Lahatsoratra farany an'i Candy tamin'ny Marsa, 2012
Iràka: Zaikabe Voalohany Niarahan'ireo Bilaogera Irakiana
Ny zaikabe voalohan'ireo bilaogera Irakiana dia nanomboka ny 8-9 ny Febroary tao an-tanànan'i Sulaymaniyah. Ny Fampahalalam-baovao Sosialy Irakiana no nikarakara ity hetsika ity ary maherin'ny 70 ny bilaogera Irakiana manerana ny firenena no nanatrika. Nitondra fanantenana betsaka ity zaikabe ity ho an'ny firenena manana taham-pidirana aterineto ambany dia ambany sy ny mikasika ny fiarovana ny bilaogera.
Fifaninanana Lahatsary: “Everyday Digital Native” – Alefaso Ny Safidinao Dieny Izao
Ireo mpitsara ny "Everyday Digital Native video contest" izay nokarakarain'ny Centre for Internet & Society (CIS), India, ary ny HIVOS dia nisafidy lahatsary miisa 12 tamin'ny fihodinana faharoa. Azonao atao ny mijery ireo lahatsary tafakatra tamin'ny dingana famaranana ary mifidy ny iray izay tena ankafizinao hatramin'ny 31 Martsa 2012. Ny lahatsary miisa dimy be mpifidy indrindra ihany no azo lazaina ho mpandresy amin'ny 1 Aprily 2012
Bengladesh: Ny Dia Lavitra Natao Tamin'ny Fakanà Sary Niaraka Tamin'ny Bilaogera Fanta-daza GMB Akash
Ato amin'ity antontan-kevitra manaraka ity dia hampahafantarinay anao ny mpaka sary iray, GMB Akash, izay manana photoblog feno tantara mampalahelo, fijaliana, hafaliana sy fanantenan'ny olon-tsotra ao Bengladesh. Nanaitra ny sehatra iraisam-pirenena ny fanehoany an'i Bengladesh tamin'ny endriny maro
Greencore: Fanasongadinana Ny Feon'ireo Mongôla Momba Ny Fahasimban'ny Tontolo Iainana
Ny Greencore.org dia ONG iray avy ao Mongolia izay nitarika ny fanadihadiana tao Matad ao Dornod Aimag teo anelanelan'ny Aprily ka hatramin'ny Oktobra 2011. Ity tetikasa ity dia nitaona ny olona tao an-toerana izay nandray anjara mba hameno ny CRC (Citizen Report Cards, Tatitra an-tSarintany avy amin'ny Olom-pirenena) misy fanontaniana miisa 13 momba ny heviny mikasika ny fahasimban'ny tontolo iainana ao amin'io faritra io. Zaraina voalohany indrindra ao amin'ny bilaogin'izy ireo ny tatitra izay natao tamin'ny fiteny Mongôla.
Maraoka: Namono Tena Ilay Zaza Tsy Ampy Taona Noterena Hanambady Ny Lehilahy Nanolana Azy
Amina, vehivavy 16 taona avy any Larache any Avaratr'i Maraoka, noterena hanambady ilay nanolana azy, dia namono tena tamin'ny fisotroana poizim-boalavo tamin'ny Sabotsy lasa teo. Araka ny voalazan'ny al-Masa'a [Ar], Amina dia naolan'ny lehilahy zokony 10 taona, raha vao 15 taona monja izy. Ary mba hitandrovana ilay antsoina hoe "voninahitry ny fianakaviana", nokarakaraina ny fanambadian'i Amina ilay lehilahy. Nanohina fo maro ny tantaran'i Amina, ary nahatezitra ny Maraokana mpampiasa aterineto, izay nampiasa ny tenifototra Twitter #RIPAmina mba hisaonana an'ilay tovovavy.
Ny Fihiràna Ny Hiram-pirenena Amin'ny Fiteniny Manokana
Amin'ny lahatsoratra faharoa manasongadina ireo lahatsary avy amin'olom-pirenena mampiseho ny hiram-pirenena hiraina amin'ny teny zara raha fantatra na tsy be mpampiasa, tsikaritra fa any amin'ny firenena maro dia voararan'ny lalàna ny fihiràna ny hiram-pirenena amin'ny teny ankoatran'ny tenim-pirenena ofisialy. Na izany aza dia tsy voasakana ireo olon-tsotra hampiasa ny fampielezam-baovaon'olontsotra izany hihiràna ny hiram-pireneny amin'ny teniny manokana.
Rosia: Firaisana ara-nofo, Vehivavy, Putin ary ny Lahatsary
Toa nanjavona ireo tovovavy niantso sy nanentana mba hiboridana ho an'i Putin tamin'ny fahavaratra lasa teo. Koa satria efa hifarana ny fotoam-pifidianana any Rosia, ndeha asiana topi-maso kely ny fomba nivoaran'izany fihetsiketsehana izany, sy ny fomba nampirisihany ireo vehivavy hafa - na manohitra an'i Putin na momba azy - hanana saina mpamorona.
Korea Atsimo: Miala Amin'ny Asany Ireo Mpanao Gazety Maro Avy Amin'ny Fahitalavi-panjakàna Iray
Ireo mpanao gazetin'ny iray amin'ireo tambajotram-pahitalavitra ara-barotra lehibe indrindra any Korea Atsimo, ny Munhwa Broadcasting Corporation (MBC) dia mitokona mandritra ny fotoana tsy voafaritra efa nanomboka tamin'ny volana Janoary 2012, mitaky ny fahamarinana amin'ny fanaovan-gazety tsy misy ambadika politika. Tamin'ny 4 Martsa 2012, mpanao gazety 166 no nanambara fa hiala amin'ny asany [ko] ho mariky ny fanoherana.
Sina sy Hong Kong: Raikitra Ny Adin'ny Mpiray Sisintany Tao Anaty Fiarandàlamby
Mpandeha iray no nifamaly tamin'ny mpizaha tany Sinoa avy any amin'ny tanibe izay nihinan-kanina tao anaty fiarandalamby tao Hong Kong, Izany no adin'ny mpiray sisintany nisy farany teo amin'ny Sina sy Hong Kong, teo amin'ny fifaneraseran'i Beijing amin'ny Hong Kong.
Ny Vondrom-piarahamonina Eny Anivon'ny Aterineto Ao Costa Rica Dia Mirotsaka Hiady Amin'ny SOPA Sy Ny Sivana
Taorian'ny fitokonana virtoaly niadiana tamin'ny Stop Online Piracy Act (SOPA) tany Etazonia ary ny fikatonan'ny Megaupload nanaraka izay, izay tranokala fizaràna failo, ny vondrom-piarahamonina eny anivon'ny aterineto ao Costa Rica dia tsy mijanona teny ivelan'ny sehatry ny ady amin'ny fanivànana ny aterineto intsony.
