Lahatsoratra notsongain-ny Rising Voices, tetikasa iray miaraka amin-ny Global Voices manampy manangana sy mampiroborobo ny fanapariahana vaovaon-olotsotra amin-ny toerana mbola tsy mahatakatra aterineto loatra. ·

RSS

Tantara mikasika ny Rising Voices tamin'ny Marsa, 2012

Iràka: Zaikabe Voalohany Niarahan'ireo Bilaogera Irakiana

  31 Marsa 2012

Ny zaikabe voalohan'ireo bilaogera Irakiana dia nanomboka ny 8-9 ny Febroary tao an-tanànan'i Sulaymaniyah. Ny Fampahalalam-baovao Sosialy Irakiana no nikarakara ity hetsika ity ary maherin'ny 70 ny bilaogera Irakiana manerana ny firenena no nanatrika. Nitondra fanantenana betsaka ity zaikabe ity ho an'ny firenena manana taham-pidirana aterineto ambany dia ambany sy ny mikasika ny fiarovana ny bilaogera.

Fifaninanana Lahatsary: “Everyday Digital Native” – Alefaso Ny Safidinao Dieny Izao

  31 Marsa 2012

Ireo mpitsara ny "Everyday Digital Native video contest" izay nokarakarain'ny Centre for Internet & Society (CIS), India, ary ny HIVOS dia nisafidy lahatsary miisa 12 tamin'ny fihodinana faharoa. Azonao atao ny mijery ireo lahatsary tafakatra tamin'ny dingana famaranana ary mifidy ny iray izay tena ankafizinao hatramin'ny 31 Martsa 2012. Ny lahatsary miisa dimy be mpifidy indrindra ihany no azo lazaina ho mpandresy amin'ny 1 Aprily 2012

Torolàlana Asongadina: Mamorona Pejy Facebook Mandona (Ar.)

  28 Marsa 2012

Ilay noresahana betsaka momba ny Lohataona Arabo tao Tonizia, Ejipta ary nanerana ny faritra Afovoany Atsinanana dia niankina betsaka tamin'ny Aterineto sy ny media sosialy toy ny Twitter, Facebook sy YouTube. Ny SMEX dia namoaka torolàlana vaovao amin'ny teny Arabo Mamorona Pejy Facebook Mandona (Teny Arabo): Torolàlana ho an'ireo Fikambanam-piarahamonina Sivily Arabo. Ilay torolàlana dia hanampy ihany koa ireo Arabo mafàna fo vaovao, ary hatramin'ireo mpikarakara efa manana traikefa miezaka ny hahazo tombony tsara amin'ny media sosialy

Greencore: Fanasongadinana Ny Feon'ireo Mongôla Momba Ny Fahasimban'ny Tontolo Iainana

  21 Marsa 2012

Ny Greencore.org dia ONG iray avy ao Mongolia izay nitarika ny fanadihadiana tao Matad ao Dornod Aimag teo anelanelan'ny Aprily ka hatramin'ny Oktobra 2011. Ity tetikasa ity dia nitaona ny olona tao an-toerana izay nandray anjara mba hameno ny CRC (Citizen Report Cards, Tatitra an-tSarintany avy amin'ny Olom-pirenena) misy fanontaniana miisa 13 momba ny heviny mikasika ny fahasimban'ny tontolo iainana ao amin'io faritra io. Zaraina voalohany indrindra ao amin'ny bilaogin'izy ireo ny tatitra izay natao tamin'ny fiteny Mongôla.

Ny Fihiràna Ny Hiram-pirenena Amin'ny Fiteniny Manokana

  14 Marsa 2012

Amin'ny lahatsoratra faharoa manasongadina ireo lahatsary avy amin'olom-pirenena mampiseho ny hiram-pirenena hiraina amin'ny teny zara raha fantatra na tsy be mpampiasa, tsikaritra fa any amin'ny firenena maro dia voararan'ny lalàna ny fihiràna ny hiram-pirenena amin'ny teny ankoatran'ny tenim-pirenena ofisialy. Na izany aza dia tsy voasakana ireo olon-tsotra hampiasa ny fampielezam-baovaon'olontsotra izany hihiràna ny hiram-pireneny amin'ny teniny manokana.

Ségou Villages : Mitady Fomba Ahafahana Miditra Aterineto

  13 Marsa 2012

Miely manerana ny lemaka maina ahitana Baobaba mitsitokotoko etsy sy ery ny tanàna ambanivohitr'i Ségou. Ity faritra ao Mali ity dia miavaka amin'ny fisian'ireo mponina tambanivohitra mivelona amin'ny karazam-pambolena, sy ny fiompiana ary ny kivarobarotra. Eo ho eo amin'ny adiny efatra miala ny renivohitra Bamako no misy ny faritra Ségou, ary...

IndigiTUBE: Fampahalalam-baovao Avy amin'ny Sy Ho An'ireo Vahoaka Vazimba Teratany Any Amin'ny Faritra Lavitr'Andriana Ao Aostralia

  06 Marsa 2012

Ireo vazimba teratany any amin'ireo faritra lavitr'andriana any Aostralia dia mitoetra hatrany ho ny vondrona faran'izay navela ho anjorom-bala eo amin'ny firenena ary miatrika fahantràna sy fanavakavahana isan'andro.IndigiTUBE dia vondrom-piarahamonina ety anaty aterineto ho fifampizaràna sy fidirana amin'ny fampahalalam-baovao natao sy ho an'ireo vazimba teratany any amin'ireo faritra lavitr'andriana ao Aostralia. IndigiTUBE dia sady ahitàna pejy fidirana aminà fampielezam-peo sy tolotra lahatsary averina ampitaina mivantana.

Tetikasa Tsy Azo Montsanina: Mampiasa ny Teny Fanararaotana Mba Hanentanana Sy Hanasitranana

  04 Marsa 2012

Grace Brown, mpianatra iray ao amin'ny Fianarana ambony ny Haikanto natao ho an'ny maso any New York, tohina tamin''ilay famaritana mampihorohoro ny fanararaotana ara-nofo avy amin'ilay niharany hany ka ny Oktobra lasa teo dia nanomboka tetikasa an-tsary antsoina hoe Project Unbreakable izy. Ny hevitr'i Grace amin'izany dia ny fampiasàna ny sary mba hanampiana ireo avotra tamin'ny fanararaotana ara-nofo amin'ny alalan'ny fangatahana azy ireo hitanisa ampahany tamin'ny fitenin'ilay mpanararaotra azy ireo amina peta-drindrina ka maka sary azy ireo mitana izany peta-drindrina izany.

Blogs4Aid: Fampielezan-kevitra Ho Fampiatoana ny Herisetra Mihatra Amin'ny Vehivavy Any India

  04 Marsa 2012

Hiatrehana ny fitombon'ny isan'ny herisetra mihatra amin'ny vehivavy any India, Shemeer Padinzjharedil (29), injeniera amin'ny fanangànana sy mpamorona rindrambaiko teo aloha, nanapa-kevitra ny hihetsika. Nanangana vohikala mipetraka any Ushahidi izy antsoina hoe www.maps4aid.com izay ahafahan'ny tsirairay mitatitra ny herisetra mihatra amin'ny vehivavy. Nanomboka fampielezan-kevitra iray vaovao ny Maps4aid, Blogs4Aid mba hanapariahana ireo tatitra nangon'ny Maps4Aid sy hampitombo ny fitandremana.

Congo In Focus: Mampahery Ireo Mpianatra Kongôley Amin'ny Alalan'ny Fanaovan-gazetim-Bahoaka Sy Ny Multimedia

  03 Marsa 2012

Anne Medley, mpaka saripika an-gazety sy mpaka lahatsary mipetraka any Etazonia ary ny Hetsika ho an'i Kongô dia namolavola tetikasa fampianarana fanaovan-gazety "multimedia" ho famporisihana ireo mpianatra Kongôley amin'ny fitantaràn'izy ireo ny tantarany ho amin'izao tontolo izao. Notaterahina tamin'ny 2010 io atrikasa io ary nasongadina tao anatin'ilay vohikala 'Congo In Focus" ireo zava-bita avy tamin'izany.