireo ny Afrikana sy i Afrika. Nefa tsy ny fijoroana vavolombelona goavana amin'ny fisian'ny toe-panahy maha-olona avy amin'ny kaontinanta Afrikana akory no tsy misy. Ireto misy sary vitsy sy lahatsary izay maneho fa, 'Manana Fo ihany koa i Afrika'.
Espana: Nentin'ny Mpihady Arintany Mitokona Ho Ao Anaty Aterineto Ny Tolony
Mba hanomezana hery ny tolon-dry zareo, nampiasa ny tambajotra sosialy ireo Espaniola mpihady arintany manao fitokonana noho ny fanapahana ny famatsiam-bolan'ny sehatra misy azy ireo. Topazo maso ny fomba nataon'ny sasany tami'ireo mpiasa ka nitondran-dry zareo ny tolony ho ao amin'ny Facebook, Twitter, ary ny tranonkala manerantany.
Rosia: Tolotra Amin'ny Finday Hampifandraisana Ireo Mpandeha & Mpitondra Fiara
Tsy mampandany vola sy fotoana ny tolotranà finday anaty aterineto Yeehay! raha mikaroka sy mangataka fiarakaretsaka ianao, ary miteraka vokantsoa amin'ny tontolo iainan'ireo tànana Rosiana feno setroka amin'ny alalan'ny fampifandraisana ireo mpandeha sy mpitondra fiara izay mety tsy nifandray mihitsy raha tsy nisy izany.
Arabia Saodita: Bitsika Hahatsiarovana llay Mpanohitra Voafonja
Taorian'ny fanonganana ireo filoham-pirenena Toniziana sy Ejiptiana, niparitaka ny antson'olon-tsy fantatra hanaovana "Androm-pahatezerana" any Arabia Saodita ny 11 Martsa 2011. Ho valin'izany, nanaparitaka ireo mpitandro filaminana maro tany amin'ireo tanàn-dehibe ny governemanta mba hahazoana toky fa hijanona anaty aterineto fotsiny ihany ny hetsi-panoherana. Lehilahy iray, Khaled Al-Johani, no nanohitra ary voasambotra tamin'io andro ihany. Mivondrona ireo mpampiasa aterineto hanintonana ny saina amin'ny tranga mahazo azy.