Lahatsoratra farany an'i Miora tamin'ny Novambra, 2012
Herinandro Fitorahana Bilaogy Ao Maoritania Hanoherana Ny Fitrandrahana Harena An-kibon'ny Tany Ataon'ny Vahiny
Nanao hetsika fanentanana mitondra ny lohateny hoe "Fanoherana ny fitrandrahan’ireo orinasa vahiny ny harena an-kibon’ny tany" ny mpitoraka bilaogy Maoritaniana nandritry ny herinandro. Mizara amintsika ny lahatsoratra tanaty bilaogy sy ireo bitsika avy amin'io fanentanana io, izay mikendry ny anehoana ny voka-dratsy aterak'ireo orinasa ireo eo amin'ny sehatry ny toe-karena, tontolo iainana, maha-olombelona sy ny fahasalamana i Ahmed Ben Jedou.
Miaro Ny Aterineto Misokatra : Miray Hina Ireo Mafana Fon'ny Aterineto
Mandrindra ny fisoloana vava ho amin'ilay valan-dresaky ny International Telecommunication Union atao tsy ho ela ireo mpampiasa aterineto eran-tany, izay hanapahan-ireo mpikambana ao amin'ny fanjakana hevitra na tokony handrakotra ireo olana mikasika ny politikan'ny Aterineto—ireo antontan-taratasy mikasika ireo fifanekena izay tafavoaka aty ivelany, isan'izany ireo soso-kevitra amin'ny fampanarahan-dalàna eran-tany izay mety hametraka fetrany amin'ny tsiambarantelo anaty aterineto, ny fahalalahana miteny, ny fahahafahana hahazo fampahalalam-baovao sy ny ny fampiasàna ny ICT eran-tany— ny ITU. Fantaro ny fomba ahafahanao mandray anjara anatin'io ezaka io.
Rosia: Manintona Ireo Mpandray Anjara Any Amin'ny Faritra Ny Valan-dresaka Mikasika Ny Fitorahana Bilaogy
Nifamory tany amin'ilay valan-dresaka izay nokarakarainà masoivoho fanaovan-gazetim-panjakana tao Môskoa ireo mpitoraka bilaogy avy any amin'ny faritra,. Fanokafana nikendrena ny media vaovao fotsiny ve izany, sa ezaka hampiharana ny fanaraha-maso ny aterineto?
Fandaharan'ny TV Katalana Momba Ny Fahaleovantenan'i Katalonia Hiala Amin'i Espaina Miteraka Adihevitra Be
Vao haingana izay no nandefa fandaharana fampahalalam-baovao manokana antsoina hoe "Independence, step by step" ilay fahitalavitra Katalana, TV3. Niteraka adihevitra mafonja be izany anatinà fotoana mafana raha ny mikasika ny politika Katalana, tsy ela alohan'ny fifidianana izay raisina ho fahalavorariana amin'ny fahaleovantenan'i Katalona avy any Espaina.
Hong Kong: Miampanga Ny Youtube Noho Ny Famafàna Asa Nahazoan-dàlana Ny Vondrona Mpiahy Ny Asa Nadika
Namoaka fanambaràna iray ny Vondrona Mpiahy ny Asa Nadika any Hong Kong vao haingana izay, miampanga ny Youtube noho ny famafàny hira iray nadika nahazoana alàlana ho fahatsiarovana ireo niharam-boina tamin'ny filentehan'ny sambo farany teo.
Nanafika An'i Yemen Ireo ‘Drones’ Amerikana Andro Iray Taorian'ny Nandresen'i Obama
Tsy ampy 24 ora akory taorian'ny fahalanian'i Obama ho Filoham-pirenena, nivoaka ireo vaovao mikasika ny fanafihana vaovao indray nataonà 'drone' tany Yemen. Tany amin'ny vohitr'i al-Sarin any Sanhan no nitrangan'io fanafihana io ka namono an'i Adnan al-Qadhi, Rabeaa Lahib sy Radwan al-Hashdhi, ary nandratra hafa, isan'izany ny ankizilahy iray. Nefa, tsy mitovy amin'ireo teo aloha ity fanafihana ity satria latsaky ny 40km miala ny renivohitr'i Sanaa i Sanhan Sanaa ary tanindrazan'ilay filoham-pirenena teo aloha, Ali Abdulla Saleh. Mpampiasa aterineto Yemenita maro no taitra sy ontsa.
Ireo Mpitoraka Bitsika Politika Malaza Indrindra Any Afrika? Ndeha Hahitsy Ny Lisitry Ny The Guardian
Ny 30 Oktobra 2012, namoaka ny 'Africa's top tweeters: political pioneers in the digital debate' (Ireo Mpitoraka Bitsika malaza indrindra ao Afrika : ireo mpisava làlana politika ao anatin'ny adihevitra dizitaly) ny The Guardian. Haingana loatra tamin'ny fanaovana tsoakevitra ve i David Smith ao amin'ny The Guardian? Eny, izany no hevitr'ireo Afrikana Sub-Saharana mpitoraka bilaogy ao amin'ny Global Voices.
Goiana: Mampitroatra Ireo Mpisolovava Mpiaro Amin'ny Herisetra Ny Seho An-tsehatr'i Chris Brown Hatao Atsy Ho Atsy
Tamin'ny 2009, rehefa niely ny vaovao fa nidaroka an'i Rihanna, mpihira teratany Barbadiana manga feo ny olon-tiany tamin'izany fotoana, Chris Brown, dia tezitra ireo mpitoraka bilaogy tao Karaiba. Ny firesahana momba ny seho an-tsehatr'i Chris Brown any Georgetown hatao atsy ho atsy dia mahatonga ireo mpitoraka bilaogy hiresaka mikasika ny hafatra mampidi-doza entiny eo amin'ny herisetra atao amin'ny miralenta.
Fanarahan'ny Olom-pirenena Maso Ny Fifidianana Monisipaly ao Nikaragoà
Miomana hamporisika ireo Nikaragoana hampiasa ny teknolojia dizitaly hanaraha-maso sy hitaterana ny fifidianana monisipaly tanterahina ny 4 Novambra izao ny "Sehatra Mahaleotena Fanarahan'ny Olom-pirenena Maso Ny Fifidianana. Ho fanampin'ireo tatitra ao amin'ilay vohikala, mamporisika ireo mpampiasa aterineto ihany koa izy ireo hampiasa ny tenifototra #YoObservo (Manara-maso Aho) aloha sy mandritra ny andro fifidianana.
Inde: Nanakiana Mavesatra Ny Fanomezana Maripankasitrahana An’i V.S. Naipaul Ilay Mpanoratra Tantara An-tsehatra Girish Karnad
Gaga ny mpijery ny fetibe Tata Literature Live! izay natao tao Mumbai ny 02 Novambra rehefa tonga ny mpanoratra tantara an-tsehatra, mpilalao sady mpanatontosa, Girish Karnad ka niresaka an-katezerana mikasika ny fanomezana loka an’ilay tompon'ny Loka Nobel V.S. Naipaul.
