· Oktobra, 2010

Tantara mikasika ny Hafanàm-po nomerika tamin'ny Oktobra, 2010

Brezila: Mizotra ho amin'ny fihodinana faharoa ny fifidianana izay ho filoham-pirenena, miditra an-tsehatra ny media sosialy

  07 Oktobra 2010

Ny fiakarana tampoka tao anatin'ny minitra fohy azon'i Marina Silva, mpirotsaka avy amin'ny Antoko Maitso dia nitondra ny fifidianana izay ho filoham-pirenena Breziliana ho any amin'ny fihodinana faharoa [pt] miaraka amin'i Dilma Rousseff, ilay efa noeritreretin'ny maro ho mpandimby tsy misy ady hevitra an'i Luiz Inácio Lula da Silva, ary kely foana no tsy nahalasa azy[pt] ho ny vehivavy voalohany nitondra ny firenena.

Ekoatora: Fiampangana sy Fanombanana Taorian'ny Fihokoan'ny Polisy

  05 Oktobra 2010

Tombana sy fomba fijery mifangaro no nipongatra taorian'ny fihokoan'ny polisy eto Ekoatora, nampitaina teo noho eo tamin'ireo tambajotra sosialy. Nisy fanonganam-panjakana ve teto amin'ny firenena? Ny tontolon'ny fitorahana bilaogy dia mandalina ny resaka sivana, ny fanapariaham-baovao an-tery manerana ny firenena, ny fifanilihana andraikitra sy ny valim-panontaniana, "Inona izao no mitranga ankehitriny?" ao anatin'i Ekoatora tohina sy mihetsiketsika.

Rosia: “Tranonkalan'ny fahamarinana “

Ambara ho iray amin'ireo seha-pifaneraserana vitsy ara-demokratika ny aterineto Rosiana ao amin'ny fireneny ,indrindra amin'ny haino aman-jery Tandrefana . Na izany aza, tokony ho raisina tsara ihany ireto vaovao ireto, satria tsy mazava tokoa ny hoe hatraiza amin'ny fahalalahana amin'ny aterineto moa no tian'ny governemanta holeferina .