Candy · Septambra, 2010

Lahatsoratra farany an'i Candy tamin'ny Septambra, 2010

Mpitantana vohikala manohitra ny sivana amin'ny aterineto, voasambotra tany Thailand

  28 Septambra 2010

Nosamborina androany tany amin'ny seranam-piaramanidin'i Bangkok ny mpitantana ny vohikalan'ny gazety tsy miankina iray any Thailand, noho ny fanompàna mpanjaka. Nangingiana ny haino aman-jery mahazatra tany an-toerana momba izany fa ireo mpampiasa twitter kosa namatsy torolàlana sy fanampim-baovao hanampiana ny fanohanana ny hetsika ho fangatahana ny famotsorana ilay mafana fo voasambotra.

Egipta: Mitohy ny resa-pady momba ny mpivarotena sy ny setrasetran-dehilahy

Rising Voices  25 Septambra 2010

Namoaka lahatsoratra maromaro momba ny lohahevitra fady eo amin'ny fiaraha-monina Egyptiana ny mpitoraka blaogy vaovao, ho an'ny tetikasa “Manadihady ny fady” any le Caire. Mahakasika ireo mpivarotena sy ny setrasetra ataon-dehilahy amin'ny vehivavy ny sasany amin'ny lahatsoratra. Vao haingana ny sasany tamin'ireo mpitoraka blaogy no nivoaka ny firenena ka nahafahan'izy...

I Paid A Bribe (Nandoa tsolotra aho): Ezaka any India

  19 Septambra 2010

“Nanao kolikoly? tsy nanao? tsy nanan-tsafidy? nihàrany? tezitra?" I Paid a Bribe dia mandrisika ny olom-pirenena any India hizara ireo zava-niainany momba ny kolikoly, ary mampiasa ireny tranga ireny mba hamantarana ireo sampana sy dingana tena ahitàna kolikoly ao anivon'ny firenena.

Fankalazàna ny Andron'ny Malaizia

  19 Septambra 2010

16 Septambra no andro nitambaran'ny Malaya miaraka amin'ny Sabah, Sarawak ary Singapore ho Malaizia. Na izany aza, tamin'ity taona ity vao lasa andro fialàntsasatra iombonana ny Andron'i Malaizia. Nafana ny Twitter niaraka tamin'ny tenifototra #harimalaysia.

Sina: Mendrika ny hahita masoandro mihiratra i Tian Xi

  11 Septambra 2010

I Tian Xi, 23 taona dia mararin'ny SIDA izay tratran'ny VIH tamin'ny taona 1996 rehefa nampiana rà tany amin'ny tobim-pitsaboana iray any amin'ny faritr'i Xincai, faritanin'i Henan. Noho ny fanaraha-maso ny filaminana, nosamborina izy ny 17 Aogositra ary nafindra tany amin'ny Tobim-pitazonana ireo voampanga tamin'ny 25 Aogositra.

Oman: fandraràna ny VPN tsy ho ela

GV Mpisolovava  08 Septambra 2010

Tamin'ny trangana sivana aterineto farany tany Oman, ny Fahefàna Mpanara-maso ny Fifandraisan-davitra any Oman dia nanambara ireo tetik'asany handràra tanteraka ny fampiasàna ireo Tambazotra Virtoaly Mitokana (VPN) ary hitaky ireo orinasa haka ny fahazoan-dàlan'ny Fahefàna Mpanara-maso ny Fifandraisan-davitra izay vao afaka mampiasa izany. Mbola tsy mihatra ilay lalàna vaovao ary...

Barbados: Olona enina voaroba; navela ho faty tanaty afo

  07 Septambra 2010

Mbola tankina ny Barbados anio noho izy miady amin'ny zava-misy antsoin'ny haino aman-jery any an-toerana hoe "tranga nivoaka mivantana avy any anatin'ny tantara mitohy mampitaintaina CSI", fa hay afaka mitranga any amin'ilay nosy feno fandriam-pahalemana koa izany. Toa nanomboka tamin'ny halatra, dia niafara tamin'ny vono olona noho ireo olona noahiahiana nandrehitra afo tamin'ilay tranobe mialoha ny nitsoahan-dry ireo, ka namela ireo tra-doza voafandrika tao anatiny.

Mozambika: Herisetra, hatezerana any Maputo

  06 Septambra 2010

Raha tonga ny alina amin'ny andro faharoan'ny korontana feno herisetra, mbola mitoetra ny fisalasalàna any Maputo. Mbola miketrika mafy mandevina sy mandalina ireo fototr'ireo korontana ireo mpitoraka blaogy, izay natosiky ny fiakaran'ny vidim-piainana. Zavatra iray no azo antoka: niteraka fanontaniana lalina momba ny toerana misy ny firenena ara-politika, sosialy ary toe-karena izany.