Lahatsoratra farany an'i nirinandrea tamin'ny Desambra, 2011
Costa Rica : Sehatra Maro Mitsipaka Ny Vinan'ny Governemanta Momba Ny Hetra
Amin'izao fotoana izao, ny zava-dehibe ho an'ny governemanta ao Costa Rica dia ny hanekena ilay vina ara-ketra antsoina hoe "Solidaridad Tributaria"(Hetra faobe)(Solidaridad Tributaria) vina ara-ketra. Na dia izany aza, sehatra maro ao amin'ny fiarahamonina, antoko politika ary mpandraharaha maro no nanao fanambarana ny amin'ny fanoherany mafy io fanovana io.
Singapour : Nanao Fihetsiketsehana Mba Hiarovana Ireo Alika Mpirenireny Ireo Mpitia Biby
Ireo mpitia biby ao Singapore dia nanao fihetsiketsehana mba hiarovana ny ain'ireo alika mpirenireny ao Punggol, taorian'ny fampitambaran'izy ireo ny heriny mba hanangonana ireo alika mpirenireny, izay mety ho vonoina.
Chile : Raha Mpanampy Ianao, Avaho Ny Tenanao
Fanakavahana ara-tsokajy sa lalàna tsotra mifehy ny klioba tsy miankina iray? Ny fitsipiky ny kliobanà "golf" iray izay mandràra ireo mpanampy na mpitaiza zaza tsy hiditra anaty dobo filomanosana sy manery azy ireo hanao aron'akanjo mba hahafahana manavaka azy ireo dia nahatonga fanehoan-kevitra maro tao amin'ny tontolon'ny Cyber ao Chili.
Liberia : An'Iza Ny Hadisoana Tamin'ny Fifandonana Tao Monrovia ?
Ilay asa an-tselika krismasy novolavolain'i Filoha Ellen Johnson-Sirleaf mba hanomezana tombontsoa mpianatra eo amin'ny 3.000 eo dia nivadika ho herisetra sy famotehana tao Monrovia, renivohitr'i Liberia. An'iza ny fahadisoana ? Manontany ireo mponina anaty aterineto.
Mozambika : Ilay Bilaogera Tsy Voafehy Ao Amin'ny Facebook
Mozambika dia firenena vitsy bilaogera ngezalahy ary ankoatra izay dia kely amin'ny fitantaràna ny resaka fanehoan-kevitra mazava ao anaty aterineto malalaka. Miaraka amin'ny firoboroboan'ny Facebook (amin'ny alalan'ny finday), olona iray be herim- po no nivoaka avy tao amin'ity tontolo fotsy voahodidina manga ity.. Miaraka amin'ny fanadihadiany ara-politika mivantambatana sy ny tsikerany"Apóstolo da Desgraça" dia lasa loharanom-baovao, ary naharay fandrahonana
Shina: Fitroarana Tao Guangdong, Ao Haimen Ankehitriny
Hatramin'izay nametrahana ny tananàn'i Wukan ao amin'ny faritanin'i Guangdong eo ambany fanaraha-maso taorian'ny fanesorana ny Antoko sy ireo manampahefana tao amin'ny governemanta izay, dia farafahakeliny tanàna roa mifanakaiky no nanao hetsika manokana. Ny vao haingana indrindra izao dia ilay nitranga androany, izay voalaza fa nahitàna olona 30.000 nibahana sampanan-dalana iray be mpivezivezy .
Ejipta : Vehivavy # SCAF – Iza No Handresy ??
Androany izao tontolo izao dia nifoha niaraka tamin'ny fahitana fa nameno ny lohatenim-baovao indray i Ejipta miaraka aminà sarinà miaramila midaroka vehivavy misarom-boaly ary manao izay hanalàna ny akanjony. Nermeen Edrees dia namoaka ny fanehoan-kevitr'ireo mpiondana aterineto mikasika ny fomba nanaovan'ny Filan-kevitra Ambonin'ny Hery Mitam-piadiana ireo vehivavy ao Ejipta.
Bahrain : Mitohy ny #OccupyBudaiyaSt
Ireo mpanao hetsi-panoherana avy ao Bahrein dia manohy ny fikomiany andavan'andro na dia eo aza ny famoretana ataon'ny governemanta, governemanta izay milaza amin'izao tontolo izao fa manomana fanovàna ary tsy tafiditra amin'ny famonoana olona tsy manan-tsiny. Io fifanandrinana tsy dia nahery setra loatra tamin'ny mpanao hetsi-panoherana io dia namoizana ain'olona roa ary tsy tambo isaina ireo olona naratra nanomboka ny Alakamisy. Ireo mponina dia naneho hevitra tamin'ny fandrosoan'ilay vaovao tao amin'ny firenena, izay tsy dia hita avoakan'ny vaovao loatra ny revolisiona ao aminy.
Filipina : Anjatony Ny Maty Sy Nanjavona Tamin'ny Tondradrano
Ny isan'ireo niharan-doza dia mety ho mihoatra izany ary mety hahatratra hatramin'ny 600. Io no tondra-drano ratsy indrindra namely iny faritra avaratry ny Mindanao iny tao anatin'ny taona maro. Ireo mponina anaty aterineto dia nampiasa teo noho eo haingana ny vohikala mba hizarana ny mikasika ilay loza voajanahary ary nanao antso ho amin'ny fanohanana
Ejipta : Nirehitra Ny Kianja Tahrir
Ireo Polisy Miaramila dia nandrehitra ny kianja Tahrir tao Kairo ary nanery ankolaka ireo mpanao hetsi-panoherana izay nanao fihetsiketsehana ivelan'ny Lapan'ny Governemanta tamin'ny fankalazana ny fitsingerenan'ny taona voalohan'ny revolisiona Arabo, izay vokatry ny fandoroana tena nataon'i Mohammed Bouazizi tao Sidi Bouzid, Tonizia.