Tantara mikasika ny Hafanàm-po nomerika tamin'ny Septambra, 2011
Danemarka : Farany, Niantso Fifidianana Ny Praiminisitra
Androany(26 Aout 2011), nanala ny fitaintainan'ny Danoa ihany ny Praiminisitra Danoa Lars Løkke Rasmussen nony farany, tamin'ny fiantsoana fifidianana parlemantera : ny andro lehibe dia afaka telo herinandro, ny 15 septambra. Maria Grabowski no manolo-tena mitatitra indroa amin'ny aterineto ny nateraky ny fiandrasana ela ny fanambaràn'ny PM.
Filipina: Fiainam-pitiavana “Aotra”-n'ny Filoha
Ny Filohan'i Filipina Noynoy Aquinon, mpitovo, nampitaha ny fiainany ara-pitiavana amin'ny zava-pisotro malefaka nandritra ny fitsidihany ofisialy mandritra ny 5 andro tany Shina, tsy niteraka fihomehezana ihany izany fa niteraka tsikera an-tserasera ihany koa. “May nagtanong ho kasi sa akin, sabi niya, ‘kamusta love life mo?’ Eh ang sabi ko...
Zambia: Ampiasaina Tsara ny Valantserasera Hanaraha-maso ny Fifidianana 20 Septambra
Natsangana hampiasana ny herin'ny valan-tserasera ny Bantu Watch, vohikala natsangan'ny fiaraha-monim-pirenena entina hanaraha-maso ny fifidianana hototosaina ao Zambia amin'ity 20 septambra ity. Natsangana avy amin'ny sehatra Ushahidi ny Bantu Watch handrisihana ny mpifidy sy ny antoko mandray anjara hitatitra izay mety ho fisiana tranga-na herisetra mandritra ny fotyoam-pifidianana, na kabarim-pankahalana,...
Iran: Taosary Fanoherana Mba Hamonjena ny Farihy Urmia
Nidina an-dalambe indray ireo mpanohitra ny Alatsinainy teo tany Ardabil, any amin'ny faritr'Azarbaijan any Iran, ho fangatahana ny fanavotan'ny governemanta Iraniana ny Farihin'i Urmia. Mitatitra i Fred Petrossian.
Bangladesh : Ny Adihevitra Momba Ny Sata Ao Amin'ny Facebook
Facebook dia manomboka ho filazam-baovao ara-tsosialy fanta-daza ao Bangladesh toy ny any amin'izao tontolo izao, kanefa ny satanao ao amin'ny Facebook dia mety hitera-doza ihany indraindray. Nisy ny fanapahan-kevitra noraisin'ny fitsarana nampiharina tamin'ilay mpampianatra mipetraka any ivelany, izany no vokatry ny sata napetrany tao amin'ny Facebook.
Ejypta : Libane, Bilaogera Sady Mafana Fo Voasakana Tsy Hiditra Ary Nalefa Niverina
Ilay Libane bilaogera, Imad Bazzi, nahazo ny lokan'ny bilaogera mendrika dia tsy navela hiditra ao Ejypta, notazonina ary natao famotorana tao amin'ny seranam-piaramanidina avy eo nalefa niverina tany Libanona tamin'ny sidina manaraka nankany Beirut. Tarek Amr dia nikaroka fanehoan-kevitra tamin'ilay fitsarana an'i Bazzi.
Iran: Vehivavy Iray Mpitoraka Bilaogy Voakaravasy in-50
Ireto ireo teny nosoratan'ilay Iraniana mpitoraka bilaogy Somayeh Tohidloo[fa] tanatin'ny bilaoginy taorian'ny nikaravasiana azy in-50 tany amin'ny fonjan'i Evin ny 14 Septambra 2011: Mifalia, satria raha ny hanala baraka ahy no tanjonareo, ambarako fa mararin'izany famerezan-jo izany ny tenako iray manontolo
Maraoka: Mitatra Ny Fisamborana Ireo Mafàna Fo
Tampotampoka teo dia nitatra ny fisamborana ireo mafàna fo mpomba ny demaokrasia sy ireo mpanentana anaty aterineto tao Maraoka, tato anatin'ny andro vitsy. Tamin'ny herinandro lasa fotsiny dia efa nisy telo. Zara raha miteny momba izany ny mpampahalala vaovao ary dia nandray an-tànana ny fitaterana ireny fisamborana ireny ireo bilaogera izay vao taitra ny fampahalalam-baovao nentin-drazana tao Maraoka handray ny tantara.
Makedonia : Mbola Tsy Miraharaha Ny Fangatahan'ireo mpanao Fihetsiketsehana Ny Manampahefana
Ny rantsana mpanao lalàna sy mpanantanteraka ao amin'ny governemantan'i Makedonia dia mbola manohy tsy miraharaha ny fangatahan'ireo mpanao fihetsiketsehana manohitra ny herisetran'ny mpitandro filaminana, ireo olona nandray anjara tamin'ilay hetsika nandritra ny telo volana dia nangataka ny mba hitohizan'ilay hetsika.
Meksika: Hero Reports, Fampidirana An-tsarintany Ireo Hetsika Mahafinaritra
Ny Heroreports dia tetikasa tsy itadiavan-tombotsoa manokana naompana tamin'ny fanangonana vaovao avy eny ifotony sy fananganana sarintany itaterana ny risika sy ny fitondrantena mendriky ny olom-pirenena eny anivon'ny fiainam-piarahamonina eny. Nanomboka tao Ciudad Juárez, Meksika izy ity, toy ny hoe fandraisana andraikitra nataon'ny Foibe MIT ho an'ny Media-n'olon-tsotra antsoina hoe "Crónicas de Héroes"
