Tantara mikasika ny Hafanàm-po nomerika tamin'ny Novambra, 2011
Kioba: Mpiaro Ny Habaka Maitso Eny An-tanàn-dehibe
Tamin'ny Desambra 2006 dia notapahana ny hazo be iray efa anjato taonany antsoina hoe Ceiba, na Kapoaka, tao San Agustín mpifanolo-bodirindrina amin'ny Havana, renivohitra Kiobana. Ity tranga nampalahelo ity dia nanosika ireo tanora Kiobana hanangana ny El Guardabosques (Ny Mpiambina ny Ala na Forest Ranger).
Ejipta: Sambory ny Sisa Tao Amin'ny Fitondrana Teo Aloha
Tamin'ny volana Aprily lasa teo, nandidy ny fandravana ny antoko politika nitondra ny firenena nandridra ny taona am-polony maro ny Fitsaràna Ejiptiana. Na izany aza dia mbola mijoro ireo mpikambana tao, ary nanolo-tena ho ao anatin'ny lisitr'ireo kandidà ho an'ny fifidianana parlemanta amin'ny volana Novambra. Jereo fa nifandray tànana ireo mpampiasa aterineto mba hampisehoana izany.
Timor Atsinanana: Fidirana An-tsehatra Amin'ny Famoronana Sy Ny Kolontsaina
Ilay mpanakanto David Palazón ao Barselona dia namarana ny asany amin'ny maha mpanakanto azy tao Timor Atsinanana, kanefa toy ny karazana fiatoana ihany izany. Ankehitriny izy dia mandray anjara amin'ny tetikasam-pikarohana momba ny kolontsaina timaore, ary manantena ny hanokatra sekoly manokana ho an'ny orinasam-pamoronana, mba hanetsehana ny lafiny arak'asa momba ny toekarena tsy miankina amin'ny solitany; ny orinasa madinika sy ny fizahantany.
Korea Atsimo : Tsy Nampihemotra Ireo Mpifidy Ny Fampitandremana Natao Tamin'ireo Mpanentana Ao Amin'ny Twitter
Ny Renivohitr'i Korea Atsimo, Seola, ny 26 oktobra 2011 dia nifidy ny ben'ny tanànany vaovao. Ny fiadiana ny toerana maha ben'ny tanàna dia tena ady goavana be teo amin'ilay vehivavy mpilatsaka ho fidiana avy amin'ny antokon'ny fitondrana sy ilay tsy mbola fantatra loatra izay avy amin'ny antoko demokratika. Na dia eo aza ny fampitandremana avy amin'ny manam-pahefana amin'ny fanehoana fiangàrana amin'ny kandidà iray, ireo mpampiasa Twitter anefa dia haingana dia haingana amin'ny fandrisihana ny olona rehetra tsy an-kanavaka hifidy.
Tonizia: Niverina Tao Amin'ny Facebook Hitsikera ny Islamista ny Mpiserasera
Nanjary lohahevitra mafana ny resaka mikasika ny herin'ny hetsika Islamika hatramin'ny nanombohan'ny Lohataona Arabo tao Tonizia ny volana desambra farany teo. Niteraka adihevitra marobe ihany koa ny Salafista tao anatin'izay volana vitsivitsy taorian'ny revolisiona Tonizia izay. Araka ny tati-baovao, nanafika ny iray tamin'ireo toeram-pilalaovana sarimihetsika izy ireo noho ny fampisehoana sarimihetsika...
Ejipta: Tokony Hisarom-boaly Koa Ny Lehilahy!
Niaraka tamin'ny fitroaran'ireo Islamista talohan'ny revolisiona, nitombo ny tahotra ny hisian'ny faneriterena ara-pinoana teny anivon'ny tanora, ireo vitsy an'isa ary ny vehivavy. Vondrona Facebook iray mandrisika ny lehilahy hitafy Hijab na voaly, ho fanehoana firaisankina amin'ny vehivavy no vao avy nandom-baravarana. Ireto misy fanehoan-kevitra vitsivitsy avy amin'ny fandraisan'andraikitr'ireo Ejiptiana sy Toniziana mpampiasa aterineto.
Tonizia: Fenointsika Ny Valantserasera!
Nisesisesy ny lahatsoratra nameno ny valantserasera maneran-tany raha nanapa-kevitra hibosesika ao amin'ny Facebook sy Twitter ny mpiserasera Toniziana amin'ny fanehoan-kevitra ataony. Nanomboka izany rehetra izany ilay mpiserasera naneho firaisankina sy fanohanana ny hetsika “Bodoy Wall Street” tao Amerika tamin'ny alalan'ny fandefasana hirahira sy hafatra tao amin'ny pejy Facebook ofisialin'ny Filohan'i Etazonia...
Kolombia: Mitohy Mitokona Ireo Anjerimanontolo Ho Fanoherana Ny Lalàna 30
Mbola mitohy mitokona ireo Kolombiana mpianatra avy amin'ny anjerimanontolo ho fanoherana ny fanavaozana ny Lalàna 30. Miteny ry zareo fa ilay fanavaozana dia hampanjary ho tsy miankina ireo anjerimanontolom-panjakana, ary manindry fa tsy hiverina an-dakilasy mihitsy raha tsy voasintona eny amin'ny Kaongresy ilay tolo-dalàna.
Ejypta: Mpitoraka Bilaogy Alaa Abd El Fattah Notazomina 15 Andro
Notazomina nandritra ny 15 andro ilay mpitoraka bilaogy mafana fo, Alaa Abd El Fattah, taorian'ny fandavany ny fanadihadiana tokony ataon'ny mpampanoa lalàna miaramila taminy, nolaviny izany fanadihadiana noho ny tsy maha ara-dalàna azy. Tonga tao amin'ny mpampanoa lalàna miaramila izy, niaraka tamina mpiserasera iray Bahaa Saber, nitangorona tao ivelany avokoa ireo...
Meksika: Miadihevitra Momba Ny Famerenana ny Fifidianana
Tao anatin'ny herinandro, niadihevitra momba ny fanavaozana politika ny Antenimieram-pirenena, izay araka ny hevitr'ireo mankatò izany fepetra izany, fa hanova ny fitsipika momba ny fanaovana politika Meksikana ary hampisy fifandanjam-pahefana bebe kokoa hanome vahana ny olom-pirenena. Tamin'ny 25 Oktobra 2011, taorian'ny fandalovan'izany tao amin'ny vaomieran'ny Antenimierampirenana Iray, dia niadian-kevitra tanteraka ny...
