Tantara mikasika ny Rising Voices tamin'ny Oktobra, 2013
MOOC Marobe
Na aiza na aiza jerintsika dia ohatrany misy filazana hafa momba ny fianarana mahafinaritra ny MOOC. Ity misy fantina vitsivitsy mety tiantsika halaina...
Rakibolana Miteny avy any Micronesia
Ny Jolay 2013, nikarakara atrikasa famelomana ny teny ho an'ireo mafana fo momba ny teny an-dalam-pahaverezana manerana ny Micronesia ny Anjerimanontolon'ny Teny Velona, izay nifantoka tamin'ny fampiasana ny teknolojia sy ny famoronana ireo “Rakibolana Miteny” ho an'ireo teny rehetra nisy mpisolo tena.
Ekoatora: Mamoaka Toro-làlana Maimaim-poana Ho Anà Rindrambaikon'Onjam-peo Ny Radialistas
Vao haingana izay dia namoaka vondronà toro-làlana ao anaty aterineto momba ireo fotokevitra samihafa ny Radialistas ho fanampiana ny vahoaka hampiasa onjam-peo sy rindrambaiko misokatra hanapariahana vaovao mikasika ny vondrom-piarahamonin'izy ireo. Ho ampahany amin'ny vondron-dahatsoratra Conectándonos anay, miresaka momba ilay tetikasa ny mpitantana io vondrom-piarahamonina io, Clara Robayo.
Feo Vaovao Nandritra ny Blog Action Day 2013
Nandray anjara tanatin'ny Blog Action Day, hetsika eran-tany hanoratan'ireo mpitoraka bilaogy eran-tany lahatsoratra iray mikasika lohahevitra iray iombonana, ireo tetikasa (no)tohanan'ny Rising Voices, ny 16 Oktobra 2013. Nanampy tosika ireo mpitoraka bilaogy maro hafa ireo tetikasa ireo mba hizaràny ny fomba fijeriny ny Zon'olombelona ao Brezila, Nizeria ary Kôlômbia.
Manerana Izao Tontolo Izao Izahay! Sary Avy Any Amin'ireo Nahazo Famatsiam-bola Bitiky ny RV
Nirakitra ny tetikasan'izy ireo araka ny fivoarany ireo nahazo ny famatsia-bola bitiky ny Rising Voices eran-tany . Nisafidy sary vitsivitsy avy amin'ireo fijerena sary flickr, pejy Facebook ary vohikalan'izy ireo izahay, entinay mizara ny asa nataon'izy ireo nandritra ireo volana vitsy lasa.
Sarintany Iaraha-miasa Mba Hiraketana Ireo Nanjavona Tany Meksika
Namorona sarintany iray mirakitra ireo olona 27.000 nanjavona vokatry ny "ady amin'ny zava-mahadomelina" nataon'i Meksika ny vondron'olom-pirenena iray. Hatreto dia tranga 6.890 no efa voarakitra ao anatin'io sarintany io hatramin'ny nanombohana izany tetikasa izany tamin'ny Jolay 2013.
Famelomana Indray Ny Teny Powhatan
Rehefa misy ny tahirin-kevitra dia azo atao indray ny mamelona ny fiteny iray efa maty tanteraka.
Torolàlana Ho An'ireo Vao Hanomboka Hampiasa ny Wikimedia Commons
Mampiantrano failo media maherin'ny 18 tapitrisa izay azon'ny rehetra ampiasaina ny Wikimedia Commons. Io no toerana ahafahan'ireo mpampiasa manampy amin'ny fanaingoana ny Wikipedia sy ny tontolo manodidina azy ireo. Nefa araka ny hitan'ireo olona vaovao mandray anjara, mety ho fanamby ny fanakàrana ny tontolon'ireo zavatra azon'ny olon-drehetra ampiasaina sy mitondra fahalalana. Vao haingana izay dia namoaka boky kely iray vaovao manome torolàlana izy ireo ho fanampiana amin'ny fanamoràna ny fiaraha-miasa sy ny famatsiana votoaty.
Mamorona Rakibolan'ny Fitenenana Amin'ny Alalan'ny Tànana Ao Anaty Aterineto Ireo Aostraliana Zanatany
Ny Iltyem-Iltyem, izay midika hoe "miteny amin'ny alalan'ny tànana" amin'ny teny Anmatyerr, dia tetikasa tariham-behivavy manangona lahatsary an-jatony avy any amin'ireo vondrom-piarahamonin-janatany, manangona ireo fiteny amin'ny alalan'ny tànana izay efa nampiasaina nandritra ny taranaka maro mba hifaneraserana lavitra, rehefa miafina na misy olona hafa miteny.