Tantara mikasika ny Hafanàm-po nomerika tamin'ny Jona, 2011
Masedoana : niteraka fihetsiketsehana ny lazaina ho famonoan'ny polisy tovolahy iray
Olona azo refesina no nivory tao afovoan-tanànan'i Skopje ny alina lasa teo mba hanohitra ny fahafatesan'ny tovolahy iray izay nolazaina fa novonoin'ny polisy nandritra ny fankalazana ny fandresen'ny antoko politika eo amin'ny fitondrana tamin'ny fifidianana natao.
Okraina: Manivana Facebook?
Tetyana Bohdanova no mitatitra ny raharahan'i Mykola Sukhomlyn, mpamaham-bolongana Okrainian sady iray amin'ny mpisera Facebook malaza, izay nofaranana tamin'ny voalohany volana jona 2011 ny kaontiny.
Tanzania: Mpikambana ao amin'ny Parlemanta mi-Tweet ny Fisamborana azy
Zitto Kabwe, Tanzaniana mpikambana ao amin'ny Parlemanta avy amin'ny antoko mpanohitra Chadema no voasambotra tamin'ny4 Jona teo tao Tanzania afovoany raha vao vita kelikely ny famoriam-bahoaka nataony. Iray amin'ny andiam-pihetsiketsehana goavana nanerana ny firenena ny famoriam-bahoaka nataony izay nokarakain'ny Chadema hatramin'ny fanombohan'ity taona 2011 ity izay matetika ahiana hisiana herisetra avy amin'ny polisy....
Bilaogera Asongadina: Sabrina Sultana – Amin'ny Fony no Anoratany Bilaogy
Avy any Bangladesh i Sabrina Sultana no manoratra bilaogy ary tena tia manoratra tokoa. Iray amin'ireo bilaogera an-tapitrisany maneran-tany maneho ny heviny amin'ny fampiasàna ny aterineto izy. Nefa tsy tahaka ny rehetra akory i Sabrina; amin'ny fony tokoa no anoratany bilaogy.
Syria: Fahatapahan'ny Aterineto?
Mirongatra ao amin'ny Twitter ny filazana fa mety misy fahatapahana ankapobeny ny aterineto manerana an'i Syria androany (Zoma). Manohy ny fihetsiketsehana hatrany ny Syriana manohitra ny fitondran'i Al Assad sy ny habibiana ataony amin'ny Syriana. Natao ny fihetsiketsehana Zoma hanamelohana ny fanafihana natao tamin'ireo zaza Syriana. Ny sasany milaza ny...
Ejipta: V na hoe Virijiny sa tsia?
Taorian'ny fanamarinana ilay vaovao manafintohina momba ny fitsirihana ny maha-virijiny na tsia an'ireo vehivavy nanao hetsi-panoherana izay voatàna nandritra ny revolisiona Ejiptiana, hatezerana moa izany, tsy ireo vehivavy Ejiptiana ihany, fa hatramin'ny lehilahy izay tsy nety nino mihitsy fa hoe ireo niady ho an'ny fahamendrehana sy ny fahalalahana no hisetrasetrana amin'ny fomba mahamenatra tahaka izany.
Shina: Fiampangana voalohany ‘Jasmin’
Nivoaka androany ny didim-pitsarana voalohany ilay mpikatroka miaro ny zon'ny sarambambe ao Chengdu, Li Shuangde, 47 taona, taorian'ny fisamborana sy fitazonana azy matetika nandritra ity lohataona ity. Taorian'ny fitazomana azy nanomboka tamin'ny 23 martsa, nohelohina ho nanao hosoka “carte de crédit” i M. Li tamin'ny Alarobia teo ary voasazy higadra mandritra ny...
Ejipta: Manapaka ny Tsipika Mena; Mampiaka-peo Manohitra ny Tribonaly Miaramila
Volana vitsy lasa izay, ny fandehananao akaiky loatra ny Tranobe Fitsarana Miaramila ao amin'ny distrikan'i Nasr, ao Cairo, dia efa mety hitondra anao any am-ponja. Nefa ny 31 May teo, sehatra nanaovana fihetsiketsehana ho fanehoana firaisankina amin'ilay mpanolotra fandaharana ao amin'ny OnTv, Reem Maged, sy ilay mafàna fo amin'ny resaka sosialy sady bialogera Hossam El Hamalawy, ary ilay mpanao gazety Nabil Sharaf El Din ny teo amin'ny manodidina an'ilay faritra.
