Lahatsoratra farany an'i Candy tamin'ny Oktobra, 2011
Meksika: Nosoniavin'ny Filoha Ilay Lalàna, Roa Taona Taorian'ny Haitrano Tao Amin'ny Toeram-pitaizana Zazakely ABC
Tamin'ny 5 Jona 2009, nisy toerana fitaizana zazakely antsoina hoe Guardería ABC kilan'ny afo ka zaza 49 no namoy ny ainy ary 76 no naratra. Nanao fanadihadiana lalina ny ray aman-drenin'ireo zaza ireo mba hitadiavana izay tena meloka ary hitondra izany eo anoloan'ny Fitsaràna; ankoatr'izay dia nanohana tolo-dalàna iray mba hampivoarana ireo toeram-pitaizana zazakely rehetra any amin'ny firenena. Nosoniavin'ny Filoha meksikana izany lalàna izany (#Ley5deJunio amin'ny Twitter) taorian'ny ezaka lehibe sy mendri-pideràna avy amin'ireo mafàna fo amin'ny aterineto any Meksika.
Ejipta: Raharaha Fampijaliana Iray Hafa Indray Taorian'ny Revolisiona
Mitombo ny hatezerana ay Ejipta rehefa maty (voalaza fa teo am-pelatanan'ireo polisy nisambotra azy) i Essam Atta, lehilahy 23 taona nogadraina nandritra ny roa taona taorian'ny fitsarana miaramila. Lilian Wagdy dia mamintina ireo fanehoan-kevitra tamin'ny fampielezam-baovaon'olon-tsotra momba izany vaovao izany.
Syria: Nanjavona Tany Damaskosy Ny Mpitoraka Blaogy Malaza Iray
Niala tao an-tranony tao Damaskosy ilay mpitoraka blaogy Siriana Hussein Ghrer tamin'ny Alatsinainy 24 Oktobra, ary tsy mbola niverina. Izy dia lehilahy 30 taona, manambady ary manan-janaka roa. Ny lahatsoratra farany indrindra ao amin'ny blaogin'i Ghrer dia mifantoka amin'ny fisamborana an'ilay mpitoraka blaogy Siriana Anas Maarawi (izay efa afaka amin'izao fotoana izao), momba ny fahalalahana any Siria.
Masedonia: Bitsika An-tapitrisany – Tononkalo Dika Sangisangy “Existentialist”
Ilay mpitoraka blaogy iskra_iskric dia tsy nihambahamba nanova hira rock faheno iray an'ny tarika Arhangel hifanaraka amin'ny zava-misy amin'ny virtoaly, ka namorona tononkalo [mk] vaovao tamin'ny bitsika.
Frantsa: Manokatra Ny “Fikambanan'ny Fanondro Manga” Ny Toniziana Any Am-pielezana
Mifarana izao ny telo andro natao hifidianana ho an'ireo Toniziana monina any ivelany ary nananganany "vondrona fanondro manga" any amin'ny tambajotra sosialy. Mampidera ny fanondrony miloko manga ireo Toniziana mpifidy tany Frantsa - porofo fa anatin'ny fikambanan'ireo mpifidy tany ampiandohan'ireo fifidianana ny "assemblée constituante" Toniziana manan-tantara ry zareo.
Espana: Ny Tolon'ny 15 Oktobra Sy Ny Tatitr'ireo Haino Aman-jery
Tena nahavory olona maro tokoa tany Espana ny fihetsiketsehana maneran-tany ny 15 Oktobra izay nitaky ny fampiharana ny tena demokrasia sy nanohitra ny kolikoly ataon'ireo orinasam-pitantanam-bola. Ato amin'ity lahatsoratra ity, aborakay ny fomba nitateran'ny sasany tamin'ireo haino aman-jery espaniola izany hetsika izany, sy ny adihevitra teo amin'ireo mpampiasa aterineto.
Tonizia: Andro fifidianana androany!
Mandia andro manan-tantara ireo Toniziana androany. Andro fifidianana izay handehanan-dry zareo any amin'ny birao fifidianana, hifidy "assemblée constituante" nasionaly, zay hisahana ny fanoratana lalàm-panorenana vaovao, sy ny famoronana governemanta vaovao. Indreto misy santionan-kevitra tamin'ny andro nialoha ny fifidianana.
Azia Atsimo: Fanehoan-kevitra Momba Ny Fiandohàna Vaovao Any Libia
Taorian'ny nahafatesan'i Muammar Gaddafi dia samy maneho ny heviny ny olona maneran-tany momba ny fanjakàny, ny fomba nahafatesany ary ny fiandohana vaovao antenain'i Libia. Nalaky koa ireo mpitoraka blaogy any Azia atsimo naneho ny heviny.
Etazonia: Miha-matanjaka Ny “Occupy Wall Street”
Fony izahay namoaka ny lahatsoratra voalohany tao amin'ny "Occupy Wall Street," zara raha nipoitra tamin'ny pejy voalohany tamin'ny gazety tany an-toerana izany. Ankehitriny, miaraka amin'ny mpanaraka an'aliny maro, nahasarika ny sain'ny haino aman-jery nasionaly sy maneran-tany ny Occupy Wall Street, ary nihitatra tamin'ny tanàn-dehibe an-jatony hafa tany Etazonia ny tolona.
Yemen: Azizah Abdo Othman, Vehivavy Voalohany Maritioran'i Yemen
Maherin'ny 30 ireo olona mpitolona manohitra ny fitondràna no maty tany Yemen tamin'ny Sabotsy sy omaly, anisan'izany ny vehivavy maritiora voalohany tany an-toerana Aziza Abdo, izay maty voatifitry ny mpitifitra nandritry ny tolona tany Taiz. Maneho hevitra manoloana izany loza izany ireo Yemenita mpampiasa aterineto.