Tantara mikasika ny Zavakanto & Kolontsaina tamin'ny Oktobra, 2010
Però: Nahazo ny Loka Nobel Literatiora i Mario Vargas Llosa
Nifoha tao amin'ny antsoina hoe "Vaovaon'ny taona" ny Peroviana ny alakamisy 7 oktobra : Nahazo ny loka Nobel eo amin'ny literatiora avy amin'ny Akademia Soedoà i Mario Vargas Llosa . Nanapakevitra ny hanolotra ho an'i Vargas Llosa ny loka Nobel ny akademia noho ny "fipetrapetraky ny rafitry ny fahefana (nosoratany) sy ny endrika miharihary momba ny fiaretana mijoro, ny fikomiana ary ny faharesen'ny tsirairay."Ao amin'ny Twitter moa ny tenifototra #vargasllosa dia tsy mitsahatra ny voaresaka ary saiky naharitra 12 ora no naha-fironan-resaka voalohany manerantany ao amin'ny Twitter an'i "Mario Vargas Llosa"
Malezia: Mandràra boky iray maha-be resaka ny Ministeran'ny Raharaha Anatiny
Nandràra boky iray manakiana ireo mpitondra ambony ny governemanta Maleziana. Nanomboka teo dia navelan'ilay mpanoratra azy ho azo sintonina amin'ny aterineto ilay boky mba hahafahan'ny Maleziana rehetra mamaky ilay boky maha-be resaka. Tamin'ny alalan'ny bilaogy sy twitter dia nanapariaka ny fomba hahafahana mijery ilay boky koa ny mponin'ny aterineto.
Kaoety: Mihinàna, Mijere dia Mivavàha
Orinasa goavana mpamokatra sarimihetsika ao Kaoety no nanambara fa mikasa ny hametraka 10 mn ho fakàna aina amin'ny ora fiasany efa voafaritra isanandro mba hanomezana fotoana ireo mpino marobe hanaovan'izy ireny ny maghreb izay fotoam-bavaky ry zareo. Nifangaro be ihany ny fanehoan-kevitra tao amin'ny Twitter naterak'ilay fanambarana
Mozika: Rakikira mampiray ireo mpanakanto nahilika sy nosivanina
Listen to the Banned [Henoy ireo voasakana] dia rakikira mampivondrona ireo mpanao mozika izay nahilika, nosivanina na naiditra an-tranomaizina noho ny mozika ataony. Ahitàna ireo mpihira avy any Afghanistan, Cote D’Ivoire, Irana, Israely, Libanona, Pakistana, Palestina, Sodana, Tiorky, Uighurstan sy Zimbabwe.
