Tantara mikasika ny Vaovao Mafana tamin'ny Febroary, 2011
Yemen: Bala, Hiakan-taraina ary Anjomara (Lahatsary)
Tatitra vao tonga avy any Sanaa renivohitr'i Yemen no milaza fa raha kely indrindra dia mpianatra iray avy amin'ny anjerimanontolo no maty ary marobe no naratra tamin'ny fifandonana halina tamin'ny hery manohana ny governemanta.
Yemen: Manohy ny Dia, Mpanao Fihetsiketsehana Iray Indray Latsak'aina (Lahatsary)
Tanora iray no voatifitra sy maty tao Aden, Yemen tamin'ny Alatsinainy 21 Febroary raha nifamotoana taminà tanàna efatra samihafa ireo mpanao fihetsiketsehana analiny tamin'ny andro faha-11 nanaovana hetsika ho fandravàna ny telopolo taona mahery nanjakan'ny Filoha Ali Abdullah Saleh.
Libya: Fahafatesana mialoha ny Fahafahana (Lahatsary)
Ity lahatsoratra ity dia anisan'ny fitantarana manokana ataonay momba ny Fitroarana 2011 any Libya. Ao anatin'ny toe-draharaha mampidi-doza sady miova haingana dia haingana ao an-toerana – sy amin'ny alalan'ny serasera nomerika tsy dia tsara loatra – no anombohan'ny mponina any Libya mamoaka saripika sy lahatsarin'ny fitroarana manohitra an'i Muammar Al...
Libya: Sakano Ny Vonomoka Ataon'i Gaddafi
Anaty horohoro no hibanjinan'izao tontolo izao an'ireo tatitra mampivarahontsana avy any Libya. Nampiray feo ireo olona avy amin'ny lafy valon'ny tany mba hiantso fampitsaharana ny vono moka ataon'ilay mpitarika Libiana Muammar Al Gaddafi amin'ny vahoaka Libiana ireo vaovao nilaza fandarohana baomba an'i Tripoli avy eny an'habakabaka.
VAOVAO MAFANA Bahrain: Mihamafy ny fitifirana any amin'ny renivohitra
Nirotsaka tao amin'ny Twitter ireo tatitra mikasika ny fitifirana tany amin'ireo toerana samy hafa tany Manama renivohitra ny harivan'ny Zoma. Namaritra ny korontana fa miomana amin'ny fandatsahan-drà sy alahelo mihoatra noho izao i Bahrain.
Bahrain: Andron'ny Fahatezerana Faharoa
Tonga amin'ny andro faharoa izao ny fanoherana misarona fahatezerana any Bahrain. Mpanohitra roa no maty teo ampelatanan'ny mpitandro filaminana noho ny fampiasana hery tafahoatra. Ireto misy fihetseham-po sasany ao amin'ny Twitter tamin'io andro io
Bahrain: Olona iray no namoy ny ainy nandritra ny fanafihana nataon'ny mpitandro ny filaminana tamin'ny andro vao mangiran-dratsy
Efa notaterinay tetsy sy teroa ny fanafihana tamin'ny andro vao mangiran-dratsy izay nataon'ny mpitandro ny filaminan'i Bahrain an'ireo mpanohitra izay nitangorona tao amin'ny Rond-point Pearl tao Manama renivohitra nanomboka ny 14 February 2011. Ankehitriny dia fantatra fa olona iray no namoy ny ainy nandritra ny fifandonana.
Bahrain: Vaovao miely momba ny Fanaparitahana tao amin'ny Rond-point Pearl
Ity lahatsoratra ity dia iray amin'ireo tatitra manokana ataonay momba ny Hetsi-panoherana Bahrain 2011. Vavolombelona nanatri-maso sy tatitra maro samihafa avy ao amin'ny Twitter no misesika tonga mikasika ilay fanafihana niharo halozàna talohan'ny andro miposaka natao an'ireo mpanao fihetsiketsehana tao amin'ny rond-point Pearl tao Barhain. @Hisham_g mitatitra ny amin'ilay fanafihana...
Bahrain: Mipongatra ny Fanoherana Ao Amin'ny Hopitalin'i Salmaniya
Tonga hatrany amin'ny hopitalim-bahoaka lehibe indrindra eto amin'ny firenena ny sakoroka, taorian'ilay fanafihana niharo halozàna talohan'ny andro miposaka tamin'ny Alakamisy 17 Febroary natao an'ireo mpanao fihetsiketsehana tao amin'ny rond-point Lulu. Nanao hetsika ireo mpitsabo mba ho afaka manome fitsaboana maika ho an'ireo maratra ireo. Vakio raha te hahita ny zava-mitranga any.
Bahrain: Kaonty Mampivarahontsana Avy Amin'Ireo Nanatri-Maso ny ‘Vono olona’ Tao Pearl
Mitohy mipoitra ireo fitantarana mampihoron-koditra momba ilay fanafihana niharo halozàna talohan'ny andro miposaka tao amin'ny renivohitra Barhaini, ahitàna ireo mpanao fihetsiketsehana naparitaky ny mpitandro filaminana avy tao amin'ny rond-point Pearl, toerana nofinidin-dry zareo hitobiana mba hanindriana ny fitakiany, raha samy mbola miezaka hanakatra ny tena nahazo azy ireo ny vahoaka Barhaini sy izao tontolo izao.
