Lahatsoratra farany an'i nirinandrea tamin'ny Desambra, 2011
Tontolo Arabo : Misaotra Anao Mohamed Bouazizi! Misaotra Anao Sidi Bouzid!
Ireo mponina anaty aterineto manerana izao tontolo izao dia mankalaza ny fitsingerenan'ny taona voalohan'ny revolisiona Arabo, izay vokatry ny fandoroana tena nataon'ilay mpivarotra voankazo sy legioma Mohammed Bouazizi tao Sidi Bouzid, Tonizia. Ilay nanomboka ho fanoheranà olona iray noho ny hambmo-po dia nanaitra ny tontolo Arabo ary mihoatra noho izany ny afon'ny revolisiona, izay nahatonga fahatezerana ary tsy mety maty na dia teo aza ny ezaka nataon'ireo mpanao jadona sy ny mpanara-dia azy ireo
Rosia : Fandinihana Ny Mety Ho Hamafin'ny Korontana Amin'ny Hetsi-panoherana Ny Asabotsy Androm-pifidianana
Koa satria ny toe-draharahan'ny voka-pifidianana Rosiana sy ny momba ireo mpanao fihetsiketsehana voatazona manerana ny firenena dia mbola tsy voavaha, dia mponina avy amin'ny tanàna maro no niomana hanao fihetsiketsehana ny Asabotsy 10 Desambra 2011.. Alexey Sidorenko dia nandinika ny isan'ireo vondrona anaty aterineto sy ny mety ho fiantraikan'ireo hetsi-panoherana.
Rosia : Ny Fitroaran'ireo “Hamsters”-n'ny Aterineto
Ny ampitson'ny androm-pifidianana, ireo Rosiana dia nivondrona mba hikomy ho fanoherana ny hosoka tamin'ny fifidianana. Na dia ho very seza 77 aza ny Antoko Rosia Mitambatra (United Russia) oharina amin'ny Duma teo aloha, araka ny vokatra vonjimaika, ny ankamaroan'ireo mpikomy dia mihevitra ilay fifidianana ho sady tsy madio, no tsy malalaka.
Gresy : “Tsy Tombon-dahiny Ho An'ny Mpanankarena Irery Ny Fiterahana!”
Gazety iray no namoaka fa misy amin'ireo hopitalim-panjakana ao Gresy no nandà ny hikarakara ireo vehivavy mihetsi-jaza, satria tsy manam-bola handoavana ny saram-pitsaboana 950 euro ao amin'ny hopitaly izy ireo.Veroniki Krikoni no manao ny fanadihadiana.
Rosia : Androm-pifidianana Rakotry ny DDoS
Tonga ny androm-pifidianana ny parlemanta Rosiana. Ary miaraka amin'izany, ny fanafihana amin'ny DDoS sy ny hosoka. Fanadihadian'i Alexey Sidorenko
Rosia : Teny Farany Mialoha Ny Fahanginana Alohan'ny Fifidianana
Zoma 2 Desambra no andro farany maha-ara-dalàna ny fampielezan-kevitra. Nizara ny heviny momba ilay fifidianana ho avy ireo bilaogera - ary ny tetik'izy ireo ho amin'ny fifidianana. Alexey Sidorenko no nanao ny fanadihadiana
Etiopia : Adihevitra Mikasika Ny Fifanambadian'olo-mitovy Raha Mampiantrano Ny Fihaonambe Momba Ny SIDA Ny Renivohitra
Fivoriam-be Iraisam-pirenena iray momba ny SIDA sy ny Aretina Azo avy amin'ny Firaisana izay hatao ao Afrika no nahatonga resabe taorian'ny fivorian'ireo mpitondra fivavahana sy ireo manampahefana avy amin'ny governemanta ao Etiopia ny 29 Novambra 2011, ny amin'ny hoe ho raràna na tsia ny fivorian'ireo mafàna fo mpiaro ny zon'ireo "gays". Nifandrimbona ireo mponina tao amin'ny Facebook momba izany.
Ejipta : Fanondranana Ny Taovan'Ireo Mpifindra Monina Ao Sinai
Ny Vondrona Iraisam-pirenena Miaro ny Zon'olombelona, ao anatin'izay ny ao Israely, dia nanao fanambarana entitra fa ireo mpifindra monina Afrikana dia tazonina mba hakàna vola, ampijaliana, ary iharan'ny fanondranana ihany koa. Ny mahataitra indrindra dia ilay fanambarana fa ny famarotana taovan'olombelona dia miroborobo ihany koa.
Zambia : Nahatonga Resabe Ilay Fiara Raitra Vaovao An'ny Zanaky ny Filoha
Ny ampamoaka nataon'ilay Tale mpanantanteraka ny Komitim-bahoaka Gregory Chifire izay nilaza fa ny zanaky ny Filoha Mulenga Sata dia vao nahazo fiara roa lafo vidy dia nahatonga fanehoan-kevitra nifamahofaho be teo amin'ireo mponina Zambiana.
Brezila : Onitra Faratampony Taorian'ny Fahanginana Momba Ilay Fiparitahan-tsolika An-dranomasina An'ny Chevron
Ny 7 Novambra, ilay "plateforme" fitrandrahan-tsolika Frade, izay an'ny orinasa Amerikana mpandavaka Chevron-Texaco, dia nanomboka namery solitany mbola tsy voahodina. Roa volana taty aoriana dia inoana fa efa voafehy ilay fiparitahana solitany ary i Chevron dia nosaziana handoa ny onitra ambony indrindra izay nofaritan'ny Manampahefana Breziliana momba ny tontolo iainana. Kanefa tsy mazava tanteraka ny mikasika ny fahasarotana sy ny momba ny loza aterak'io amin'ny tontolo iainana.
