Lahatsoratra farany an'i nirinandrea tamin'ny Septambra, 2011
Makedonia : Mbola Tsy Miraharaha Ny Fangatahan'ireo mpanao Fihetsiketsehana Ny Manampahefana
Ny rantsana mpanao lalàna sy mpanantanteraka ao amin'ny governemantan'i Makedonia dia mbola manohy tsy miraharaha ny fangatahan'ireo mpanao fihetsiketsehana manohitra ny herisetran'ny mpitandro filaminana, ireo olona nandray anjara tamin'ilay hetsika nandritra ny telo volana dia nangataka ny mba hitohizan'ilay hetsika.
Kazakhstan: Nitory Ny Fiverimberenan'ny Sakana Atao Amin'ny LiveJournal Ireo Bilaogera
Ny 19 Aogositra, ny sehatra fitorahana bilaogy lehibe indrindra amin'ny teny Rosiana, Livejournal, dia voasakana tao Kazakhstan, herintaona latsaka taorian'ny namerenana nanokatra indray ny fahafahana miditra tao aminy tany amin'ny faran'ny taona 2010.
Guinea : Ny Adin'i Nadine Bari Ho Fampihenana Ny Fahantrana ao Guinea
Nadine Bari dia Frantsay iray nanangana fikambanana iray ho an'ny mpiara-belona isan'ny tranainy indrindra tao Guinea, Guinée-Solidarité na Firaisankinan'i Guinée. Tamin'ny alalan'ny fanampiana avy any Eropa dia nahavita namatsy fitaovana ireo sekoly, hopitaly, sy nanampy ireo tsy manan-kialofana, kamboty ary koa zaza manan-kilema mba hahazo fanabeazana.
India : Fipoahana Baomba Teo Ivelan'ny Fitsarana Avon'i Delhi, Nahafaty Olona Sivy
Farafahakeliny olona sivy no voalaza fa namoy ny ainy ary dimy amby efapolo no naratra tamin'ny fipoahan'ilay baomba teo ivelan'ny Fitsarana Avon'i Delhi aloha be io maraina io. Naneho hevitra tamim-pahatohinana sy tamin-katezerana tao amin'ny Twitter ireo mponin'ny aterineto. Fanadihadiana Aparna Ray
Ao anatin'ny Fonjan'i Kambodza
Miha ratsy hatrany ny fahateren"ny fonja miohatra amin'ny habetsahan'ny olona ao amin'y fonjan'i Kambodza, araka ny fanadihadihana iray navoakan'ny fikambanana mpiaro ny zon'olombelona. Nisy ny famoronana sarin-tany ahitana ny toerana be gadra indrindra. Etsy ankilany, bilaoginà voafonja iray no namoaka ny fiainan'ny gadra ao amin'ny fonjan'i Kambodza .
Rosia : Sigara Natao Ho An'ny Vehivavy Tanora Nahatonga Fifandirana
Dokambarotra iray vao tsy ela izay sy fonosana navaozin'ilay orinasa mpanao sigara isan'ny matanjaka ao Rosia no nahasosotra ny bilaogera Rosiana ka nahatonga adihevitra teo amin'ny andraikitra ara-barotra sy ny dokambarotra. Nanaraka akaiky ilay raharaha i Ashley Cleek .
Nifidy Filoha Vaovao i Singapore
Dr Tony Tan dia voafidy ho Filoha fahafito ao Singapore ny 27 volana Aogositra nefa ny elanelan'ny vato nandreseny dia salan'isa 7,269 fotsiny. Nahangona 35.19 isan-jato tamin'ny fitambaran'ny vato fotsiny izy kanefa dia ampy izany handresena ireo Kandida telo hafa tamin'ny fifidiana Filoham-pirenena voalohany tao Singapore tato anatin'ny 18 taona
Meksika : Manaraka ny Dian'i Javier Sicilia
Ny bilaogera Meksikana dia manoratra momba ny hafanam-pon'ilay mafàna fo Javier Sicilia sy ny Hetsika ho an'ny Fandriampahalemana Manara-dalàna sy Mendrika tarihany. Ny hetsika ataony sy ny fikambanana tantanany dia namoha hevitra mifanohitra izay ny zavatra itovizan'izy rehetra dia ny fanantenana fa hiova ho amin'ny tsara indrindra ho an'ny rehetra ny zava-misy ao Meksika.
Iran : Hetsi-Panoherana Miha mafana Ho Fanavotana ny Farihin'i Urmia
Niverina nameno ny lalam-ben'i Tabriz sy Urmit ao amin'ny faritanin'i Azerbaijan ao Iran indray ireo mpanao hetsi-panoherana an'arivony ny Sabotsy 27/ Aogositra 2011 teo hangataka ny governemanta Iraniana mba hiaro ny Renirano urmia izay efa miha-ritra
Libya: Bilaogera Eo Anelanelan'ny Jadona Sy Ny Ady
Efa ho enim-bolana izay no nanombohan'ilay fanoherana tao Libia. Ahoana no niainan'ireo Libiana ny sehatry ny bilaogy talohan'ny revolision'ny 17 Febroary ary ahoana ny fizotran'izany ny volana vitsivitsy farany teo? Fozia Mohamed dia nanara-maso akaiky ny tontolon'ny bilaogy hahafahany mizara izany amintsika.