Tantara mikasika ny Mediam-bahoaka tamin'ny Marsa, 2013
Nesorina Tany Kenya Ny Dokambarotra Amin'ny TV Momba Ny Fimailo Taorian'ny Fitabataban'ny Mpino
Nesorina tanatin'ireo fantsom-pampitam-baovao ny fanambarana iray ho an'ny tombotsoam-bahoaka entina hampiroboroboana ny fampiasana fimailo hiadiana amin'ny fiparitahan'ny tsimokaretina VIH sy ireo aretina hafa any Kenya, taorian'ny niterahan'ity dokambarotra TV ity hatezerana teny anivon'ireo mpitarika ara-pinoana ao amin'ny firenena.
Fanamboarana Ireo Paompy Mitete Ho Fikajiana Ny Rano Any Inde
Mety ho nahazo mari-pankasitrahana noho ny asasorany sy ny asatanany ny mpanoratra sy mpanao sary hosodoko Aabid Surti, fa sady nametraka ny dian-tongony taminà sehatra iray hafa ihany koa izy: ny fitehirizana rano. Nandritra ireo fito taona lasa izay, nandany ny Alahadiny mitety ireo trano any Mumbai ilay lehilahy 77 taona, ary manamboatra maimaim-poana ireo paompy mitete
Myanmar: Fanentanana ‘Vonjeo ny Valantsika’
Miaro ny hevitra hoe mandindona ny fahasalamana izy ity, te-hamindra toerana ny valan-javaboahary Yangon izay marika namantarana ny tanàna hatramin'ny 1906 ny gevernemantan'i Myanmar. Manohitra ity sosokevitra ity ny vahoaka sy ny mponina amin'ny aterineto ary miahiahy izy ireo fa toa hitohy amin'ny fananganana hotely eo amin'ilay toerana aorian'ny famindrana izany.
Manako Any Afrika Ny Fametraham-pialàn'ny Papa
Niteraka fihetseham-po tamin'ny Firenena Afrikana mampiasa ny teny Frantsay, na tamin'ny haino aman-jery nentim-paharazana na tamin'ny tambajotra sosialy, ny fanambaran'ny Papa Benoà XVI mikasika ny faniriany hiala amin'ny asany nanomboka amin'ny 28 Febroary 2013. Ny fankasitrahana ny Papa miaraka amin'ny hetaheta mba hisian'ny mpitarika Afrikana sasany haka ohatra amin'ny nataony no tena fihetseham-po nibahana tao.
Nontsanin'ireo Nizeriana Tamin'ny Bitsika Tamin'ny Teny Yoruba Ny Twitter
Rakotra Yoruba, fiteny iray amin'ireo fiteny telo eo an-toerana be mpampiasa indrindra any Nizeria, ny Twitter, ny 1 Martsa 2013, raha nandrehitra ny tranonkalan'ny bilaogy kely tamin'ny bitsika amin'ny teny Yoruba ireo mpampiasa ity teny ity ho isan'ny fanentanana hankalazana ilay teny eo amin'ny haino aman-jery sosialy ary koa hamporisihina ny Twitter mba hampiditra azy ity ao amin'ny tetikasa fandikantenin'izy ireo.
Fatin-kisoa Anarivony No Hita Nitsingevana Teo Amin'ny Reniranon'i Shanghai
Nahangona fatin-kisoa 3.323 ny roa andro nanadiovana ny renirano Huangpu, izay manasasaka an'i Shanghai. Raha nanambara ny fanjakana fa matin'ny andro mangatsiaka ny kisoa fa tsy otrik'aretina akory, maro kosa ireo mponina amin'ny aterineto no tsy dia matoky ity fanambarana ity.
Filipina: Mpianatra Iray Namono Tena Rehefa Noterena Hanapaka Ny Fianarany Noho Ny Saram-pianarana Tsy Voaloa
Namono tena tamin'ny Zoma maraina lasa teo ny tovovavy iray 16 taona mpianatra tao amin'ny Anjerimanontolon'i Filippina, ao Manila taorian'ny nanakanan'ny mpitantana ny sekoly azy tsy hanatrika ny fampianarana intsony noho ny resaka saram-pianarana tsy voaloa. Nivatravatra manerana ireo vohikalan'ny tambajotra sosialy rehetra ny alahelo sy ny fiaraha-miory manodidina ny fahalasanany. Maro ihany koa ireo naneho ny hatezerany manoloana ny rafi-pampianarana diso atao resa-barotra loatra ao amin'ny firenena.
India : Fanambatambazan'i India Ny Vehivavy Amin'ny Tetibola Vaovao
Miakatra 10 isan-jato ny vola afantoka amin'ny fandaharan'asa momba ny vehivavy amin'ny tetibola vaovao 2013-2014 any India. Nefa milaza ny sasany amin' ireo vehivavy sy mponina fa tsy ampy sy tsy mahavita zavatra akory ny fanapahan-kevitra noraisin'ny governemanta.
Karaiba: “One Billion Rising” na “Iray Lavitrisa Mijoro”
Ny fanentanana "One Billion Rising" , noforonina ho setrin'ny antonan'isa izay milaza fa iray amin'ny vehivavy telo no niharan'ny herisetra na fanolanana nandritra ny androm-piainany, antso natao ho an'ire vehivavy rehetra manerantany handihy miaraka, hanoherana ny herisetra atao amin'ny tsy mitovy amin'ny tena, tamin'ny 14 Febroary. Vondrona samihafa nanerana an'i Karaiba no nandray anjara...
Ny Faritra Mando Lehibe Indrindra Arovana Erantany Napetrak'i Bolivia
Ao anatin'ny Fifanarahana Ramsar, nanendry faritra mando telo vaovao ny governemanta Boliviana ho isan'ny faritra arovana any ‘Llanos of Moxos’, faritra arovana izay manome ny haben'i Pays-Bas sy Belzika mitambatra. Midera ilay fanapahan-kevitra ireo mpikatroka mafàna fo sy fikambanana mpiaro tontolo iainana, no sady manentana ihany koa hiasàna mafy ho fiarovana ny Amazôna.