Lahatsoratra farany an'i Candy tamin'ny Aogositra, 2010
Pakistana: Ezaka fanampiana – Tatitra avy any an-toerana
Indraindray, mila traik'efa betsaka vao afaka mahatsapa ny tena mampalahelo amin'izao zava-mitranga izao. Ato amin'ity lahatsoratra ity izahay mizara tatitra sasany avy amin'ny mpanoratry ny Global Voices Salman Latif any Multan izay vao tsy ela no tany amin'ny faritr'i Muzaffargarh sy Mehmood Kot any Pakistan mba hizara fanampiana ho an'ireo tra-boina.
Chili: Mbola velona ireo mpitrandraka 33 tafahitsoka
Mpitrandraka 33 tafahitsoka ao amina fitrandrahana varahina sy volamena nirodana any Chili avaratra no nanamafy tamin'ny alalan'ny hafatra fa velona avokoa izy rehetra ao amin'ny fialofana, sady mihamafy ireo fikarohana sy ezaka fanavotana raha saika very ny fanantenana ny hahita azy ireo velona. Ilay hafatra dia tafiakatra taty ivelany tao anaty harona nifatotra tamin'ny iray tamin'ireo fandavahana izay nampiasaina hahafantarana izay tena misy azy ireo, 700 metatra ambany tany.
Etazonia: Miblaogy momba ny fandaharam-pianarana “Asa sy Fitetezam-paritra” ireo mpianatra miteny Rosiana
Isaky ny faharavatra, an'arivony ireo mpianatry ny kolejy avy any Rosia, Ukraine ary ireo firenena hafa Soviety taloha no tonga any Etazonia mba handray anjara amin'ny fandaharam-pianaranan'i Etazonia momba ny Asa sy Fitetezan-tany [EN]. Maro ireo manoratra blaogy momba ireo zava-niainany sy ireo heviny.
India: Fanarahamaso ny fandikàna lalàm-pifamoivoizana amin'ny alalan'ny Facebook
Ny fepetra vaovao noraisin'ny Mpitandro ny Fifamoivoizana any Delhi dia mampisongadina ireo olan'ny fandraisan'ny olom-pirenena anjara sy ny fampiasàn'ny governemanta ny media sosialy any India.
Sina: Tantaran'ny “Visa”
Hatraiza fotsiny ny hasarotr'izany, hoy i Chen Zikun mpitoraka blaogy ao amin'ny Sina sady mpanao gazety mahaleo tena ao amin'ny lahatsorany tamin'ny 6 Aogositra, ho an'ireo mpitety tany Sinoa te-haka...
Brezila: Fampisehoana vetaveta amin'ny aterineto, haino aman-jery sosialy ary ny andrikitry ny ray aman-dreny
Zatovo tsy ampy taona roa Braziliana nanao "fampisehoana vetaveta" no nojeren'ny olona maherin'ny 25 000. Ankoatran'izy roa ireo, manodidina ny 3 arivo ka hatramin'ny iray alina ireo olona mety nisintona sy nizara ilay horonantsary ary hanaovana fanadihadiana izy ireo amin'izao fotoana izao.
Pakistana: Antsoy hoe Pornistan?
Tamin'iny volana lasa iny, Fox News dia namoaka tatitra nanambara fa i Pakistana no mitàna ny laharana voalohany amin'ny tranonkala vetaveta araka ny voarakitr'i Google. Manadihady ilay tatitra ireo mpitoraka blaogy Pakistane ary mampahatsiahy teboka manan-danja vitsivitsy mifandraika amin'ireo olana fanasivanana aterineto ao amin'ny firenena.
Hongria: Tafatafa miteraka adihevitra niarahana tamin'ny Mpitarika Kaominista teo aloha
Marietta Le dia manaraka ny adihevitry ny vahoaka momba ny lasan'i Hongria talohan'ny 1989, nahazo aingam-panahy tamina horonantsary fanadihadiana momba an'i Béla Biszku, izay Minisitry ny Atitany nanomboka tamin'ny 1957 hatramin'ny 1961 ary niandraikitra ireo vola nozaraina hanoherana ireo nandray anjara tamin'ny Fikomiana Hongriana tamin'ny 1956.
Bangladesh: Mizara ireo heviny momba ireo orinasa Grameen ireo mpitsidika
Amin'ity fahavaratra ity, mpianatra valo sy mpikambana ao amin'ny sampana mianatra ny Fifehezana ny Fitantanam-bahoaka (MPA) ao amin'ny Anjerimanontolon'ny Kentuky Avaratra (NKU) any Kentucky any Etazonia no mamarana fiofanana any Bangladesh ao amin'ny Banky Grameen. Nanao fitsidihana maro tany izy ireo ary mandrakitra ireo zava-niainany any amin'ny blaoginy tsirairay avy amin'ny alalan'ireo lahatsoratra, sary ary horonantsary.
Filipina: Topimason'ireo mpitoraka blaogy amin'ny olana mianjady amin'ireo tantsaha
Ireo mpitoraka Filipiana nandray anjara tamin'ny fitetezam-paritra ara-barotra tany amin'ireo tanàna an-tendrombohitr'i Cebu, faritra afovoan'i Filipina, dia nahita ny fomba toe-piaina sy nahazo sary an-tsainaireo olana atrehan'ireo tantsaha any amin'io faritra io.
