Lahatsoratra farany an'i Ornella tamin'ny Avrily, 2013
Gresy : Fahadisoam-panantenan'Ireo Tsy Misy Taratasy Ara-Dalàna Migadra
Naparitaka tao amin'ny Twitter ny tantaran'ny hadisoam-panantenana, rehefa avy nitsidika ny tobin'ny mpitandro filaminana any Drapetsona any Piraeus , toerana misy ireo mpifindra monina tsy nahazo alàlana maherin'ny 100 miaina amin'ny toerana tsy mendrika sy haizina ireo mpanao politika, mpanao gazety ary ireo mpikatroka mafàna fo mpanohitra ny fanavakavahana. Isan'ireo mpitsidika sy nitatitra izany i Maria Sidiropoulou, mpanoratra ao amin'ny GV.
VIDEO: Radiom-Bahoaka Any Ginea-Bisao Ho an'ny Vahoaka Fa Tsy Politika
Misy zavatra tsara ataon'ny radiom-bahoaka any Ginea-Bisao ankoatra ny fandefasana hirahira amin'ny onjam-peo, araka ny nolazain'ny fanadihadiana " Ny Feon'ny vahoaka". Radio izay namonjy ain'olona nandritra ny fihanaky ny valan'aretina kolerà, niady tamin'ny fitrandrahana ala tsy ara-dalàna, ary nanohitra ny fanavakavahana ara-taovam-pananahana, tamin'ny fampiraisana ireo vondrom-piaraha-monina misy ao an-toerana manodidina ny harenan'ny mozikan'i Ginea-Bisao.
Brezila : Miatrika Famaky Ny Hazo Tranainy
Nandrahona ny hihanika sy hipetraka eny ambonin'ireo hazo tranainy efa zato taona ny mponina ao Porto Alegre any atsimon'i Brezila mba hiarovana azy ireo tsy ho ravan'ny tetikasa fanitarana ho fanomanana ny fiadiana ny amboara eran-tany 2014.
Lesona Ho An'i Okraina Ny Fanatanjahantena Kroaty
Betsaka no tokony hianaran'i Okraina izay misy mponina 45 tapitrisa amin'i Kroasia, izay manana mponina mahery kelin'ny 4 tapitrisa raha resaka fikarakaràna hetsika ara-panatanjahantena ho an'ny ankizy no resahana.
Fikarohana Lalam-baovao Ho Fampihenana Ny Fahantrana
Ny zavatra tadiaviana dia ny vahaolana ho fampihenana ny fahantrana satria efa manakaiky ny 2015 fetra farany ho an'ny Tanjon'ny Taonarivo ho a'ny Fampandrosoana napetraky ny Firenena Mikambana na UN Millenium Development Goals (MDG). Vondrona maro no mitady làlam-baovao mba hahita valiny.
Fahatsiarovana ny Fahafolo Taonan'ny Ady Tany Iraka
Tamin'ny herinandro lasa teo no nanamarihana ny fahafolo taona nanambaran'ny fitondrana George W. Bush ny ady tany Iraka, ampahany amin'ny ady ataony amin'ny asa fampihorohorona. Naneho ny heviny ny mpiserasera amin'ny aterineto any Amerika.
Zimbaboe: Nosamborin'ny Mpitandro Filaminana Ny Sangany Amin'ny Mpiaro Ny Zon'Olombelona
Iray andro taorian'ny nankatoavan'ny Zimbaboeana an-tapitrisa ilay lalàm-panorenana vaovao izay hiafara amin'ny fifidianana filoham-pirenena sy solombavambahoaka atsy ho atsy amin'ity taona ity, dia voasambotra ilay mpiaro ny zon'olombelona malaza, Beatrice Mtetwa, rehefa nangataka taratasy fanamarinana tamin'ny mpitandro filaminana nikasa hisambotra ireo olona arovany.
Fanambaràna Ireo Tafakatra Amin'ny Dingana Famaranana Amin'ny Famatsiam-bola Kiritika 2013
Te hankasitraka ireo mpandray anjara an-jatony avy amin'ireo firenena maherin'ny 100 izay nanome soso-kevitra ho dinihina amin'ny Famatsiam-bola Kiritika 2013 ho fanentanana ny mponina amin'ny alàlan'ny haino aman-jery ny Rising Voices. Mahafaly anay ny manolotra ireto lisitra 74 tafakatra amin'ny dingana famaranana ary asaina mba handefa ny tetikasa farany ho dinihina. Ambara amin'ny tapaky ny volana Aprily ny mpandresy.
